 «Կեղեքված կինո». Վերականգնված «Նռան գույնն» առաջին անգամ կցուցադրվի Մոսկվայում 20 սեպտեմբերի 2014 - 14:05 AMT PanARMENIAN.Net - «Ուղերձ մարդուն» փառատոնի շրջանակում առաջին անգամ Մոսկվայում կցուցադրվի Սերգեյ Փարաջանովի «Նռան գույնի» վերականգնված տարբերակը: Այս տարի փառատոնում կներկայացվի «Կեղեքված կինո» անվանակարգը, որում ներառվել են նախկին Խորհրդային հանրապետությունների ռեժիսորների ֆիլմերը, որոնց աշխատանքները դարձել են սովետական գրաքննության զոհը: «Ուղերձ մարդուն» միջազգային կինոփառատոնը տեղի կունենա սեպտեմբերի 21-ից 27-ը: Մրցութային ցուցադրությունները նախատեսված են միաժամանակ Սանկտ Պետերբուրգում ու Մոսկվայի վավերագրական կինոյի կենտրոնում: Անվանակարգում ներկայացված որոշ ֆիլմեր ընդհանրապես կինովարձույթում չեն հայտնվել, մյուսները` խիստ սահմանափակ քանակով, երորդները տասնամյակներ շարունակ մնացել են պահոցներում, իսկ ռեժիսորներին ստիպել են անհամար կրկնօրինակներ նկարահանել: «Նռան գույնը» ֆիլմի վերականգնված տարբերակի ցուցադրությունը նախատեսված է սեպտեմբերի 24-ին Մոսկվայի «Վելիկան» կինոթատրոնում: Սերգեյ Փարաջանովի «Նռան գույնը» 1968 թվականին նկարահանվել է «Հայֆիլմ» կինոստուդիայում և 2013-ին ամերիկյան Film Foundation-World Cinema Project (Նյու Յորք) հիմնադրամի միջոցներով վերականգնվել Իտալիայի L’immagine Ritrovata լաբորատորիայում: Ֆիլմի վերականգնված տարբերակն առաջին անգամ ցուցադրվել է Կաննի 67-րդ կինոփառատոնի դասական ծրագրի (Cannes Classics) շրջանակում: «Նռան գույն»-ը Փարաջանովի ամենահայտնի ֆիլմերից է։ Այն թողարկվել է 1968թ․-ին ու նվիրված է Սայաթ-Նովային։ Ֆիլմի հեղինակային անունը, ի դեպ, հենց «Սայաթ-Նովա» է։ Գտնվելով գրաքննության ճնշման տակ ռեժիսորը ստիպված է եղել վերամոնտաժել ու փոխել ֆիլմի անունը։ Փարաջանովի թողած ժառանգության մեջ ամենավառ կերպով ներկայացված է Կովկասի բազմազանությունը։ 1964-ին նկարահանած «Մոռացված նախնիների ստվերները»-ը ֆիլմից հետո Փարաջանովին սկսեցին դասել աշխարհի լավագույն կինոռեժիսորների շարքին։ «Նռան գույնը» Փարաջանովի հաջորդ գլուխգործոցն է։ Երկու ֆիլմերն էլ ենթարկվեցին խորհրդային գրաքննությանը, որի արդյունքում Կառավարությունը փոխեց իր վերաբերմունքը ռեժիսորի հանդեպ և 1973-ի դեկտեմբերի 17-ին նրան 5 տարի ազատազրկման ենթարկեց ՝ մեղադրելով արվամոլության մեջ։   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է  Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունիCFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականինՌուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվենՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում |
