// IP Marketing video - START// IP Marketing video - END
Հայկական դրամի պատմությունից. 1993-ի նոյեմբերի 22-ին «ծնվեց» հայկական դրամը

Հայկական դրամի պատմությունից. 1993-ի նոյեմբերի 22-ին «ծնվեց» հայկական դրամը

Խորհրդային ռուբլիները մինչև 1993 թվականի նոյեմբերի 22-ը դեռ շրջանառվում էին, երբ շրջանառության մեջ դրվեց դրամը

1993 թվականի մարտի 27-ին կազմավորվեց Հայաստանի Կենտրոնական բանկը, որի նախագահ դարձավ Իսահակ Իսահակյանը: Խորհրդային ռուբլիները մինչև 1993 թվականի նոյեմբերի 22-ը դեռ ազատ շրջանառվում էին՝ փոխանակվելով 200 ռուբլին 1 դրամի դիմաց փոխարժեքով:

PanARMENIAN.Net - Հենց 1993-ի նոյեմբերի 22-ին շրջանառության մեջ դրվեց Հայաստանի Հանրապետության պետական արժույթը՝ դրամը: Դրա թողարկման բացառիկ իրավունքը ՀՀ Կենտրոնական բանկինն էր:

1 դրամը հավասար է 100 լումայի, բայց լուման այլևս չի շրջանառվում: «Դրամ» բառը ծագում է հունական դրահմայից (հուն. δραχμή):

Դրամի գրանշանը հայոց այբուբենի մեծատառ Դ-ն է երկու հորիզոնական գծերով:

Դրամի գրաֆիկական խորհրդանշանի հեղինակներ են համարվում Կարեն Կոմենդարյանն ու Ռուբեն Արուտչյանը, որոնք նույնանման էսքիզներ էին ներկայացրել:

1992 թվականին կառավարությունը Հայաստանի ազգային արժույթի անվանակոչման, նմուշների ու շրջանառության մեխանիզմների մշակման հանձնաժողով ստեղծեց: Այն պետք է տար լուծումներ, որոնք վերաբերում էին ազգային արժույթին: Տարբեր կազմակերպություններից ու առանձին քաղաքացիներից ազգային արժույթի անվան վերաբերյալ նախապես արդեն առաջարկներ էին եղել: Օրինակ՝ դրամ, ստակ, իբար, դահեկան, մանրը՝ մանրադրամ, ար, մանր, իմի, զուզա, պլիկ, լումա: Հանձնաժողովի նիստին մասնակցելու էին հրավիրվել ՀՀ առաջին նախագահ Լևոն Տեր-Պետրոսյանը, փոխնախագահ, վարչապետ Գագիկ Հարությունյանը, փոխվարչապետ Հրանտ Բագրատյանը, Գերագույն խորհրդի պատգամավորներ ինչպես նաև այլ պաշտոնյաներ ու մասնագետներ: Ազգային արժույթի անվանումն ընտրելու հարցում իր տեսակետն էր հայտնել նաև ՀՀ նախագահը: Նա առաջարկել էր հիմնական դրամական միավորը «դրամ» անվանել, իսկ արտադրյալը՝ լումա:

Արդյունքում «կողմ» քվեարկեց հանձնաժողովի 7 անդամ, «դեմ»՝ 1 (դա ՀՀ Գերագույն խորհրդի ֆինանսաբյուջետային հանձնաժողովի նախագահ Տիգրան Սարգսյանն էր):

Հանձնաժողովում քվեարկության արդյունքներով որոշվեց կառավարությանն առաջարկել դիմել Գերագույն խորհուրդ, առաջարկելով ազգային արժույթի հիմնական դրամական միավորի համար ընդունել «դրամ» անվանումը, իսկ արտադրյալ միավորի համար՝ «լումա»-ն:

2003-ին դրամի գրանշանը պատկերվեց 10-հազարանոց թղթադրամի դարձերեսին, իսկ հետո նաև այլ անվանական արժեքով թղթադրամներին: 2008-ին գրաֆիկական խորհրդանշանը պատկերվեց 5000 դրամ անվանական արժեքով կոլեկցիոն արծաթե հուշամետաղադրամի դարձերեսին, որը նվիրված էր ազգային արժույթի 15-ամյակին: 2012 թվականին համաշխարհային «Յունիկոդ» ստանդարտում այն ներառվեց U+058F Armenian Dram Sign կոդով:

Ազգային արժույթի՝ դրամի համար ISO միջազգային կոդ է ընդունված AMD-ն:

Վիկտորիա Արարատյան / PanARMENIAN.Net
| Նախագծի գործընկեր
 Ամենաընթերցվողը բաժնում
16 տարի երեխա չունեցած զույգի համար փոխնակ մոր պատմությունը
Անցնող տարում մահացած հայտնիները
2016-ի PAN-ի լավագույն հոդվածները հասարակության մասին
Արշավիր Գրիգորյանի հասակը 2 մ 34 սմ է
 Ուշադրության կենտրոնում
Հունվարյան weekend. Ջազ, մասսայական մարզումներ, ստենդ-ափ շոու և մեծ զեղչեր

Հունվարյան weekend. Ջազ, մասսայական մարզումներ, ստենդ-ափ շոու և մեծ զեղչեր Իսկական, ցրտաշունչ և մեր երկրին ոչ հատուկ ձմեռը գրավել է Հայաստանը: Արևն այնքան վաղուց չի երևացել մայրաքաղաքում, որ երևանցիներն արդեն առասպելներ են պատմում դրա մասին

 Բաժնի այլ նյութերը
Տարվա մարդիկ PAN-ի 2016-ի լավագույն «մարդկային» պատմությունները
Պատվաստվել, թե՝ ոչ Ո՞ր դեպքում է վտանգն իրական
Իմ բարեկամն ու թշնամին Ինչու պետք է արգելվի հակաբիոտիկների ազատ վաճառքը