Սպորտի մյուս կողմը. Հայկական ձյուդո` դպրոցների բացակայությունից մինչև 40 հազար դրամ աշխատավարձԽիթարյան. Մարզաձևի զարգացման համար պետք է լինի պետական մոտեցում Ձյուդոն, համեմատած մի շարք մարզաձևերի հետ, Հայաստանում ավելի երիտասարդ է: Չնայած դրան, այն արագ տարածվեց մեր երկրում, և այս մարզաձևով սկսեցին զբաղվել շատ պատանիներ: 24 մայիսի 2013 PanARMENIAN.Net - Արդյունքն էլ չուշացավ, և արդեն 2003 թվականին Արմեն Նազարյանը մեծահասակների Եվրոպայի առաջնությունում արժանացավ բրոնզե մեդալի: Հայկական ձյուդոն, սակայն, այս տարիների ընթացքում ունեցավ միայն երկու դեմք` Նազարյան ու Հովհաննես Դավթյան: Այս մարզիկները շատ հաջող են հանդես եկել ինչպես Եվրոպայի, այնպես էլ աշխարհի առաջնություններում ու Գավաթի խաղարկություններում, հռչակվել չեմպիոններ ու նվաճել տարբեր կարգի մեդալներ: Նրանք երկուսն էլ մասնակցել են ինչպես Պեկինի, այնպես էլ Լոնդոնի Օլիմպիական խաղերին: Սակայն վերջին ժամանակներս պատկերը փոխվել է: Ոչ միայն այս երկու մարզիկները, այլև հայ մյուս ձյուդոիստները մեծահասակների առաջնություններում չեն կարողանում մրցանակային տեղեր գրավել: Այս տարի մեր ձյուդոիստները ձախողեցին Եվրոպայի առաջնությունը. միայն Նազարյանը կարողացավ հաղթել մեկ մրցակցի, մյուսները պարտվեցին առաջին իսկ գոտեմարտում: Խնդիրները շատ են ու բազմազան: PanARMENIAN.Net ը զրուցեց Հայաստանի ձյուդոյի ֆեդերացիայի փոխնախագահ, միջազգային կարգի մրցավար Դավիթ Խիթարյանի և Հայաստանի մեծահասակների հավաքականի գլխավոր մարզիչ Տիգրան Բաբայանի հետ:
Թիմում բացերը շատ են, որոնք պետք է շտկվեն. «Շատ բացեր ունենք, որոնք պետք է շտկվեն: Այսօր թիմի հիմնական կորիզը կազմում են երիտասարդ մարզիկները, ովքեր իրենց տարիքային խմբում արդյունք են ցույց տվել և արդեն հրավիրվել են մեծահասակների հավաքական: Բացի այդ, մեր մարզաձևում փոխվել են կանոնները: Կա մարզիկ, ով շուտ է հարմարվում, մի ուրիշը` ոչ, որոշներն էլ ընդհանրապես չեն հարմարվում: Որպես հավաքականի մարզիչ ասեմ, որ մեր տղաներն ունեն հոգեբանական խնդիրներ` կապված հենց այդ կանոնների փոփոխության հետ: Նրանց մոտ վախ է առաջանում հնարք կատարելու, բռնվածքների հետ կապված, մտածում են` նկատողություն չստանան ու, այսպես ասած, աչքները վախենում է»,- նշեց Բաբայանը: Ըստ նրա, իրենք պետք է աշխատեն հոգեբանական ու տակտիկական խնդիրների վրա, փոխեն մարտավարությունը, որպեսզի կարողանան հաղթանակի հասնել: Խիթարյանը, հավելելով Բաբայանին, ասաց, որ թիմի հետ հոգեբան չի աշխատում, մարզիչը նաև հոգեբանի դերում է հանդես գալիս: «Իրականում ամեն ինչ կախված է մարզիկից, եթե նա չի հավատում իր հաղթանակին, նույնիսկ աշխարհի լավագույն հոգեբանը չի կարող օգնել նրան: Մարզիկին հոգեբանորեն պատրաստում են մարզիչները, որոնք շատ լավ են ճանաչում իրենց սաներին: Իսկ եթե մեր թիմերն ունենան հոգեբաններ, ապա նրանք ոչ թե մրցումներից առաջ պետք է զրուցեն տղաների հետ, այլ միշտ պետք է լինեն թիմի հետ»,- կարծում է նա: Նախապատրաստական առաջին փուլում պետք է բացահայտվեն նոր անուններ. Լոնդոնի Օլիմպիական խաղերից հետո մարզիկներն աստիճանաբար սկսում են պատրաստվել Ռիո դե Ժանեյրոյի խաղերին: Ֆեդերացիաները կազմում են քառամյա ցիկլի պլանները, թիմում ընդգրկում են նոր անդամների: Ձյուդոյի ֆեդերացիան ևս նախապատրաստական շրջանը բաժանվել է փուլերի ու դրանցից առաջինը