Բրիտանական « Mika Ltd.» ընկերությունը, որը գնել էր «Հրազդանցեմենտ» ձեռնարկությունը, պարտավորվել է գործարանի զարգացման մեջ ներդնել 5,2 միլիոն դոլար:

Ստամբուլի համալսարանում այսօր նախատեսված է Հայաստանի եւ Թուրքիայի պատմաբանների հանդիպումը:

Չորեքշաբթի Բրյուսելում նախագահ Ռոբերտ Քոչարյանը եւ ՆԱՏՈ-ի գլխավոր քարտուղար Ջորջ Ռոբերտսոնը քննարկեցին ռեգիոնալ համագործակցության եւ անվտանգության հարցերը:

Հայաստանի եւ Եւրամիության ղեկավարները պայմանավորվել են հարաբերությունների զարգացման եւ ակտիվացման մասին:

160 ամերիկահայերի մի խումբ ժամանել է Ստամբուլ, որտեղից կսկսվի Հայաստանում քրիստոնեության ընդունման 1700-ամյակին նվիրված իրենց ուխտագնացությունը դեպի Արեւմտյան Հայաստան:

Անկարա կատարած այցի ընթացքում ԱՄՆ պաշտպանության նախարար Ռոնալդ Ռամսֆելդը հանդիպում է ունեցել Թուրքիայի վարչապետ Բյուլենթ Էջեւիթի հետ: Հանդիպման ժամանակ այլ խնդիրների հետ մեկտեղ քննարկվել է նաեւ Թուրքիայի եւ Հայաստանի միջեւ հարաբերությունների հարցը:

«ՀայՌուսգազարտ» ձեռնարկության բաժնետերերի ժողովին քննարկվել է Իրան-Հայաստան գազամուղի շինարարությանը մասնակցության հարցը:

Իրանի հայ համայնքը տարածել է հայտարարություն, որով կոչ է անում հայրենակիցներին նախագահական ընտրություններին քվեարկել գործող նախագահ Մուհամմադ Խաթամիի օգտին: