 Կապանի թանգարանում թանկարժեք նմուշները ցուցադրվում են դպրոցական հին գրասեղանների վրաԹանգարանի աշխատողները կարպետներով ու գորգերով հմտորեն ծածկել են դպրոցական հին գրասեղանները և դրանք դարձրել ցուցափեղկեր Սյունիքի մարզկենտրոնի` Կապանի ծայրամասում, բնակելի շենքերի և մանկապարտեզի տարածքում է գտնվում քաղաքի թանգարանը: Այն կոչվում է Կապանի երկրագիտական թանգարան, բայց համարձակ կարելի է անվանել Սյունիքի պատմության թանգարան:   12 հունիսի 2012PanARMENIAN.Net - Թանգարանը հիմնվել է 1969 թ-ին և երկար տարիներ գտնվել է բնակելի շենքի ներքնահարկում: Երեք տարի առաջ մարզպետարանը հատկացրեց հողատարածք, և թանգարանի նոր շենքը երկու տարի հիմնանորոգումից հետո իր դռները բացեց ացելուների համար: Թանգարանի տնօրեն Գրիշա Սմբատյանը չի դժգոհում շենքի տեղից, ասելով, որ դա չի խանգարում այցելություններին: «Տեղը բացարձակ կապ չունի: Թանգարան եկողը միշտ էլ գալիս է»,-ասում է տնօրենը: Թանգարանը երբեք չի կենտրոնացել Կապանում լուսավորչական գործունեություն ծավալելով: Երկու տարի վերանորոգման պատճառով թանգարանից արկղերով դուրս են հանվել ամենաարժեքավոր իրերը, և «շրջել» մոտակա գյուղերի դպրոցներով: Տնօրենը խոստովանում է, որ այցելուների մեջ շատ քիչ են երիտասարդները: Նրանք տարված են հեռուստատեսությամբ և ինտերնետով: «Մենք փորձում ենք համոզել, որ ինտերնետը չի կարող փոխարինել նյութական մշակույթին»,- նշում է տնօրենը: Թանգարանն ունի 13 հազարից ավելի հնագիտական, ազգագրական, արխիվային, դրամագիտական իրեր և կերպարվեստի նմուշներ: Սակայն այս պահին թանգարանը ներկայանում է ժամանակավոր ցուցադրությամբ, քանի որ թանգարանի աշխատողի խոսքով՝ նրանք չունեն ցուցափեղկեր, և անվտանգության նկատառումներից ելնելով չեն ցուցադրվում ամենաարժեքավոր նմուշները: Թանգարանի աշխատողները կարպետներով ու գորգերով հմտորեն ծածկել են դպրոցական հին գրասեղանները, և դարձրել այն ցուցափեղկեր: Այնուամենայնիվ, թանգարանը ներկայանում է արժանի դեմքով, և տարեց տարի գրավում ոչ միայն հայ, այլև օտարազգի գիտնականներին: Ամենաարժեքավոր նմուշը Ք.Ա. 8-7 դդ կուռքի արձանն է: Այս արձանիկով, նաև ռուս հայտնի երգիչ Ֆյոդոր Շալյապինի լուսանկարով հետաքրքրվել է Պետերբուրգի Էրմիտաժը: Երկրագիտական թանգարանը միացել է նաև Հայ գրատպության 500-ամյակին նվիրված միջոցառումներին և այս պահին ցուցադրում է ֆոնդերում պահվող գրքերը: Մարզպետարանի ուշադրությունից թանգարանի տնօրենը չի դժգոհում, շեշտելով, որ հենց այդ կառույցի շնորհիվ նրանք ունեն նոր, և ավելի ապահով շենք: Պատրաստվում է նաև միջոցառումների համար նախատեսված շենքը: Այնուամենայնիվ, ցուցափեղկերի խնդիրը, թանգարանի համար առաջնայինն է: Թանգարանը պաշտոնապես մինչ օրս չի բացվել դրա պատճառով: Թանգարանն ունի 11 աշխատակից, որը բավական է մշակութապահպան հաստատությունում աշխատելու համար, սակայն տնօրենն ասում է, որ մասնագետներ են պետք գյուղերում լուսավորչական աշխատանքներ կատարելու համար: Սոնա Խաչատրյան / PanARMENIAN News  Ամենաընթերցվողը բաժնում «Անուշի» պրեմիերայից առաջ առաջարկում ենք բեմադրության հեղինակ Սերժ Ավեդիքյանից իմանալ «Անուշի»` բոլորի համար փակ կողմը Մեր հրապարակումից մի քանի օր անց տեղադրվեցին պատուհաններ՝ սև ապակուց Ճարտարապետ Վանիկ Խաչատուրյանի խոսքով՝ ճարտարապետ Հովհաննես Հակոբյանն իրենից «գողացել» է Երևան –Սևան ճանապարհի «Ճայի» հեղինակային իրավունքն ու վերագրել իրեն: Կինոթատրոնը «փակվեց հայկական ֆիլմերով», «Եռանկյունին» ամենավերջին հիշողությունն է «Կոմիտասից»   Partner news  Ուշադրության կենտրոնում Բաժնի այլ նյութերըԱնկինոթատրոն. «Արագած». կինոթատրոն, որտեղ Փարաջանովը 18-րդ անգամ դիտեց «Շերբուրգյան հովանոցները»  «Արագած» կինոթատրոնին պետք է պարզապես շնորհակալություն հայտնել: Մավրը կատարեց իր գործը և Մավրը հեռացավ:Անկինոթատրոն. «Հայրենիք» Հարևան շենքի բնակիչները բոլորին չէ, բայց աշխատակիցների մի մասին հիշում են2012թ. մշակութային կյանքն ըստ PanARMENIAN.Net-ի. Շարքային համերգներից մինչև շարքային Գրքի համաշխարհային մայրաքաղաք Հայաստանում 2012 թվականը հագեցած էր մշակութային իրադարձություններով. հյուրընկալեցինք հանրահայտ մշակութային գործիչների, տոնեցինք հոբելյաններ, բայց և սգացինք անդառնալի կորուստների համար: |  Այլ հոդվածներ Վերջին լուրեր Երևանն անձրևից հետո. Ջուրը ծածկել է մեքենաներ, լցվել նկուղներ 1993թ. ծնված Էմմա Թադևոսյանը տեղափոխվել է «Սբ. Գրիգոր Լուսավորիչ բժշկական կենտրոնՐ. Հովհաննիսյանը մեկնում է ԱՄՆ. Մեկ ամիս անց ազգային պայքար ենք սկսում «Ուժ են ուզում, ուժ կստանան»,- ասաց նա և հույս հայտնեց, որ պայքարի նոր փուլում հաղթանակ կարձանագրեն առանց զոհերի«Եվրատեսիլ-2013»-ն ավարտվեց․ Առաջին տեղում է Դանիան, Dorians-ը՝ 18-րդն է Երկրորդ հորիզոնականում է Ադրբեջանը, երրորդը՝ Ուկրաինան, չորրորդը՝ Նորվեգիան․ առաջին հնգյակը եզրափակեց Ռուսաստանը։Արցախի պաշտպանական հատվածում հակառակորդը կրա՞կ է բացել. ՊԲ-ում խորհուրդ են տալիս ասեկոսներին չհավատալ ԼՂՀ ՊԲ մամուլի խոսնակ Սենոր Հասրաթյանն այսպես արձագանքեց ֆեյսբուքի «Մեր բանակը» էջի տարածած գրառումը |
