Հասարակություն.

Գարնանային տոներին հայ կանանց մեկ փունջ ծաղկեփունջ նվիրելը միջինը կարժենա 15 000 դրամ

Տոների նախաշեմին Հայաստանում ծաղիկների գները բարձրանում են միջինը 30-40 տոկոսով, իսկ որոշ ծաղիկների գները՝ 100 տոկոսով

7 մարտի 2011
Հայաստանում վերջին մի քանի տարվա ընթացքում գարնանային տոները նշվում են մի ամբողջ ամիս՝ մարտի 8-ից ապրիլի 7-ը: Եվ, ինչպես միշտ, տոների նախաշեմին ծաղիկների շուկայում սկսվում է իրարանցում, ծաղիկների գները բարձրանում են միջինը 30-40 տոկոսով, իսկ որոշ ծաղիկների գները՝ 100 տոկոսով: «Ծաղիկների գները գարնանային տոների շրջանում թելադրում է շուկան, և պետք չէ գուշակել, թե որ ծաղիկն ինչ կարժենա»,- հավաստիացրել են Flowers Armenia Inc-ից: Այստեղից նաև PanARMENIAN.Net-ի թղթակցին հայտնել են, որ մեծ պահանջարկ ունի ծաղիկների թագուհին՝ վարդը, ինչպես նաև հերբերան և շուշանը: Վերջին շրջանում հաճախորդներին հետաքրքրում են էկզոտիկ ծաղիկները, յուրօրինակ խոլորձները, կալա հիշեցնող կարմիր ծաղիկները՝ անտուրիում, որոնք վաճառվում են ինչպես փնջով (5000 դրամ), այնպես էլ առանձին: Նման ծաղիկների տեղափոխման դեպքում ռիսկը մեծ է, քանի որ դրանք տեղափոխվում են ջերմաստիճանային նորմերը հաշվի առնելով և կարող են «ապրել» 20-30 օր, իսկ ջերմաստիճանի անկման դեպքում դրանց «կյանքը» զգալիորեն կրճատվում է:
Տնտեսություն.

ՀՀ կառավարությունը մտադիր է հանդես գալ նոր օրենսդրական նախաձեռնություններով, որոնք կոչված են զսպել գնաճը

Առաջիկայում ՀՀ կառավարությունը կներկայացնի Կայուն տնտեսական զարգացման ծրագիր, որը ներառում է նաև աղքատության կրճատում

5 մարտի 2011
Ինչպես և սպասվում էր, Հայաստանում գնաճը շարունակում է աճել, և կանխատեսումների համաձայն, առաջին կես տարում այն մոտենալու է 10 տոկոսի: Մասնավորապես, օպերատիվ տվյալների համաձայն, 2011թ. փետրվարին հունվարի համեմատ ՀՀ սպառողական շուկայում արձանագրվել է 1.9 տոկոս գնաճ: Պարենային ապրանքների (ներառյալ ոգելից խմիչք և ծխախոտ) գները նշված ժամանակահատվածում աճել են 1.5 տոկոսով, ոչ պարենային ապրանքներինը`0.6 տոկոսով, իսկ ծառայությունների սակագները` 3.4 տոկոսով: Պարենային մթերքների համաշխարհային գների բարձր աճի մասին է խոսում նաև FAO-ն: Ցորենի համաշխարհային գները կտրուկ աճել են հացահատիկի մյուս տեսակների արտահանման գների հետ միասին, այդ աճը կազմել է մոտ 70 տոկոս անցյալ տարվա փետրվարի համեմատ: Նավթի գների կտրուկ աճը կարող է ավելի խորացնել պարենամթերքի շուկայի առանց այդ էլ վտանգավոր իրավիճակը:
Սպորտ.

Որոշվել է ծանրամարտի Հայաստանի հավաքականի կազմը, որը պատրաստվելու է Եվրոպայի գալիք առաջնությանը

Փետրվարի 24-ից մարտի 3-ի գլխավոր սպորտային իրադարձությունների ամփոփում

5 մարտի 2011
Շախմատ. Շախմատիստուհիներ Էլինա Դանիելյանը և Լիլիթ Մկրտչյանը ՖԻԴԵ-ի կանանց Գրան պրիի վերջին փուլի 7-րդ տուրում հաղթանակներ են տարել համապատասխանաբար Սյույ Յույխուայի (Չինաստան) և Չժու Չենի (Քաթար) նկատմամբ:
Հայաստան և աշխարհ.

Թուրքիայում նախընտրական քարոզարշավը ստուգում է քաղաքական գործիչների «զտարյունությունը»

Այդ քարոզարշավից ոչ մի լավ բան չի ստացվի, քանի որ Թուրքիայի բնակչությունն իրեն միայն թուրքեր է համարում, իսկ դրանից առաջ՝ օսմաններ: Ցանկացած այլ ծագում համարվում է «ոչ մաքուր»

4 մարտի 2011
Այս շաբաթ թուրքական մամուլում հայտնվել է երկու նորություն, որոնք արժանի են սևեռուն ուշադրության: Առաջինը՝ թույլ տալ հային, տվյալ դեպքում Լեո Սուրեն Հալեպլիին աշխատել պետական կառույցում և հայ լրագրողների անունների հրապարակումը, որոնք մահացել են 1915-ին Հայոց ցեղասպանության տարիներին: Հազիվ թե մեզ հետաքրքրեին այդ հաղորդագրությունները, եթե չլինեին երկրի խորհրդարանի ընտրությունների համար քարոզարշավի ահագնացող ծավալները:
Մշակույթ.

Երևանի գրեթե բոլոր թանգարաններն ուշադրության և միջոցների կարիք ունեն

Երևանցիները գրեթե դադարել են այցելել թանգարան: Երջանիկ բացառություն են կազմում դպրոցականները և ուսանողները

3 մարտի 2011
Երևանի գրեթե բոլոր թանգարաններն ուշադրության և միջոցների կարիք ունեն
Երևանում ընդհանուր առմամբ հաշվվում են տարբեր թեքումներով ավելի քան 30 թանգարաններ: Դրանցից գրեթե բոլորը գտնվում են մշակույթի նախարարության և ՀՀ ԳԱԱ հոգածության տակ, և գրեթե բոլորը նյութական միջոցների կարիք ունեն, ինչն իր հերթին խանգարում է շատ պլանների և մտադրությունների իրականացմանը, այդ թվում` ինչպես միջազգային, այնպես էլ տեղական ցուցահանդեսներին մասնակցությանը: Անբավարար միջոցները թույլ չեն տալիս բարձրացնել թանգարանների աշխատողների աշխատավարձը, որի պատճառով շատ մասնագետներ ուղղակի չեն ցանկանում աշխատել թանգարաններում:
Քաղաքականություն.

Սոցիալական բողոք. Սանձել ալիքը

Հայաստանում առկա է ուժեղ սոցիալական դժգոհություն, հասարակության բևեռացում, որը խոստովանում են նույնիսկ իշխանության ներկայացուցիչները: Ընդ որում, չնայած այդ երևույթի դեմ պայքարելու մտադրության մասին իշխանությունների հայտարարություններին, սոցիալական լարվածությունը երկրում շարունակում է աճել, իսկ իշխանություններն իրենց գործողություններով կամա ակամա միայն ավելացնում են դժգոհների թիվը: Բոլոր ընդդիմադիր ուժերի վերջին հայտարարությունները վկայում են, որ նրանց թիվ մեկ նպատակն առաջիկայում այդ բողոքի օգտագործումն է իշխանության համար պայքարում:

26 փետրվարի 2011
Ընդդիմադիրների վերջին ելույթները տարբեր ցույցերում և մամլո ասուլիսներում ցուցաբերում են իշխանության համար պայքարում գոյություն ունեցող սոցիալական բողոքն օգտագործելու նրանց մտադրությունը և ժողովրդական բողոքի ալիքի վրա իշխանության գալու ցանկությունը: Արաբական աշխարհում վերջին դեպքերը, մասնավորապես Եգիպտոսի և Թունիսի ժողովրդական ելույթների հաջողություններն ընդդիմության մոտ հաջողությայն հույսեր են արթնանցնում, իսկ իշխանության ներկայացուցիչների մոտ՝ սեփական իշխանության պահպանման համար վտանգ: Եթե ՀՅԴ-ն և «Ժառանգությունը» դեմ են իշխանությունը բռնի ուժով փոխելուն, ապա ՀԱԿ-ն, ինչպես միշտ, ավելի արմատական է իշխանության գալու իր ձգտման մեջ: ՀԱԿ-ից փորձում է ետ չմնալ նաև Ժողովրդական կուսակցության առաջնորդ Տիգրան Կարապետյանը, որը փետրվարի 15-ի իր ցույցում նախագահի աշխատակազմին է հանձնել վերջնագիր քաղաքական և տնտեսական պահանջներով՝ սպառնալով դրանք հաշվի չառնելու դեպքում իշխանություններին փետրվարի 28-ի իր ցույցում «կարմիր քարտ» ցույց տալ:
ՏՏ ոլորտ.

Սմարթֆոնները գնալով ավելի մեծ տարածում են ստանում հայերի շրջանում

Շատերն ընտրում են սմարթֆոնները, ելնելով նրանց գործառույթներից՝ մեծ ծավալի հիշողություն, բարձրորակ լուսանկարում, իսկ ծրագրային հնարավորություններն առանձնապես չեն հետաքրքրում

24 փետրվարի 2011
Սմարթֆոնները հայտնվեցին հայկական շուկայում երկու տարի առաջ և գործնականում գրեթե անմիջապես տարածում ստացան Հայաստանի բնակչության շրջանում: Օրինակ, ըստ 2010-ի արդյունքների «Օրանժը» վաճառել է շուրջ 550 iPhone սմարթֆոն, իսկ ՎիվաՍել-ՄՏՍ-ը՝ մոտ 1000 սմարթֆոն: «Օրանժի» վաճառքի գծով խորհրդատու Լաուրա Մկրտչյանը PanARMENIAN.Net-ի թղթակցին տեղեկացրեց, որ ամենից շատ վաճառվում են iPhone հեռախոսները. «Մեկ ամսվա ընթացքում մեր սպասարկման կենտրոնում վաճառում ենք 2 blackberry, 12 HTC և15 iPhone: Հատկապես iPhone 4-ի համար վերջին երեք ամսում հերթեր են գոյացել»: Ըստ Լաուրա Մկրտչյանի iPhone ցանկանում են գնել միայն բրենդի համար, իսկ HTC և Blackberry սմարթֆոնները նախընտրում են գործարարները:
 
---