50  ՀՀ ԱԺ ընտրություններ 2012
Ընտրություններ 2012. ՀՀԿ-ի հաղթանակը, ՀԱԿ-ի կործանումն և անակնկալ «Օրինաց երկրից»

Ընտրություններ 2012. ՀՀԿ-ի հաղթանակը, ՀԱԿ-ի կործանումն և անակնկալ «Օրինաց երկրից»

Հարկ է ընդգծել, որ եթե 2007թ մեծամասնական ընտրահամակարգում հաղթանակ էր տարել 10 անկախ թեկնածու, ապա 2012-ին` միայն երկու

Նախօրեին Հայաստանում ավարտվել են Ազգային ժողովի 5-րդ գումարման ընտրությունները: Կայացած ընտրությունները, որոնք բազմաթիվ դիտորդներ գնահատել են որպես 2013թ նախագահական ընտրությունների յուրահատուկ նախնական փուլ, տվել են մի շարք անսպասելի արդյունքներ: Սակայն կայացած ընտրությունների ամենակարևոր արդյունքը ներկայումս իշխող կոալիցիայի ջախջախիչ հաղթանակն էր, որը համամասնական համակարգով հավաքել է 80 տոկոս, և ստացել մեծամասնական 41 տեղերից 38-ը:

PanARMENIAN.Net - Իշխող ՀՀԿ-ն մայիսի 6-ի ընտրություններին ջախջախիչ հաղթանակ է տարել իր բոլոր չարակամների նկատմամբ` ԿԸՀ-ի նախնական տվյալների համաձայն հավաքելով 663 066 քվե (44,05 %): Չնայած որ ընտրություններն անցել են «Բոլորն ընդդեմ ՀՀԿ-ի և նրա «կցորդ» ՕԵԿ-ի» կարգախոսով, իշխող կուսակցությունը, հմտորեն օգտագործելով վարչական ռեսուրսը, կարողացել է հաղթանակ տանել: Հաղթանակին չի խանգարել անգամ երկրի ծանր սոցիալ-տնտեսական վիճակը, որի համար ողջ պատասխանատվությունը իշխանությունները բարդել են համաշխարհային ֆինանսա-տնտեսական ճգնաժամի վրա:

ՀՀԿ-ն 2007-ի համեմատ (քվեների 33,8%) էականաորեն բարելավել է իր արդյունքը և լուրջ հայտ է ներկայացրել 2013-ի նախագահական ընտրություններում իր թեկնածուի հաղթանակի համար: Սա հատկապես նկատելի է, հաշվի առնելով այն, որ ՀՀԿ-ի ընտրական ցուցակը գլխավորում էր Սերժ Սարգսյանը, որը նաև գալիք նախագահական ընտրություններում կուսակցության թեկնածուն է:

Առավել տպավորիչ է ՀՀԿ-ի հաղթանակը մեծամասնական տեղամասերում: Եթե 2007-ի ընտրություններում կուսակցության թեկնածուները մեծամասնական համակարգով ստացել էին 23 տեղ, ապա այս ընտրություններում կուսակցությունը ստացել է 28 մանդատ:

Սակայն ՀՀԿ-ն չի գոհացել միայն իր հաղթանակով: Հետևելով «և՛ իմ, և՛ ընկերոջս համար» կարգախոսին` նա կարողացել է ապագա խորհրդարան մտցնել նաև իր հավատարիմ կրտեսր գործընկերոջը` «Օրինաց երկրին»: Վերջինս հավաել է 82 690 քվե (5,49 %), ինչը 2007-ի 7,04 տոկոսի համեմատ քայլ է դեպի հետ: Ինչ վերաբերում է մեծամասնական համակարգով ընտրություններին, ապա ինչպես 2007-ին, կուսակցությունը կարողացել է խորհրդարան անցկացնել մեծամասնական միայն մեկ թեկնածուի:

Սակայան եթե հաշվի առնել, որ բազմաթիվ փորձագետներ ՕԵԿ-ի հնարավորությունները գնահատում էին որպես զրոյական` վերջինիս համարելով «քաղաքական դիակ», որը իր մահվան դատավճիռն է կնքել` իշխանությունների հետ համաձյնության գալով, և որի կողմնակիցներին անհնար էր օրը ցերեկով հայտնաբերել, ապա նրա մուտքը խորհրդարան կարելի է գնահատել որպես կայացած ընտրությունների ամենամեծ անակնկալ:

