Հայկական դրամի պատմությունից. Նոր հայկական թղթադրամները

Հայկական դրամի պատմությունից. Նոր հայկական թղթադրամները

Հայաստանում շրջանառվող բոլոր թղթադրամները բարձր պաշտպանվածությամբ ու ամենաբարձր որակի են

1993 թվականի նոյեմբերի 22-ին երկարատև ընդմիջումից հետո շրջանառության մեջ դրվեց Հայաստանի Հանրապետության ազգային արժույթը՝ դրամը: Այսօր ՀՀ-ում թղթադրամներից բացի շրջանառվում են նաև մետաղադրամներ՝ շրջանառվող, կոլեկցիոն, ինչպես նաև ներդրումային: Ազգային արժույթը վճարման միակ օրինական միջոցն է Հայաստանի Հանրապետության տարածքում:

PanARMENIAN.Net - 10-ից մինչև 5000 անվանական արժեքով առաջին սերիայի թղթադրամները թողարկվել են 1993-ի նոյեմբերի 22-ին: Ավելի ուշ՝ 1994-ին, շրջանառության մեջ մտավ 1000 դրամ անվանական արժեքով թղթադրամը, իսկ վերջին ամենախոշոր՝ 5000 դրամ անվանական արժեքով թղթադրամը թողարկվեց 1995 թվականին:

1993-ի նմուշի առաջին թողարկման թղթադրամների էսքիզների համահեղինակներն են Հայաստանի Նկարիչների միության անդամներ Հրաչյա Ասլանյանն ու Աշոտ Մանուկյանը: 1994-ի նմուշի 1000 դրամ անվանական արժեքով թղթադրամի հեղինակն Աշոտ Մանուկյանն է, իսկ 1995-ի նմուշի 5000 դրամ անվանական արժեքով թղթադրամի էսքիզը Հրաչյա Ասլանյանինն է: Սերիայի բոլոր թղթադրամները տպագրվել են գերմանական «GIESECKE&DEVRIENT GmbH» ընկերությունում:

Հայաստանի պատմության թանգարանի և ԱԺ շենքի պատկերով1993 թ.-ի 50-դրամանոց թղթադրամը

Հայաստանում շրջանառվող բոլոր թղթադրամները բարձր պաշտպանվածությամբ ու ամենաբարձր որակի են:

1998-ին թողարկվեց թղթադրամների երկրորդ սերիան՝ 50 և 100 դրամ անվանական արժեքով: Այդ առաջին թղթադրամները շրջանառության մեջ են մտել նոյեմբերի 23-ին՝ այդ օրերին ՀՀ Կենտրոնական բանկը տոնական միջոցառումներով նշում էր երկրում ազգային դրամի շրջանառության 5-ամյակը:

1999-ին շրջանառության մեջ մտան 500, 1 000, 5 000 և 20 000 անվանական արժեքով թղթադրամները: Իսկ 2003-ին թողարկվեց 10 000 դրամ անվանական արժեքով թղթադրամը:

Ճարտարապետ Ալեքսանդր Թամանյանի և ՀՀ կառավարության շենքի պատկերով1999 թ.-ի 500-դրամանոց

Երկրորդ թողարկման թղթադրամներն իրենց արտաքին ձևավորմամբ և մշակման մոտեցումներով կտրուկ տարբերվում են առաջին սերիայի թողարկումներից: Երկրորդ սերիայի թղթադրամների վրա ազգային մշակույթի մեծերի խոշոր դիմապատկերներն են, ինչպես նաև նրանց գործունեությանն ու ստեղծագործությանն առնչվող պատկերներ: 50-ից մինչև 20 000 դրամ անվանական արժեքով թղթադրամների էսքիզների հեղինակն է Հայաստանի նկարիչների միության անդամ Աշոտ Մանուկյանը:

Եղիշե Չարենցի դիմանկարով և Երևանի հին շենքերից մեկին ձիակառքով2001-ի նմուշի 1 000-դրամանոց

Նկարիչ Մարտիրոս Սարյանի դիմանկարով և նրա «Հայաստան» բնանկարի հատվածով20 000-դրամանոց

Անհրաժեշտ ռեզերվի համալրման համար վերատպվեցին 1 000, 5 000, 10 000 և 20 000 դրամ անվանական արժեքով թղթադրամները, այդ թվում նաև թողարկման նոր ամսաթվով: Բայց դրանք դիզայնով դրանք չեն տարբերվում, միայն աննշան փոփոխություններ են արվել, հիմնականումկապված նոր պաշտպանիչ տարրերի ներմուծման հետ: 50-ից՝ 20 000 անվանական արժեքով թղթադրամները թողարկեցին հայտնի արտասահմանյան ընկերություններ՝ անգլիական DE LA RUE CURRENCY-ին, հոլանդական JOH. ENSCHEDE EN ZONEN-ը, ավստրիական OeBS և գերմանական GIESECKE & DEVRIENT GmbH-ը:

2001-ին հայ ժողովուրդը տոնում էր Հայաստանում քրիստոնեությունը որպես պետական կրոն հռչակելու 1700-ամյակը: Տոնական միջոցառումներին մասնակցեց նաև Կենտրոնական բանկը՝ հունիսի 6-ին թողարկելով 50 000 դրամանոց հոբելյանական թղթադրամը:

Դրա վրա պատկերված են Մայր Աթոռը, Արարատը, եկեղեցու ուրվագիծը, որը մի կողմից պահում է Գրիգոր Լուսավորիչը, մյուս կողմից՝ Տրդատ Մեծը, ինչպես նաև Կեչառիսի խաչքարերից մեկը: Թղթադրամի էսքիզի հեղինակն է Նկարիչների միության անդամ Ռուբեն Արուտչյանը, թողարկմանը մասնակցել է գերմանական GIESECKE & DEVRIENT GmbH ընկերությունը:

2009-ին ԿԲ-ն շրջանառության մեջ դրեց 100 000 դրամ անվանական արժեքով ամենամեծ թղթադրամը: Դրա վրա պատկերված է Եդեսիայի արքա Աբգար V, որին Հայ առաքելական եկեղեցին դասել է սրբերի շարքը: Ըստ հայ պատմագիրների, նա առաջին հայազգի արքան է, ով ընդունել է քրիստոնեությունը: Թղթադրամի էսքիզի հեղինակն է Նկարիչների միության անդամ Հարություն Սամուելյանը: Թղթադրամը տպագրել է DE LA RUE CURRENCY ընկերությունը:

100 000 դրամ անվանական արժեքով թղթադրամը, որի վրա պատկերված է Աբգար V

Հայաստանում շրջանառվող թղթադրամներն իրենց պարամետրերով չեն զիջում արտասահմանյան երկրների թղթադրամներին, որոշ դեպքերոմ նաև գերազանցում են:

Նյութը նախապատրաստվել է Հայաստանի Կենտրոնական բանկի հետ համատեղ, ՀՀ ԿԲ դրամագետ Գևորգ Մուղալյանի մասնակցությամբ

Վիկտորիա Արարատյան / PanARMENIAN.Net , Վարո Ռաֆայելյան / PanARMENIAN Photo
| Նախագծի գործընկեր
 Ամենաընթերցվողը բաժնում
Աշխատանքի ընթացքում մեզ հանդիպում են բազմաթիվ հետաքրքիր, իրարամերժ, զայրույթ կամ ծիծաղ առաջացնող թվեր, որոնք շատ բան են պատմում Հայաստանի մասին: Սակայն երբեմն այս կամ այն պատճառով դրանք վրիպում են ուշադրությունից:
Քաղաքացիներին, հասարակական, քաղաքական, մշակութային գործիչներին և ոչ միայն շնորհվող մեդալները
Ամեն ինչ սկսվել է մեկ պատից, հետո անցել է մյուսին, ու այդպես՝ ամբողջ տունը
Հայաստանում բնակվում է ողնաշարավոր կենդանիների մոտ 523 տեսակ, որոնցից 153-ը գրանցված են «Կարմիր գրքում»։
 Ուշադրության կենտրոնում
ՎիվաՍել-ՄՏՍ-ը՝ կապի խափանման մասին. Համակարգի գործունեությունը վերականգնված է

ՎիվաՍել-ՄՏՍ-ը՝ կապի խափանման մասին. Համակարգի գործունեությունը վերականգնված է Ներկայում բոլոր ծառայությունները վերականգնված են և հասանելի են պատշաճ որակով

 Բաժնի այլ նյութերը
#ElectricYerevan. Թվապատում Հունիսի 19-ից Երևանում մասշտաբային բողոքի ցույցեր են հոսանքի սակագնի բարձրացման դեմ: Չնայած վերջին օրերին «Էլեկրական Երևան» կամ #ElectricYerevan անունը ստացած բողոքի ինտենսիվությունն ընկել է, ցուցարարները շարունակում են փակ պահել Բաղրամյան պողոտան:
Խաչքարերի անտառ. Նորատուս Այստեղ կա մոտ 900 խաչքար,որոշների բարձրությունը հասնում է 1,5 մետրի
Հաղթանակի 70 տարին. Հայ մարտիկները՝ Բեռլինի գրոհում՝ սկսվում էր Հաղթանակի գարունը Արևելյան Պրուսիայի և Գերմանիայի ջախջախման մարտերին մասնակցության համար 10 հայ զինվորական և ազգությամբ ռուս 2 հայաստանցի արժանացան Խորհրդային Միության հերոսի կոչման