Մաֆիոզը Ասիայից, պսևդոժողովրդավարություն և ապտակ Ինտերպոլի դեմքին

Մաֆիոզը Ասիայից, պսևդոժողովրդավարություն և ապտակ Ինտերպոլի դեմքին

Բազմաթիվ երկրներում «պաշտոնյա-ամուսին, գործարար-կին» հանգույցը հաջողության գրավական է հանդիսանում

Վերջերս ավելի ու ավելի հաճախ եվրոպական մամուլում հրապարակումների և հեռուստասյուժեների հերոսներ են դառնում ծնունդով ասիացիներ: Եվ նրանք համաշխարհային ճանաչում ձեռքբերած գիտնականներ, բժշկության ջահակիրներ, արվեստի և մշակույթի գործիչներ չեն, ինչը ցանկալի կլիներ: Ավելի ու ավելի հաճախ հանրային ամբիոնը զբաղեցնում են անձիք, ովքեր պատմում են սեփական Հայրենիքում իշխանությունների հետ ունեցած բարդ փոխհարաբերությունների մասին:

PanARMENIAN.Net - Եվրոպացի ընթերցողների և հանդիսատեսի ինչին է դա պետք: Այլ ժողովուրդների մշակույթներն ուսումնասիրելու փոխարեն մենք գնալով ավելի ենք խորասուզվում փախուստի դիմած հանցագործների գործերում, որոնք մեզ մոտ են հավաքվում ամբողջ աշխարհից: Իսկ հետո խոսում ենք մուլտիկուլտուրալիզմի ճգնաժամի մասին…

ԶԼՄ-ներում վերջերս տեղ գտած օրինակներից է Խրապունովների հանրահայտ ընտանիքի ելույթը, ովքեր ծնունդով Միջին Ասիայից են, ավելի կոնկրետ` Ղազախստանից: Ընտանիքի գլխավորը` Վիկտոր Խրապունովը մեր առջև ներկայանում է որպես դեմոկրատ, քաղաքական գործիչ, ով հարկադրաբար լքել է իր հայրենիքը` փրկվելով տեղի իշխանությունների հետապնդումներից:

Ես չգիտեմ, թե ինչ իրավիճակ է տիրում Ղազախստանում, սակայն շատ լավ եմ հիշում, թե ինչպես էր նույն Խրապունովը իր նախկին հարցազրույցներից մեկում ասում, որ երկիրն անարգել է լքել: Այս անհամապատասխանությունն էլ գրավել է ուշադրությունս և դրդել ուսումնասիրել այս մարդու անձնական գործը:

Պարոնայք, անգամ չեք էլ պատկերացնում, թե ինչ հիմարի տեղ է մեզ` եվրոպացիներիս, դնում այս խորամանկ ասիացին: Իր հոդվածում նա հիշատակում է քաղաքական հանցագործություններ, որոնք, իբրև թե, Ղազախստանում իրականացվել են որոշ քաղաքական գործիչների նկատմամբ: Եվ ասում է. «Եթե մենք չմեկնեինք, կարող էինք դառնալ հաջորդը»: Փաստորեն, այս մարդը Ղազախստանի իշխանություններին հրեշավոր հանցագործության` սպանության փորձի, մեղադրանք է ներկայացրել: Իսկ փաստերը, և ավելի վաղ հենց Խրապունովի կողմից ասված խոսքերը, լրիվ հակառակ պատկեր են ներկայացնում:

Սկզբի համար պետք է հասկանալ, թե առհասարակ, ով է եղել Խրապունովը: Գլխավորե՞լ է ընդդիմությունը: Ոչ…Բացահայտ կերպով հանդես եկե՞լ է գործող իշխանությունների դեմ: Կրկին ոչ… Հրապարակե՞լ է քննադատական հոդվածներ, բարձաձայնե՞լ է խնդիրներ, փորձե՞լ է անել մի բան, որ երկիրն ավելի ժողովրդավարական լինի: Ոչ և կրկին ոչ: Այդ դեպքում ո՞րն է նրա քաղաքական անտոգոնիզմը: Այս հարցի պատասխանը ես այդպես էլ չգտա, քանի որ որպես ինքնուրույն մարդ, որպես քաղաքական կերպար, Խրապունովն իր ամբողջ կարյերայի ընթացքում չի դրսևորել իրեն: Նա ամենահասարակ գորշ պաշտոնյա էր` հարյուրավորների նման: Հրապարակման գլխավոր հերոսը բազմաթիվ հարցազրույցներում ասել է, որ սերտորեն համագործակցել է իշխանությունների հետ, բարեխղճորեն կատարել է բոլոր հանձնարարարություններն ու հրամաննները, անգամ եթե դրանք իրեն դուր չեն եկել: Նա ընդամենը հնազանդ կամակատար է եղել: Անգամ լինելով էներգետիկայի նախարար և զբաղեցնելով Ղազախստանի խոշորագույն քաղաքի` Ալմա-Աթայի, քաղաքապետի պաշտոնը` նա քաղաքական ամբիցիաներ չի դրսևորել:

Պետական ծառայությունում նրա գործունեությունը, եթե անգամ մթագնել է սկանդալներով, ապա, որպես կանոն, դրանք կոռուպցիոն բնույթ են կրել: Ընդ որում, նախկին պաշտոնյան դրանցում գլխավոր դերակատար է հանդիսացել: Ուստի, քաղաքական ենթատեքստով փախուստի մասին, Խրապունովի պարագայում ավելորդ է խոսել: Եվ չի էլ կարելի Ղազախստանից նրա հեռանալը փախուստ կոչել: Փախուստի դեպքում ընդդիմադիրը փորձում է հեռանալ երկրից, իսկ նրան խոչընդոտում են, հետապնդում: Տվյալ պարագայում ամեն ինչ թափանցիկ կերպով է իրականացվել: Խրապունովն ինքն է հարցազրույցներից մեկում խոստովանել, որ մոլորեցրել է Ղազախստանի իշխանություններին` ասելով, որ մեկնում է Շվեյցարիա բուժման:

Այսինքն, իշխանությունները տեղյակ չէին, որ Խրապունովը փախչում է, չգիտեին նաև այն մասին, որ նա, փաստորեն, ընդդիմադիր էր, քաղաքական օպպոնենտ: Այդ պատճառով, «փախուստը» տեղի է ունեցել սովորական ընթացակարգով: Նախկին քաղաքապետը վարձակալել է հսկայական օդանավ և տեղափոխել իր գրեթե ամբողջ ունեցվածքը: Դե, ասացեք, եթե այս քաղաքական գործիչը հետապնդվում էր, արդյոք հատուկ ծառայությունների համար աննկատ կմնայի՞ն տեղափոխվելու հետ կապված նրա անհանգստությունն ու նախապատրաստությունները: Ոչ, մարդուն հանգիստ բաց են թողել երկրից: Դա եղել է 2007թ:

Ի՞նչ է տեղի ունեցել հետագայում: Ինչու՞ Խրապունովը հանկարծ դարձավ դեմոկրատ, չնայած որ քաղաքապետ լինելով միշտ էլ ճնշել է այլախոհությունը: Ալմա-Աթան Խազախստանի` քաղաքական առումով ամենաթեժ շրջանն է, և Խրապունովը օմոնի ուժերի միջոցով ցրել է բազմաթիվ հանրահավաքներ: Իսկ այժմ նա հայտնվել է արտաքսյալների ցուցակում: Ինչ զարմանահրաշ փոփոխություններ են:

Ի դեպ, ինչու՞ Շվեյցարիա ժամանելով` հանգստի մեկնած թոշակառուն, ինչպես ֆիլմերի մաֆիոզներն են ասում «ընդհատակ անցավ», բավականին երկար ժամանակ չդրսևորեց իրեն որպես քաղաքական գործիչ, որպես դեմոկրատ, որպես ընդդիմադիր: Տարօրինակ չէ՞, որ փաստերն ու իրադարձությունները, որոնք նա այսօր հիշատակում է իր հոդվածում` սևացնելով Ղազախստանի իշխանություններին, տեղի են ունեցել դեռևս նրա` Ղազախստանից մեկնելուց շատ ավելի վաղ: Այսինքն, այն ժամանակ դրանք նրան չէին հուզում, չէին դիպչում նրա հայրենասիրական լարերին` ստիպելով բաց երեսկալով գնալ բարիկադներ: Միայն բազմաթիվ տարիներ անց նրա «տեսողությունը վերականգնվեց»:

Եվ այսպես, վերադառնանք այն հարցին, թե ինչու լռակյաց թոշակառուն բռնեց պատերազմական ուղին: Ամեն ինչ շատ պարզ է: Նա դեմոկրատ դարձավ, երբ հայրենիքում ջրի երես դուրս եկան նրա մութ գործերը:

Հենց դրանով էլ կարելի է բացատրել Խրապունովի` անարգել և շտապ հեռանալը Շվեյցարիա: Ի տարբերություն ղազախական իշխանությունների և օրինապահ մարմինների` նա գիտեր, որ իր ետևից ժամանակի ընթացքում կձգվի բազմաթիվ տնտեսական հանցագործությունների շլեյֆ: Այդ պատճառով էլ փախուստի է դիմեց: Եվ արևմուտքում էլ լուռ նստել է` իրեն որևէ կերպ չդրսևորելով, քանի դեռ հայրենիքում քրեական գործեր չէին հարուցվել:

Հասկանալով, որ Եվրոպայում կոռուպցիոն թեման իր համար ամենախոցելի տեղն է` Խրապունովն այսօր փորձում է մեզ բոլորիս ապացուցել, որ իր բազմամիլիոնանոց ունեցվածքը վաստակել է կինը` Լեյլա Բեկետովան, ով զբաղվում է գործարարությամբ: Հիշեցնենք, որ նա բացել է Ղազախստանում առաջին մասնավոր հեռուստաալիքը: Ի դեպ, եթե այն ժամանակ երկրում նույնքան զարգացած լիներ հեղինակային իրավունքի հարցը, ապա դատապարտյալի աթոռին առաջինը կհայտնվեր հենց Խրապունովի կինը. հեռուստաեթերը ողողված էր անորակ ֆիլմերով, ինչպես նաև պոռնո-ինդուստրիայի արտադրանքով:

Սակայն սրանք մանրուքներ են: Գլխավորն այն է, որ բազմաթիվ երկրներում «պաշտոնյա-ամուսին, բիզնեսմեն-կին» հանգույցը հաջողության գրավական է հանդիսանում: Խրապունովն իր կնոջ և որդու համար ստեղծում էր առավելագույն բարեկեցության ռեժիմ, ինչն էլ ընտանիքի ապահովեց շլացուցիչ հաջողություն ձեռներեցության ոլորտում: Մի քանի քրեական գործեր, ինչպես պարզ դարձավ, հարուցվել է քաղաքապետի` իր ընտանիքին անօրինական արտոնություններ տրամադրելու կապակցությամբ:

Այդ պատճառով անձամբ ես վիրավորական եմ համարում պարոն Խրապունովի պսևդոժողովրդավարական անկեղծությունը, ով այսօր անհանգստացած է միայն մի բանով` բոլոր հնարավոր միջոցներով քրեական պատասխանատվությունից խուսափելով: Ինչպես ինձ է թվում, Խրապունովների ընտանիքի մասին հոդված հրապարակած ԶԼՄ-ները պարզապես կոմֆուզի մեջ են հայտնվել: Ավելի տրամաբանական կլիներ տեղեկատվություն վերցնել Ինտերպոլի կայքից, որտեղ այդ մարդու նկարը տեղադրված է «որոնվում է» բաժնում:

Այն ինչ տեղի ունեցած նման էր Ինտերպոլի երեսին թքելուն: Կարելի՞ է նորմալ համարել այն, որ մարդը, ով որոնվում է ոչ միայն չի թաքնվում, այլև հրապարակորեն ելույթ է ունենում զանգվածային լրատվամիջոցներում: Խայտառակ մի եղեք, պարոնայք….

 Ամենաընթերցվողը բաժնում
Անկարային բուֆեր է հարկավոր Իրաքի ու Թուրքիայի միջև և Հյուսիսային Քրդստանը կարող է հաջողությամբ կատարել այդ դերը
Դեռ նախորդ դարի 70-ականներին հայերը հանգիստ ապրում էին Մերձավոր Արևելքում, ակտիվորեն մասնակցում հյուրընկալած երկրների կյանքին
Դենիս Դվորնիկով. Եթե մենք չստեղծենք քաղաքակիրթ ապագայի կերպար Ադրբեջանի համար, ապա ոչ ոք դա չի անի
 Ուշադրության կենտրոնում
Boeing-ի կործանումը. Նոր վարկած, Պետդեպի խոստովանությունն ու մալազիական փորձագետների եզրակացությունը

Boeing-ի կործանումը. Նոր վարկած, Պետդեպի խոստովանությունն ու մալազիական փորձագետների եզրակացությունը Ի տարբերություն ՌԴ-ի, ԱՄՆ-ն մինչ օրս չի հրապարակել իր հետախուզության տվյալներն այն մասին, թե ինչ էր կատարվում հուլիսի 17-ին ավիավթարի գոտում

 Բաժնի այլ նյութերը
Եվրոպան ու աշխարհը վերափոխած կրակոցը Առաջին համաշխարհային պատերազմին մասնակցել է 34 պետություն, որոնք բաժանված էին երկու կոալիցիայի՝ Եռյակ միությունը (Գերմանիա, Ավստրո-Հունգարիա, Թուրքիա, Բուլղարիա) և Անտանտի երկրները (Ռուսաստան, Ֆրանսիա, Մեծ Բրիտանիա, Սերբիա, ավելի ուշ Ճապոնիա, Իտալիա, Ռումինիա, ԱՄՆ)
70 տարի առաջ Նորմանդիայում սկսվեց դաշնակիցների Overlord դեսանտային գործողությունը Overlord գործողությունը խոշորագույն դեսանտային գործողությունն է համարվում պատմության մեջ, որին մասնակցել է մոտ 3 մլն մարդ
Ադրբեջանում ԱՄՆ դեսպանը վաղաժամ է հեռանում երկրից՝ տեսակետներն են տարբեր Ռիչարդ Մորնինգսթարը առաջ էր տանում «դարի նախագիծը»՝ Բաքու-Թբիլիսի-Ջեյհան նավթամուղը և ներկա էր Nabucco-ի ստորագրմանը