2007-ի ընտրությունների համեմատ էապես հետադիմել է նաև Դաշնակցությունը: Եթե 2007-ին վերջինս հավաքել էր 13.1 տոկոս` 2-րդ տեղը զբաղեցրած ԲՀԿ-ին զիջելով ընդամենը 2 տոկոսով, ապա 2012-ին կուսակցությունը հայտնվել է 5-րդ հորիզոնականում` 86 296 քվեներով (5,73 %): Դաշնակցությունը կարողացել է անցկացնել ԱԺ իր մեկ մեծամասնական թեկնածուի:

Դաշնակցությանը շրջանցել է անգամ մեկ այլ ընդդիմադիր` «Ժառանգություն» կուսակցությունը, որն իր ընտացուցակում էր ներառել «Ազատ դեմոկրատների» և հասարակական սեկտորի ներկայացուցիչների: Միասին նրանք հավաքել են 87 095 քվե (5,79 %): Դա մի փոքր քիչ է, քան 2007-ին, սակայն պետք է հաշվի առնել, որ 2007-ի 5-րդ` վերջին անցումաին, հորիզոնականից կուսակցությունը տեղափոխվել է 4-րդ հորիզոնական` ընդդիմադիր դաշտում ՀԱԿ-ի փոխարեն առաջատար դեր ստանձնելու լուրջ հայտ ներկայացնելով:

Կայացած ընտրությունները ՀԱԿ-ի համար «կործանումից» բացի, այլ կերպ կոչել չի կարելի: Ընդդիմության առաջատարը, որը մտադիր էր խորհրդարանական ընտրություններում հաղթանակի միջոցով մարտահրավեր նետել իշխանություններին` նախաձեռնելով արտահերթ նախագահական ընտրություններ, մեծ դժվարությամբ է հայտնվել խորհրդարանում` հազիվ հաղթահարելով 7 տոկոսի շեմը` (106 910 քվե` 7,1%):

2011-ի գարնանը իշխանությունների հետ սկսած քաղաքական երկխոսության մեկնարկից հետո, ՀԱԿ-ի համբավի անկումը, ինչի վկայությունն է հանրահավաքների մասնակիցների քանակի նվազումը, տրամաբանորեն եզրափակվել է մայիսի 6-ին:

ՀԱԿ-ի անհաջողությունում որոշակի դերն է խաղացել ՀԱԿ-ի`իշխող կոալիցիայում առկա հակասությունների և իր վաղեմի կառակորդ ԲՀԿ-ի և Դաշնակցության հետ դշնակիցներ խաղալու փորձը: Վերջիններիս հետ Կոնգրեսը ներառվել է ընտրակեղծիքների դեմ պայքարի միջկուսակցական շտաբում: Միջկուսակցական շտաբը ՀՀԿ-ի, ՕԵԿ-ի դեմ ուղղված `երեք կուսակցությունների յուրատիպ միություն է:

ՀԱԿ-ի անհաջողությունից կարծես օգտվել է կոալիցիոն ԲՀԿ-ն: ԲՀԿ-ն «մի հարվածով միանգամից երկու նապաստակ է խփել»` միժամանակ խաղալով ընդդիմություն և որպես իշխող կոալիցիայի երկրորդ ուժ օգտագործելով հզոր վարչական ռեսուրսը: Կուսակցությունը կարողացել է իր օգտին տրամադրել ընդդիմադիր ընտրազանգվածի այն մասին, որը հիասթափվել էր ՀԱԿ-ից : Արդյունքում կուսակցությունը 2007-ի 15.1 տոկոսի դիմաց, հավաքել է 454 684 քվե (30,20 %) համամասնական համակարգով և ստացել մեծամասնական 9 տեղ:

Չնայած, որ ԲՀԿ-ն կարողացել է կրկնապատկել իր քվեների քանակը, այնուամենայնիվ, իր դժգոհությունն է արտահայտում քվեարկության արդյունքների վերաբերյալ` համարելով, որ նորմալ ընտրությունների դեպքում, շատ ավելի քվեներ կստանար:

Ներկայումս կուսակցությունը շփոթության մեջ է արդյոք շարունակել ընդդիմություն խաղալ, ինչն անում է վերջին ամիսների ընթացքում, ինչը սակայն կարող է «թանկ արժենալ» իշխանության հետ սերտորեն առնչվող նրա ղեկավարության համար, թե կրկին դառնալ ՀՀԿ-ի դաշնակիցը ապագա կոալիցիայում: Ընդ որում, երկրորդ տարբերակին կարող է խոչընդոտել կուսակցության որոշ բարձրաստիճան անձանց կողմից իշխող կուսակցությանը խիստ քննադատելը: Խոսքը, մասնավորապես ԲՀԿ-ի երկրորդ համար, ՀՀ ԱԳ նախկին նախարար Վարդան Օսկանյանի մասին է:

Ինչ վերաբերում է նախընտրական քարոզարշավի վերջին երեք մասնակիցներին, ապա, ինչպես և սպասվում էր, նրանց գլխավոր կարգախոսն էր «Կարևորը մասնակցությունն է, ոչ թե հաղթանակը»: ՀԿԿ-ն հավաքել է 15 933 քվե` (1,06 %), Հայաստանի դեմոկրատական կուսակցություն`5 633 (0,37 %), իսկ «Միավորված հայեր» կուսակցությունը` 3 080 (0,20 %):

Հարկ է նաև ընդգծել, որ եթե 2007թ մեծամասնական ընտրահամակարգում հաղթանակ էր տարել 10 անկախ թեկնածու, ապա 2012-ին` միայն երկու:

Հայկ Խալաթյան / PanARMENIAN News
 Ամենաընթերցվողը բաժնում
«Փաստորեն, Ադրբեջանը չի կատարել և չի կատարում ՄԱԿ ԱԽ 4 բանաձևի պահանջներից կամ կոչերից ոչ մեկը»,- գրել է Կազիմիրովը դեռ 2004-ին
Դեռ նախորդ տարվա մայիսին ՀՀ վարչապետը կարծում էր, որ Հայաստանի համար Մաքսային միություն ընդգրկվելն իմաստազուրկ է աշխարհաքաղաքական պատճառներով
Անգամ եթե ռացիոնալ պատերազմը կանխատեսելի չէ, արկածախնդրայինը հավանական է
Բաքուն իրեն չէր ների, եթե համանախագահների հայտարարությանն անհամաձայնություն հայտնելու առիթ չգտներ
 Ուշադրության կենտրոնում
Ցեղասպան Ջեմալի թոռը Երևանում փորձում էր արդարացնել պապին. Ապարդյուն էր

Ցեղասպան Ջեմալի թոռը Երևանում փորձում էր արդարացնել պապին. Ապարդյուն էր Դեկտեմբերի 12-ին Երանում կայացավ հանդիպում Հայոց ցեղասպանության կազմակերպիչներից Ջեմալ փաշայի թոռան՝ Հասան Ջեմալի հետ

 Բաժնի այլ նյութերը
Դինա Մալիշևա. Հայաստանի իշխանությունների առջև քաղաքական ապակայունացումը կանխելու խնդիր է ծառացած Քանի որ Լեռնային Ղարաբաղի հարցի լուծումը տարածաշրջանային բնութ է կրում, դա պահանջում է հատուկ մոտեցում Հայաստանի պաշտպանական ներուժի ամրապնդմանը
Նոր ՀՀՇ` հին դեմքերով կամ վերադարձ «հայրական տուն» Մինչև աշուն հին նոր ՀՀՇ-ն դեռ շատ անելիքներ ունի, կգտնի՞ այն իր տեղը հայրենի քաղաքական արևի տակ, ցույց կտա ժամանակը
Պայքար՝ հարուստ ու համեստ ֆինանսական միջոցներով. Հաշվում ենք քաղաքային հնարավոր իշխանությունների փողերը Ընտրություններին մասնակցող կուսակցություններից ամենահարուստը ՀՀԿ-ն է, նրան հաջորդում է ԲՀԿ-ն, համեստ են ՀԱԿ-ի և «Բարև, Երևան»-ի ֆինանսական միջոցները