Շախմատ. Հունական Պորտո Կարաս քաղաքում ավարտվեց շախմատի աշխարհի պատանեկան առաջնությունը: Հայաստանի 19 ներկայացուցիչներից 6 տարիքային կարգերում ամենահաջողը ելույթ ունեցավ Սամվել Տեր-Սահակյանը մինչև 18 տարեկանների շարքում: Նա 8.5 միավորով նվաճեց աշխարհի փոխչեմպիոնի կոչումը:

2010-ի դեկտեմբերի 31-ին Թուրքիայի ՔՕ-ն կհամալրվի մի օրենքով, որի համաձայն մեղադրյալների կալանքի տակ գտնվելու ժամկետը կսահմանափակվի 1.5-3 տարով: Ինչպես գրում է թուրքական Aksam-ը, այդ օրենքի համաձայն «Ակոս» թերթի գլխավոր խմբագիր Հրանտ Դինքի սպանության մեջ մեղադրվող Օգյուն Սամաստը կարող է ազատ արձակվել, քանի որ կալանքի տակ է արդեն 3 տարի և 9 ամիս:

2010թ. հոկտեմբերի 1-ի դրությամբ Հայաստանում ինտերնետից օգտվողների թիվը գերազանցում է 1,5 մլն (ներառյալ բջջային ինտերնտեից օգտվողներին): Այդ մասին մամլո ասուլիսում հայտարարել է Հանրային ծառայությունների կարգավորման հանձնաժողովի անդամ Սամվել Արաբաջյանը: Ըստ Արաբաջյանի, լայնաշերտ ինտերնետի բաժանորդների թիվը Հայաստանում գերազանցում է 160 հազարը: Մինչդեռ, ըստ 2010թ. հունվարի 1-ի տվյալներով Dial-up լայնաշերտ ինտերնետի բաժանորդների քանակը նվազել է ավելի քան 2 անգամ՝ հասնելով 21 հազարի: Միևնույն ժամանակ, Հայաստանում ինտերնետի թողունակությունը Հայաստանում կազմում է 7833 Մբիտ/վրկ, այդպիսով ապահովելով թրաֆիկի 2,3 անգամյա աճ 2010թ. առաջին 9 ամիսներում:

Ադրբեջանական ԶԼՄ-ները ոչ մի կերպ չեն հանգստանում և փորձում են համոզել ոչ այն է`իրենց ընթեցողներին, ոչ այն է` իրենք իրենց, որ հաղթող են դուրս եկել Իրանում կայացած մամուլի և տեղեկատվական գործակալությունների 17-րդ միջազգային ցուցահանդես-փառատոնում տեղի ունեցած միջադեպում: Չափազանց հետաքրքիր է հետևել, թե որքան անհետևողական են ադրբեջանական ԶԼՄ-ները իրենց քոչվոր նախնիներից ժառանգած բարբարոս մեթոդներն արդարացնելու փորձերում:

«Հզոր Թուրքիա» անհասկանալի և մարգինալ կուսակցության ներկայացուցիչների այցն Երևան դարձավ ոչ միայն ՀՀ ԱԱԾ-ի, ինչը զարմանալի չէ, այլ նաև՝ հայկական մամուլի ու որոշ փորձագետների սևեռուն ուշադրության առարկան: Ամեն ինչ հավանաբար, հաշտ ու խաղաղ կանցներ, քանի որ Հայաստան հաճախ են թուրք փորձագետներ ու քաղաքագետներ ժամանում, սակայն նրանցից ոչ մեկին ԱԱԾ չէին հրավիրել:

Հոկտեմբերի 17-19-ը Երևանում տեղի ունեցավ Ֆինանսիստների և բանկիրների առաջին համահայկական համաժողովը, որին մասնակցեցին 10 երկրների շուրջ 100 ներկայացուցիչներ: Համաժողովի կազմապերպիչներն էին ՀՀ սփյուռքի նախարարությունը, Կենտրոնական բանկը և Հայաստանի բանկերի միությունը: Համաժողովի նպատակն էր ֆինանսիստների և բանկիրների համահայկական ընկերակցության ստեղծման միջոցով նպաստել հայ ֆինանսիստների և բանկիրների համագործակցության ակտիվացմանը: Համաժողովի արդյունքներով ստեղծվեց Ֆինանսիսների և բանկիրների համահայկական ասոցիացիան, որի մեջ մտան ֆինանսիստներ սփյուռքից, Հայաստանի նախարարությունների, ԿԲ և Հայաստանի բանկերի միության ներկայացուցիչներ:

Խորովածի 2-րդ փառատոնը տեղի ունեցավ Լոռու մարզի Ախթալա քաղաքում կիրակի օրը: Այն նվիրված էր ևս երկու իրադարձությունների` 12-րդ դարի Սուրբ Մարիամ Աստվածածին եկեղեցու վերաօծմանը և աշխարհում երկրորդ ամուսնական մատանիների հուշարձանի տեղադրմանը: