  Աննա Մելիքյանի ֆիլմը` «Ոսկե արծվի» գլխավոր մրցանակակիր 30 հունվարի 2016 - 11:53 AMT PanARMENIAN.Net - Ռուսաստանում կինոյի ասպարեզում անցկացվող «Ոսկե արծիվ» մրցանակաբաշխությանը 2015 թ. լավագույն ֆիլմ է ճանաչվել Աննա Մելիքյանի «Սիրո մասին» կինոնկարը` կանխատեսումներին հակառակ առաջ անցնելով լուրջ և հայրենասիրական ֆիլմերից, գրում է ՏԱՍՍ-ը: Հաղթողների պարգևատրման արարողությունը տեղի է ունեցել հունվարի 29-ի երեկոյան «Մոսֆիլմում»: Մրցանակները հանձնել է Ռուսաստանի կինեմատոգրաֆիստների միության ղեկավար Նիկիտա Միխալկովը: Բացելով ծրարը նա միայն մեկ բառ կարողացավ արտասանել` «Ապշեցուցիչ է»: Աննա Մելիքյանը ևս չէր թաքցնում զարմանքը: «Ես ցնցված եմ այս որոշումից և ամենևին պատրաստ չէի»: Նա նշել է, որ անվանակարգում ներկայացված ֆիլմերի ցանկում շատ էին հիանալի, լուրջ, հայրենասիրական ֆիլմերը, և հույս չոներ, որ կհաղթի իր «փոքր ուրախ կինոնկարը»: «Սա շատ գեղեցիկ քայլ է, շատ ճիշտ մեր բարդ ժամանակներում` մրցանակը շնորհել սիրո մասին ֆիլմին: Եկեք սիրենք միմյանց և կենսուրախ լինենք»,-ասել է ռեժիսորը: Անվանակարգերի քանակով առաջատարը Դմիտրի Մեսխիևի «Գումարտակն» էր, որը պատմում է Առաջին աշխարհամարտի տարիներին գործող կանանց մահվան գումարտակի մասին: Արդյունքում ֆիլմը մրցանակի արժանացավ «Երկրորդ պլանի կնոջ լավագույն դերակատարման համար», «Ֆիլմի լավագույն երաժշտության» համար անվանակարգերում: Գլխավոր անվանակարգում մրցանակի էր հավակնում նաև Ստանիսլավ Գովորուխինի «Հիանալի դարաշրջանի ավարտը» ֆիլմը` Սերգեյ Դովլատովի պատմվածքների մոտիվներով, որն արժանացավ մրցանակի ռեժիսորի լավագույն աշխատանքի համար: «Ես և սպասում էի այս մրցանակին, և չէի սպասում: Ինձ ֆիլմը դուր է գալիս, ինձ թվում է, սա իմ լավագույն աշխատանքն է»,-ասել է Գովորուխինը: «Համաշխարհային կինեմատոգրաֆում ունեցած ավանդի» համար պատվավոր մրցանակին արժանացավ Նիկիտա Միխալկովը: Աննա Մելիքյանի «Սիրո մասին» ֆիլմն արժանացել է նաև Ռուսաստանի «Կինոտավր-2015» 26-րդ բաց փառատոնի գլխավոր մրցանակին: Ֆիլմը ստացել է նաև կինոքննադատների ժյուրիի մրցանակը: «Սիրո մասին» ֆիլմը սիրո թեմայով միավորված նովելների հավաքածու է: Ֆիլմում նկարահանվել են Ռենատա Լիտվինովան, Եվգենի Ցիգանովը, Վլադիմիր Մաշկովը, Յուլիա Սնիգիրը, Ռավշանա Կուրկովան, Մարիա Շալաևան, Ալեքսանդր Բորտիվը և այլոք:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը  Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը»Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցերԿայացել է «Բադալյան եղբայրներ» ընկերությունների խմբի մեջ մտնող ֆինանսական կազմակերպությունների տարեկան ժողովը Հայաստանում «Ֆասթ Բանկ» ՓԲԸ վարկային պորտֆելն ավելացել է60 տոկոսովՎարչապետը գերմանական Fichtner–ի պատվիրակության հետ քննարկել է վերականգնվող էներգետիկայի զարգացումը ՀՀ–ում Այցը Երևան տեղի է ունենում Մյունխենում կայացած հանդիպման արդյունքներով |
