Նոյեմբերի 25-ին ընդդիմադիր Հայ ազգային կոնգրեսը (ՀԱԿ) Երևանում անցկացրեց իր հերթական հանրահավաքը: Արդեն սովորական դարձած սակավաթիվ հանրահավաքների, նախագահ Սերժ Սարգսյանի հրաժարականի պահանջների, Երևան տանող փակ ճանապարհները պատճառ չբերելու կոչերի կողքին վերջին հանրահավաքը դեռ երկար ժամանակ քննարկումների և տարբեր ենթադրությունների թեմա կլինի:

Տարածաշրջանում գլխավոր դեր խաղալու Թուրքիայի վարչապետի անզուսպ ցանկությունը վերջ ի վերջո հանգեցրեց նրա երկրի համար բավական տհաճ հայտարարությունների Իրանի և Սիրիայի կողմից: Ինչպես Իրանը, այնպես էլ Սիրիան բավական ոչ երկիմաստ արտահայտվել են Թուրքիայի տարածքի վրա ռազմական հարվածի հնարավորության մասին: Այսպես, Իրանի Հեղափոխական գվարդիայի գլխավոր հրամանատարը հայտարարել է, որ Իրանը հարձակում կգործի Թուրքիայում ՆԱՏՕ-ի Հակահրթիռային պաշտպանության (ՀՀՊ) համակարգերի վրա այն դեպքում, եթե ԱՄՆ-ը և Իսրայելը սկսեն հարվածել Իրանի օբյեկտներին:

Եթե Կոստանդնուպոլսի սբ. Սոֆիայի տաճարը կամ Աթենքի մարմարակերտ Պարթենոնը լինեին ավերված վիճակում ապա ինչպիսի ուշադրություն կգրավեին այդ շինությունները և ինչքան հաճախ նրանց կհիշատակեին, կամ կպատկերեին: Զվարթնոցը միջնադարի շինարար արվեստի գլուխգործոցը իրենից այժմ ընդամենը ավերակ է ներկայացնում է ` հնագիտական պեղումների էքսպոզիցիա: Բայց այնքան է այն կատարյալ իր ձևով և կոնստռուկտիվ բովանդակությամբ, որ նույնիսկ փլատակ վիճակում ունի իր բացառիկ տեղը համաշխարաին արվեստի գանձարանում: Ճարտարագետ Կուզնեցով Ա.Վ. պնդում է, որ «Զվարթնոցը կառուցված Ներսես III օրոք իր վեհությամբ և շքեղությամբ պետք է գերազանցեր բոլոր մինչ այդ ստեղծված կառույցները» (Кузнецов А.В. Тектоника и конструкции центрических зданий. Т.1, -М: Гос. изд-во арх. и град-ва, 1951. с. 113):

Հայաստանում զբոսաշրջության ոլորտում 2011-ի 10 ամիսների արդյունքով գրանցվել է 13,5 տոկոս աճ: Միաժամանակ սպասվում է, որ մինչև տարեվերջ այցելությունների քանակը կգերազանցի 800 հազար մարդը: Պետք է նշել, որ զբոսաշրջության ոլորտը Հայաստանի տնտեսության սակավաթիվ ոլորտներից է, որտեղ ճգնաժամի շրջանում չի արձանագրվել անկում: Ուստի այս տարի նկատվում են աճի կայուն տեմպեր դրական հիմքի վրա: Ավելին, երկրի իշխանություններն իրենց առջև խնդիր են դրել առաջիկա 2-3 տարիների ընթացքում հատել 1 մլն զբոսաշրջիկ խորհրդանշական շեմը: Ինչպես հավաստիացրել է այսօր Հայաստանի էկոնոմիկայի նախարար Տիգրան Դավթյանը, դրա համար երկրում ստեղծվում են բոլոր նախադրյալները, մասնավորապես, համապատասխան ենթակառուցվածքների ստեղծման գծով. դա Հայաստանում «Զվարթնոց» օդանավակայանի նոր տերմինալի ստեղծումն է, Հայաստանում համաշխարհային հյուրանոցային ապրանքանիշերի ներկայությունը և ևս երեքին ներգրավելու աշխատանքները, վերանորոգվող ճանապարհները, ծառայությունների որակի բարձրացումը և այլ միջոցառումներ:

Սովորաբար Հայաստանից Արցախ մեկնողները զարմանում են` Արցախը ռոումի՞նգ է, ինչո՞ւ, որքա՞ն են սակագները։ Հայաստանի բոլոր երեք բջջային օպերատորների դեպքում էլ գործում է Արցախի ռոումինգ ծառայությունը։ Եթե Արցախում գտնվող անձը ցանկանում է զանգահարել Հայաստան, ապա պետք է վճարի ՎիվաՍել-ՄՏՍ-ի բաժանորդ լինելու դեպքում րոպեն 140 դրամ, Orange Armenia-ի դեպքում` 165 դրամ, իսկ ԱրմենՏելի դեպքում` 170 դրամ։

Ինչպես արդեն հայտնի է, Երևանում ճանաչված ճարտարապետ Ռաֆայել Իսրայելյանի տունը հիմնահատակ ավերված է: Ճարտարապետի տան տեղը վեր է խոյանալու հերթական հյուրանոցը: Ինտերնետի հայկական սեգմենտում վրդովմունքի ալիք բարձրացավ, Facebook սոցիալական ցանցում վանդալիզմի հակառակորդների խումբ ստեղծվեց, նույն Facebook-ում Երևանի քաղաքապետ Կարեն Կարապետյանի էջում հայտնվեցին կոչեր` դադարեցնելու Հայաստանի համար այդքան բան արած մարդու տան ոչնչացումը, սակայն ապարդյուն: Վերացավ ևս մեկ հայ երախտավորի հետքը, ով այդքան ահռելի ներդրում է ունեցել Հայաստանը շենացնելու գործում:

Մեկուկես տարում Հայաստանի հավաքականի 37-ամյա մարզիչ Վարդան Մինասյանը ստեղծեց համերաշխ և կուռ թիմ, որը միշտ, դուրս գալով խաղադաշտ, ցուցաբերում է իսկական թիմային խաղ: Մարզչի մոտ նկատվում է առաջընթաց ապրելու և թիմն իր ետևից տանելու ցանկություն: