«Գազպրոմը» Թուրքիայում էլ է «Գազպրոմ»

«Գազպրոմը» Թուրքիայում էլ է «Գազպրոմ»

2012թ դեպի Թուրքիա գազի պայմանագրային մատակարարումը կազմել է մոտ 30մլրդ քկմ, որոնցից 27 միլիարդը կյուրացնի Թուրքիան

Ռուս-թուրքական հարաբերությունները միշտ էլ հիմնվել են հաշվարկների վրա` և Օսմանյան կայսրության ժամանակահատվածում, և հիմա: Սակայն քաղաքական տարաձայնությունները գերակշռում են տնտեսականների նկատմամբ, ճիշտ է` մինչև որոշակի սահման: Արդեն հիմա Ռուսաստանը` Թուրքիայի 2-րդ տնտեսական գործընկերն է, իսկ առջևում զանգվածային նպատակ է` հասնել տարեկան 100 միլիարդ դոլարի ապրանքաշրջանառության: Այս տարի այդ ցուցանիշը կազմել է 35 միլիարդ:

PanARMENIAN.Net - Պուտինի այցի ընթացքում «Ռոսատոմը» պայմանավորվել է Թուրքիայի էներգետիկայի նախարարի հետ`Թուրքիայում 1-ին ԱԷԿ-ի շինարարությունում կատարելիք ներդրումների մասին, որոնց ծավալը կկազմի 20 մլրդ դոլար: Թուրքիան ռուսական գազը գնող երրորդ պետությունն է: 2011-ին թուրքական կառավարությունը համաձայնություն է տվել «Գազպրոմ» ԲԲԸ-ին կառուցել «Հարավային հոսք» խողովակաշարը: «Հարավային հոսք» գազատարի առաջին եռակցման մասին տեղեկության հանդիսավոր ներկայացումը տեղի կունենա դեկտեմբերի 7-ին Անապայում: 2011-ից Թուրքիան 44 տոկոսով ավելացրել է ռուսական գազի գնումը: Վլադիմիր Պուտինը Անկարայում չի բացառել նաև, որ Ռուսաստանն ու Թուրքիան, հնարավոր է, կընդլայնեն «Երկնագույն հոսք» խողովակաշարի ռեսուրսները: Այդ խողովակաշարով Թուրքիային մատակարարվում է 16 մլրդ քկմ գազ: Պուտինի խոսքով, Թուրքիան, որոշ իմաստներով, դառնում է Եվրոպայի համար էներգետիկ հանգույց, սակայն Ռուսաստանի համար առաջնահերթը դեպի համաշխարհային հիմնական շուկաներ գազ մատակարարելու ուղիների դիվերսիֆիկացիան է: 2012թ դեպի Թուրքիա գազի պայմանագրային մատակարարումը կազմել է մոտ 30մլրդ քկմ, որոնցից 27 միլիարդը կյուրացնի Թուրքիան:

Ինչպես գրում են ԶԼՄ-ները, Թուրքիան խնդրում է ավելացնել Ռուսաստանից գազի ներմուծման ծավալները գոնե 3 միլիարդով: «Այստեղ երկու տարբերակ կա: Կամ պետք է ավելացնել «Երկնագույն հոսքի» հզորությունը և Գազպրոմը կդիտարկի դրանով ներմուծումների տեխնիկական ավելացման հնարավորությունները, կամ էլ դիտարկել «Հարավային հոսքի» կիրառման հնարավորությունը»,-ասել է ՌԴ էներգետիկայի նախարար Ալեքսանդր Նովակը: Նա նաև հաղորդել է, որ դեպի Թուրքիա և հարակից երկրներ ռուսական գազի մատակարարման ծավալների ավելացման հարցի վերաբերյալ վերջնական որոշում դեռևս չի կայացվել, այն դեռ նոր է քննարկվում: Թուրքիան գազն օգտագործում է որպես էլեկտրակայանների հիմնական վառելիք և 10 տարիների ընթացքում պատրաստվում է զբաղեցնել Եվրոպայում էլեկտրաէներգիայի սպառման ոլորտում 3-րդ հորիզոնականը, դուրս մղելով Մեծ Բրիտանիային, և դառնալ Էներգակիրների առևռտրի կենտրոն: Ռուսական և ադրբեջանական գազի միջոցով այդ գաղափարը կարող է իրականություն դառնալ:

Գազպրոմն էլ ձգտում է նվազեցնել կախումը ԵՄ-ից, որին բաժին է ընկնում ընկերության 80 տոկոս արտահանումը: Այժմ Գազպրոմը գազը Թուրքիային մատակարարում է 2 ուղղություններով` արմտյան և «Երկնագույն հոսք» գազատարով, որն անցնում է Սև ծովի հատակով: Պուտինի այցի արդյունքում «Գազպրոմը» կարող է դառնալ թուրքական «Անթալյասպորտ» ֆուտբոլային ակումբի գլխավոր հովանավորը: Կա ևս մեկ հանգամանք. թուրքական բիզնեսը էական ազդեցություն ունի կառավարության վրա, ուստի կարող է ճնշում գործադրել, եթե քաղաքական հարաբերությունները սկսեն վատանալ:

Ինչ վերաբերում է սիրիական հարցին, ապա այստեղ տարաձայնություններ կան: «Թուրքիան ցանկանում է դրդել Ռուսաստանին հեռանալ Սիրիայի նախագահ Բաշար Ասադի կառավարությունից»,-հաղորդում է Tagesspiegel-ը: Նախագահ Պուտնինի` Ստամբուլ կատարելիք մեկօրյա այցի նախաշեմին, Թուրքիայի վարչապետ Ռեջեփ Թայիփ Էրդողանը հայտարարել էր. եթե Ռուսաստանը փոխի սիրիական հարցում իր դիրքորոշումը, ապա Իրանը` Ասադի ևս մեկ կարևոր դաշնակիցը, կմիանա սիրիական նախագահի հրաժարականը պահանջողներին: Սակայն դժվար թե Պուտինի հետ շփման ժամանակ Էրդողանը չափազանց համառ գտնվի, «քանի որ Թուրքիան կցանկանա խուսափել էներգիայի կարևորագույն մատակարարի հետ հարաբերություննեում լարվածության մեծացումից»:

Շատ հավանական է, որ Ռուսաստանն ու Թուրքիան պատրաստվում են «թաղել վեճը», որն առաջացել էր այն բանից հետո, երբ սիրիական օդանավը, որը վերադառնում էր Ռուսաստանից, ստիպված էր վայրէջք կատարել Անկարայում: Օդանավում եղել են պայմանագրի համաձայն վերանորոգման ենթարկված սիրիական ՀՀՊ համակարգի պահեստամասեր: Դրանք մինչ օրս գտնվում են Անկարայում, սակայն Պուտինի այցի ժամանակ այս թեմային անդրադարձ չի կատարվել: Անկարան և Մոսկվան փորձում են թոթափել լարվածությունը. Կրեմլը կոչ է արել Թուրքիային «մոռանալ» Մոսկվայից Դամասկոս թռչող օդանավի հետ կապված միջադեեպը, իսկ ՆԱՏՕ-ն Ռուսաստանին վստահեցրել է, որ Patriot ԶՀՀ-ների տեղակայումը «բացառապես պաշտպանական նշանակություն ունի»:

Կարինե Տեր-Սահակյան
 Ամենաընթերցվողը բաժնում
Իլհամ Ալիևին հիմա տարբեր հարցերում Անկարայի աջակցությունն է պետք
ԱՊՀ երկրներից բացի «անջատման» հիվանդությունը համակել է նաև Արևմուտքի երկրներին՝ Իսպանիային, Կանադային, Մեծ Բրիտանիային
Սիրիական պատվիրակությունը մտադիր չէ քննարկել Ժնևի կոմյունիկեի կետերը, քանի դեռ պայմանավորվածություն չկա ահաբեկչության դեմ պայքարի հարցում
«Դեմոկրատ» Մուխան, համատեղության կարգով հաջողակ խաբեբան ու խարդախ մարդը, գլխավորում է իրավապաշտպան հիմնադրամի լրահոսի թոփ վարկանիշը
 Ուշադրության կենտրոնում
Տարեսկզբից ադրբեջանական բանակում 12 զինվոր է մահացել, որից 8-ը՝ ոչ մարտական պայմաններում

Տարեսկզբից ադրբեջանական բանակում 12 զինվոր է մահացել, որից 8-ը՝ ոչ մարտական պայմաններում 2014 թվականի 2 ամսում Ադրբեջանի ԶՈւ շարքերում արդեն 12 զինվոր է մահացել, 17-ը՝ վիրավորվել

 Բաժնի այլ նյութերը
Կրոնի ազդեցությունը Հարավային Կովկասում քաղաքական իրադարձությունների վրա Հետխորհրդային տարածքի երկրներից շատերում Ուղղափառ եկեղեցին նոր ու անսովոր մարտահրավերների առջև է կանգնել
Ղրիմի թաթարներն օգնության են կանչում Թուրքիային ու Ադրբեջանին Մայդանը հրահրում է Ուկրաինայի եթե ոչ փլուզումը, ապա ֆեդերալիզացիան, ինչն, անկասկած, լավագույն ելքը չէ իրավիճակից
Ղազախստանը մտադիր է մինչև 2050 թ. ընդգրկվել աշխարհի 30 ամենազարգացած երկրների ցանկում Աստանան մտադիր է օգտագործել իր բնական առավելությունները, նպատակ ունենալով կառուցել կյանքի ամենաբարձր ցուցանիշներով երկիր