փնտրտուքների շրջանն է` նոր ձյուդոիստների, թիմում առկա խնդիրների և թերությունների հայտնաբերումը: «Իհարկե, ցանկալի կլիներ, որ այս շրջանում էլ մեդալներ լինեին, բայց գերակա խնդիրը սա չէ: Մենք անընդհատ նոր ուժեր ենք ընդգրկում: Եթե նախորդ Օլիմպիական ցիկլում մենք հիմնական շեշտը դրել էինք երկու ձյուդոիստների վրա` Արմեն Նազարյանի և Հովհաննես Դավթյանի, ապա հիմա փորձարկում ենք բոլոր նրանց, ովքեր հավաքականի հիմնական հավակնորդներն են, բոլորին տրվում է հնարավորություն ընդգրկվել կազմի մեջ, որն արդեն մյուս տարվանից կսկսի նախապատրաստվել Օլիմպիական ցիկլին»,- պարզաբանեց Խիթարյանը: Ըստ ֆեդերացիայի փոխնախագահի, ամբողջ գումարը ծախսվում է 18-20 հոգու վրա, ինչն էլ, բնականաբար, չի հերիքում:
Պետությունը պետք է շահագրգռված լինի մարզաձևերի զարգացմամբ, պետք է լինի պետական մոտեցում. Ձյուդոյի ֆեդերացիան պետությունից ստանում է 71 մլն դրամ, ինչը, ըստ Խիթարյանի, հենակետային մարզաձևերին տրամադրվող գումարից ամենաքիչն է: Համեմատության համար նշենք, որ Վրաստանի պատանիների հավաքականի բյուջեն կազմում է 180 հազար եվրո, իսկ Ռուսաստանի ողջ բյուջեն 46 մլն եվրո է: «Դժվար է առանց մեծ ներդրումների արդյունք սպասել: Մենք Հայաստանում չունենք բավարար նյութատեխնիկական բազա, չունենք նույնիսկ ձյուդոյի մեկ մասնագիտացված դպրոց: Սրանք խնդիրներ են, որոնք միայն ֆեդերացիայինը չեն, պետք է լինի պետական մոտեցում»,- նշեց նա: Ըստ նրա, մյուս երկրներում մանկապատանեկան դպրոցների երեխաները պատրաստվում են ոչ թե ֆեդերացիայի, այլ մարզադպրոցի և քաղաքապետարանի հաշվին, իսկ Հայաստանում սա մի տոկոս էլ չի կազմում: «Նույնիսկ Երևանից Գյումրի կամ Վանաձոր գործուղման գումարը չի տրամադրվում: Իսկ այլ երկրներում ամեն ինչ դպրոցների հաշվին է արվում, մինչև այն պահը, երբ մարզիկը հասնում է այն մակարդակին, որ Եվրոպայից կամ էլ աշխարհից մեդալ է նվաճում: Սա արդեն դառնում է ֆեդերացիայի խնդիրը»,- ավելացրեց նա: Ձյուդոյի ֆեդերացիան բացի պետական միջոցներից փորձում է գումարներ հայթհայթել նաև տարբեր հովանավորներից. «Սակայն մենք միայն պետական միջոցներն ենք կարողանում պլանավորել: Օրինակ, մեր մարզիչները ստանում են մոտավորապես 40 հազար դրամ: Անզեն աչքով իսկ նկատելի է, որ այդքան գումար ստացող մարդը չի կարող ապահովել իր ընտանիքի բարեկեցությունը: Չկան մասնագիտացված դպրոցներ: Գնացեք գյուղեր ու կտեսնեք, որ ընդհանրապես դպրոցներ չկան, իսկ լավ մարզիկները հենց գյուղերից են դուրս գալիս: Քաղաքի երեխան այնքան զբաղմունք ունի, որ շատ դժվար է նրան հասցնել շատ բարձր մակարդակի: Պետությունը պետք է շահագրգռված լինի մարզաձևի զարգացման մեջ, մարզիկը, նրա մարզիչը չպետք է ունենան խնդիրներ»: Ձյուդո մարզաձևի մյուս խնդիրները PanARMENIAN.Net ը ձեր ուշադրությանը կներկայացնի հաջորդ շաբաթ: Գոհար Նալբանդյան, Հասմիկ Բաբայան / PanARMENIAN News Ամենաընթերցվողը բաժնում Մասնագետը՝ առողջ ապրելակերպի մասին Ինչու են կանայք ընտրում ֆիթնես և բոդիբիլդինգ Լավագույն app-երը՝ առավել զգուշավորների այլընտրանք Ինչպես են մարզասրահները և մարզվողները «ֆորմի մեջ» մնում Բաժնի այլ նյութերը Easy ֆուտբոլ՝ մեծ էկրանին Դարձիր «12-րդ խաղացող» Անգլիական այգում, երկրպագիր մերոնց մաքուր օդին Ուղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռու Բրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |