Մտահոգությունը կայանում է նրանում, որ Ղարս-Ախալքալակ երկաթուղու շինարարության դեպքում Հայաստանը կհայտնվի փակուղում, մինչդեռ Թուրքիան շրջանցելով Հայաստանը` կապ կհաստատի Ադրբեջանի հետ:

ԱՄՆ պետքարտուղարության Եվրոպայի եւ Եվրասիայի երկրների աջակցության հարցերով համակարգող Կառլոս Պասկուալի խոսքերով` այդ գումարից 20 մլն դոլարը կուղղվի հումանիտար օգնությանը, 9 միլիոնը` ժողովրդավարության զարգացմանը երկրում:

Թուրքիան կանցկացնի նաեւ Վրաստանի պաշտպանության նախարարության հատուկ նշանակության 11-րդ բրիգադի Կոջորի գումարտակի զինծառայողների պատրաստությունը, ինչպես նաեւ կստեղծի հատուկ պատրաստության զինվորական դպրոց:

Աբդուլա Գյուլն ընդգծել է, որ Ստամբուլի գագաթնաժողովի կազմակերպիչը թուրքական կողմը չի, այլ` ՆԱՏՕ-ն է:

Հայաստանը պատրաստ է մասնակցել Ադրբեջանում կայանալիք ՆԱՏՕ-ի «Լավագույն համատեղ ջանք-2004» զորավարժություններին բացառապես որպես լիարժեք մասնակից, այսինքն` ստորաբաժանումների կազմում, հայտարարել է ՀՀ պաշտպանության նախարար Սերժ Սարգսյանը:

Նախօրեին Երեւան են ժամանել ռազմա-տրանսպորտային երկու ԻԼ-76 ինքնաթիռներ, որոնք Հայաստանը ձեռք է բերել Ռուսաստանից «այն մեթոդիկայով, որը կիրառվում է ՀԱՊԿ-ի շրջանակներում», տեղեկացրել է Ռուսաստանի պաշտպանության նախարար Սերգեյ Իվանովը:

Ռուսաստանի պաշտպանության նախարար Սերգեյ Իվանովը նշել է, որ Ռուսաստանը «շատ ուշադիր է» մոտենում ռազմակայանը ժամանակակից տեխնիկայով եւ սպառազինությամբ ապահովելու հարցերին:

Նախարարները կքննարկեն ռազմական բնագավառում ԱՊՀ երկրների ինտեգրմանն առնչվող ավելի քան 20 հարց, մասնավորապես, հակաօդային պաշտպանության միացյալ համակարգի զարգացման, կապի միացյալ համակարգի ստեղծման, միջուկային զենքի չտարածման շուրջ դիրքորոշումների համակարգման հարցերը:

Այսօր Սուխումիում վերսկսվելու են վրացա-աբխազական բանակցությունները: Հիմնական թեման կլինի Թբիլիսիում պատրաստված հակամարտության կարգավորմանը եւ Աբխազիայի կարգավիճակին վերաբերող առաջարկները: Բացառված չէ, որ բանակցություններում հաջողության հասնելու դեպքում, աբխազական մոդելը կառաջարկվի նաեւ ղարաբաղյան հակամարտության կողմերին: