Հայկական ընդդիմության պարադոքս. Որքան ավելի մեծ է միավորման անհրաժեշտությունը, այնքան ուժեղ է պառակտումը

Հայկական ընդդիմության պարադոքս. Որքան ավելի մեծ է միավորման անհրաժեշտությունը, այնքան ուժեղ է պառակտումը

Հայկական ընդդիմության միավորվելու անընդունակության տրամաբանական շարունակությունը կլինի 2013թ ընտրությունների ժամանակ մի քանի ընդդիմադիր թեկնածուների առաջադրումը

Հուլիսի 13-ին ընդդիմադիր ՀԱԿ-ը փորձում էր հավաքել 44 պատգամավորական ստորագրություն` «Հարսնաքար» ռեստորանում Վահե Ավետյանի սպանության հետաքննության հարցերով ժամանակավոր խորհրդարանական հանձնաժողով ձևավորելու նպատակով խորհրդարանական արտահերթ նիստ գումարելու համար: ՀԱԿ-ին հաջողվեց հավաքել ընդամենը 2 ստորագրություն` իր խմբակցության 7 պատգամաորների, ԲՀԿ-ի` 6, «Ժառանգության»`5 և ՀՅԴ` 3:

PanARMENIAN.Net -

Սակայն ամնեահետաքրքիրը կապված էր ոչ թե արդյունքների, այլ հենց ստորագրահավաքի գործընթացի հետ, ինչը ևս մեկ անգամ ներկայացրեց հայ ընդդիմության` նորմալ համագործակցության անընդունակությունը` անգամ հաշվի առնելով հանրային պահանջը:

Հենց գործընթացը բավականին հետաքրքիր կերպով սկսվեց. ՀԱԿ խորհրդարանական խմբակցության ղեկավար Լևոն Զուրաբյանը հուլիսի 12-ին կայացած մամլո ասուլիսի ժամանակ հայտարարել էր, որ ԲՀԿ-ի, ՀՅԴ-ի և «Ժառանգության» հետ քննարկումներից հետո, իրենք նախաձեռնել են խորհրդարանական արտահերթ նիստի գումարման գործընթաց: Զուրաբյանը մեկ ընդգծում էր, որ որոշումը կայացվել էր 4 քաղաքական ուժերի քննարկումներից հետո, մեկ էլ, որ դա ՀԱԿ-ի նախաձեռնությունն է, սակայն այդպես էլ հստակորեն չպատասխանեց լրագրողների այն հարցին, ինչու, եթե այս նախաձեռնությունը 4 քաղաքական ուժերինն է, նրանց ներկայացուցիչները ներկա չեն մամլո ասուլիսին, իսկ այդ մասին հայտարարում է միայն Զուրաբյանը:

Այս հարցի պատասխանն ավելի ուշ տրվեց, երբ ԲՀԿ խորհրդարանական խմբակցության քարտուղար Նաիրա Զոհրաբյանը հետ կանգնեց ՀԱԿ-ի այս նախաձեռնությունից, իսկ «Ժառանգության» և «Դաշնակցության» խմբակցությունների ղեկավարներ Ռուբեն Հակոբյանն ու Արմեն Ռուստամյանը խոստովանել են, որ Զուրաբյանի մամլո ասուլիսն իրենց համար անակնկալ էր: Ընդ որում, Ռուբեն Հակոբյանը թեև խոստովանել է, որ հայտարարությունն իր համար անակնկալ էր, սակայն հայտարարել է, որ «Ժառանգությունն» այդ նախաձեռնության համահեղինակներից է:

Հետո ամեն ինչ էլ ավելի հետաքրքրացավ (երևի պատճառը ուրբաթ 13 էր): Նաիրա Զոհրաբյանը թեև ստորագրել էր նախաձեռնության տակ, սակայն լրագրողներին հայտարարել է, որ քննարկման ժամանակ ընդգծել է, որ այս փուլում աննպատակահարմար է և տեխնիկապես անհնար հավաքել 44 ստորագրություն: Ինչ վերաբերում է «Ժառանգության» ներկայացուցիչների հայտարարություններին այն մասին, որ գործուղումների շրջանը չի կարող արդարացում հանդիսանալ, Զոհրաբյանը հուզականորեն պատասխանել է. «Թող մեզ դասեր չտան»: Ըստ նրա, ԲՀԿ այն պատգամավորները, ովքեր այժմ քաղաքում են և դիմումի ստորագրությունը նպատակահարմար են գտնում, կստորագրեն այն: «Ես չեմ կարող ստիպել նրանց ստորագրել»,-ընդգծել է նա:

Սակայան Զոհրաբյանն այդքանով կանգ չի առել և հայտարարել է, որ իր համար անհասկանալի է այս հարցի շուրջ հեղինակային իրավունքի վիճարկումը, «սակայն եթե իրականում նման հարց է ծագել, ապա պետք է ընդգծեմ, որ նախաձեռնությունը ՀԱԿ-ինն է: «Ժառանգություն» կուսակցությունը սովոր է իրեն վերագրել ուրիշների հայտարարությունները և, կարծում եմ, որ խորհրդարան մտած ՀԱԿ-ը ժամանակի ընթացքում կսովորի «Ժառանգության» անակնկալներին»:

Բացի այդ ԲՀԿ ներկայացուցիչը «Ժառանգության» անդամներին մեղադրել է նրանում, որ նրանք միշտ գործել և գործում են խստորեն վերահսկվող ծրագրի շրջանակներում: ««Ժառանգություն» կուսակցությունը ինքնուրույն քաղաքական ուժ չէ, իսկ նրա անդամները հանձնարարությունները կատարում են իրենց հնարավորությունների ներածին չափով… Այժմ կուսակցությունը պետք է նոր հանձնարարություն կատարի` շեղի հանրության ուշադրությունը, հանրային շարժումը և ընդվզումը տեղափոխի այլ հարթություն, ինչը, բնականաբար, նրանց չի հաջողվի: Ընդհանուր առմամբ, իմ կարծիքով, ԲՀԿ-ն պետք է քննարկի այն հարցը, արդյոք արժե միանալ այս նախաձեռնությանն ու ձևաչափին, որի հետ կհամաձայնեն և որը կստորագրեն այս խմբակցության անդամները, կամ ոչ: Ես կարծում եմ, որ չարժե միանալ»,-հավելել է Զոհրաբյանը:

Այդ կերպ կարելի է փաստել, որ կրկնվել է մայիսի 6-ի խորհրդարանական ընտրություններում խախտումների դեմ պայքարի միջկուսակցական շտաբի հետ իրավիճակը, երբ մի կողմում հայտնվեցին ՀԱԿ-ը, ԲՀԿ-ն ու ՀՅԴ-ն, մյուսում` «Ժառանգությունը», որը մյուս երեք ուժերին մեղադրեց ՀՀԿ-ի հետ դավադրության և միջկուսակցական շտաբի գաղափարը տորպեդահարելու մեջ:

Հայկական ընդդիմության միավորվելու անընդունակության տրամաբանական շարունակությունը կլինի 2013թ ընտրությունների ժամանակ մի քանի ընդդիմադիր թեկնածուների առաջադրումը, ինչը կպառակտի ընդդիմադիր ընտրազանգվածը և, բնականաբար, էապես կթեթևացնի իշխանությունների խնդիրը: Կարելի է հավելել նաև, որ քանի դեռ ընդդիմությունն իր մեջ ուժ չի գտել սանձելու իր ամբիցիաներն ու իսկապես ի շահ ժողովրդի աշխատելու ցանկություն, որի համար բառերով այնքան անհանգստանում են, ապա քաղաքական պայքարում արդյունքները նման կլինեն հայտի առակի կարապ-խեցգետին- գայլաձուկ եռյակի պատմությանը:

Հայկ Խալաթյան / PanARMENIAN News
 Ամենաընթերցվողը բաժնում
«Փաստորեն, Ադրբեջանը չի կատարել և չի կատարում ՄԱԿ ԱԽ 4 բանաձևի պահանջներից կամ կոչերից ոչ մեկը»,- գրել է Կազիմիրովը դեռ 2004-ին
Դեռ նախորդ տարվա մայիսին ՀՀ վարչապետը կարծում էր, որ Հայաստանի համար Մաքսային միություն ընդգրկվելն իմաստազուրկ է աշխարհաքաղաքական պատճառներով
Անգամ եթե ռացիոնալ պատերազմը կանխատեսելի չէ, արկածախնդրայինը հավանական է
Բաքուն իրեն չէր ների, եթե համանախագահների հայտարարությանն անհամաձայնություն հայտնելու առիթ չգտներ
 Ուշադրության կենտրոնում
Սահմանամերձ համայնքների հարկային արտոնությունների մասին օրինագիծն ամբողջությամբ ընդունվել է

Սահմանամերձ համայնքների հարկային արտոնությունների մասին օրինագիծն ամբողջությամբ ընդունվել է 97 կողմ և առանց դեմ ու ձեռնպահ ձայների երկրորդ ընթերցմամբ ընդունվել է նաև «Սահմանամերձ համայնքների սոցիալական աջակցության մասին» օրենքի նախագիծը

 Բաժնի այլ նյութերը
Դինա Մալիշևա. Հայաստանի իշխանությունների առջև քաղաքական ապակայունացումը կանխելու խնդիր է ծառացած Քանի որ Լեռնային Ղարաբաղի հարցի լուծումը տարածաշրջանային բնութ է կրում, դա պահանջում է հատուկ մոտեցում Հայաստանի պաշտպանական ներուժի ամրապնդմանը
Նոր ՀՀՇ` հին դեմքերով կամ վերադարձ «հայրական տուն» Մինչև աշուն հին նոր ՀՀՇ-ն դեռ շատ անելիքներ ունի, կգտնի՞ այն իր տեղը հայրենի քաղաքական արևի տակ, ցույց կտա ժամանակը
Պայքար՝ հարուստ ու համեստ ֆինանսական միջոցներով. Հաշվում ենք քաղաքային հնարավոր իշխանությունների փողերը Ընտրություններին մասնակցող կուսակցություններից ամենահարուստը ՀՀԿ-ն է, նրան հաջորդում է ԲՀԿ-ն, համեստ են ՀԱԿ-ի և «Բարև, Երևան»-ի ֆինանսական միջոցները