// IP Marketing video - START// IP Marketing video - END
Շախմատային ինը օր. Գեղեցիկ հաղթանակներ, տխուր պարտություներ ու «ընկերական» ոչ ոքիներ

Շախմատային ինը օր. Գեղեցիկ հաղթանակներ, տխուր պարտություներ ու «ընկերական» ոչ ոքիներ

Հունվարի 21-ին ավարտվեց Հայաստանի, թերևս, ամենահետաքրքիր առաջնությունը` շախմատի բարձրագույն խումբը:

Ընդամենը ինը օր մենք հետևեցինք այս առաջնությանը, սակայն այդ օրերը որքան լիքն էին հետաքրքիր ու լարված հանդիպումներով, գեղեցիկ հաղթանակներով, տխուր պարտություններով ու «ընկերական» ոչ ոքիներով:

PanARMENIAN.Net - Անչափ լարված էր այս առաջնությունը, միայն վերջին տուրում մենք իմացանք չեմպիոնի անունը: Ավելի քան հինգ ժամ տևեց չեմպիոնական պարտիան, իսկ լեփ- լեցուն Տիգրան Պետրոսյանի անվան շախմատի տունը սրտատրոփ հետևում էր ամեն մի քայլի:Մեր շախմատային գերհզոր երկիրն արդեն 73-րդ տարին է, ինչ կազմակերպում է տղամարդկանց առաջնություն, իսկ կանայք երկրի առաջնություններին մասնակցում էին 68-րդ անգամ:

Չեմպիոնայան մրցավազք մինչև վերջին տուրը.

Առաջնության հենց սկզբից գործող չեմպիոն գրոսմայստեր Տիգրան Պետրոսյանը ցույց տվեց, որ շատ լավ է պատրաստվել այս մրցաշարին և մտադիր է պաշտպանել կոչումն ու կրկին տեղ գտնել Հայաստանի հավաքականի կազմում:

Պետրոսյանը 9 տուրերում չկրեց և ոչ մի պարտություն. նա 5 անգամ հաղթանակ տոնեց մրցակիցների նկատմամբ, իսկ 4 պարտիա էլ ավարտեց ոչ ոքի: Արժե նշել, որ երկու ոչ ոքի նա արել է առաջնության արծաթե մեդալակիր Ավետիք Գրիգորյանի և բրոնզե մեդալակիր Ռոբերտ Հովհաննիսյանի հետ:

Իհարկե, չի կարելի չխոսել Գրիգորյանի մասին: Նա 2010 թվականին արդեն դարձել էր երկրի չեմպիոն, բայց այս տարի ևս շատ մոտ էր այդ պարգևին: Նա վերջին տուրում, եթե կարողանար սպիտակներով առավելության հասնել Պետրոսյանի նկատմամբ, կտիրանար ոսկե մեդալի: Սակայն երկար ու բարդ պարտիայում նա չկարողացավ անլուծելի խնդիրներ առաջարկել մրցակցին, ինչի արդյունքում միավորներ կիսեց նրա հետ ու մնաց երկրորդը:

Կրկին լավ հանդես եկավ Ռոբերտ Հովհաննիսյանը, որը 2011-ի չեմպիոնն է ու հավաքականի կազմում էլ դարձել է աշխարհի թիմային առաջնության ոսկե մեդալակիր:

Հովհաննիսյանը, ինչպես և նախորդ երկու առաջնություններում, մասնակցում էր մեդալների համար մղվող պայքարին: Մի պահ հիշենք 2012 թվականի առաջնությունը: Այն անգամ էլ չեմպիոնի անունը պարզ դարձավ վերջին տուրում և միմյանց հետ մրցեցին այդ տիտղոսի հավակնորդները` Պետրոսյանն ու Հովհաննիսյանը: Այն անգամ էլ Պետրոսյանը ուժեղ գտնվեց ու հաղթեց:

Ի տարբերություն նախորդ առաջնության, այս անգամ Հովհաննիսյանը գրավեց երրորդ տեղը: Ինչևէ, այս երիտասարդ շախմատիստը կրկին ուրախացրեց շախմատասերներին իր գրագետ, կազմակերպված ու նպատակասլաց խաղով:

Այս առաջնությունը նաև աչքի ընկավ նրանով, որ առաջին անգամ մասնակցեց Ստեփանակերտը ներկայացնող միջազգային վարպետ Հովիկ Հայրապետյանը: Ի դեպ, նա բավականին հաջող ելույթ ունեցավ և կարողացավ լրացնել գրոսմայստերի նորմա:

Կանանց մրցաշարի ընդգրկուն աշխարհագրությունը.

Կանանց մրցաշարի աշխարհագրությունն ավելի ընդգրկուն էր` մասնակցում էին Հայաստանի յոթ քաղաքներից և ուկրաինական Խարկովից:

Ի տարբերություն տղամարդկանց պայքարի, այստեղ առաջատարը չկարողացավ պահել իր դիրքերը: Նարինե Գասպարյանը գլխավորում էր մրցաշարային աղյուսակը, սակայն Աննա Հայրապետյանը սկսեց ավելի հավաքված ու հաղթական պարտիաներ անցկացնել, ինչի արդյունքում էլ վաստակեց յոթ միավոր և առաջին անգամ նվաճել ոսկե մեդալը:

Երկրորդ և երրորդ տեղերը կիսեցին Արմինե Բաբայանն ու Նարինե Գասպարյանը, սակայն լրացուցիչ ցուցանիշով արծաթը նվաճեց Բաբայանը:

P.S. Արդեն չորս տարի է, ինչ հետևում ենք Հայաստանի շախմատի առաջությանը և ամեն անգամ համոզվում ենք, որ այն անցնում է անչափ ուժեղ ու հետաքրքիր: Անկախ մեզնից մենք էլ սկսում ենք վերլուծել պարտիաները, առաջարկել մեր տարբերակները, իսկ առաջնության ավարտին ուրախանալ ու տխրել հաղթողների ու պարտվողների հետ:

Հասմիկ Բաբայան, Գոհար Նալբանդյան / PanARMENIAN News
 Ամենաընթերցվողը բաժնում
Վերջերս հայտնի դարձավ, որ սպորտը բարենպաստ ազդեցություն է ունենում նաև գեների վրա: Այսպիսի եզրակացության է եկել Շվեդիայի Կարոլինայի ինստիտուտի հետազոտողների խումբը
Ինչպես Արոնյանը տապալեց Հավակնորդների մրցաշարերը
8 ֆուտբոլիստ, որոնք արժանի էին, բայց չդարձան Եվրոպայի չեմպիոն
Ինչն է խթանել, ինչը՝ կանգնեցրել
 Ուշադրության կենտրոնում
Հայաստանի օլիմպիական հավաքականը հայրենիքում է

Հայաստանի օլիմպիական հավաքականը հայրենիքում է ՀԱՕԿ նախագահ Գագիկ Ծառուկյանը հունահռոմեական ոճի ըմբիշ Միհրան Հարությունյանի պարանոցից հանել է արծաթե մեդալը և կախել ոսկե մեդալ

 Բաժնի այլ նյութերը
Բելգրադի մարզադաշտում ծեծկռտուքի վերաբերյալ. Ինչպես է ֆուտբոլը պատերազմ հրահրել և դադարեցրել այն Ամենամասսայական մարզաձևը ոչ միայն հաճույք է պատճառում միլիոնավոր մարդկանց, այլև իրար դեմ հանում կամ հաշտեցնում ժողովուրդներին ու պետություններին
Ֆուտբոլիստներ, որոնք գոլ են խփել Աշխարհի առաջնությունների եզրափակիչներում «Ես գոլ եմ խփել Աշխարհի առաջնությունում» ֆոտոնախագիծը