// IP Marketing video - START// IP Marketing video - END
Հայկական դրամի պատմությունից. Հայաստանի ազգային արժույթը՝ դրամը, նշում է 20-ամյակը

Հայկական դրամի պատմությունից. Հայաստանի ազգային արժույթը՝ դրամը, նշում է 20-ամյակը

Թիես Քլեմենց. Ես հույս եմ հայտնում և մաղթում, որ գալիք տարիների ընթացքում այն կշարունակի առաջ մղել Հայաստանի տնտեսությունը դեպի իր զարգացման հաջորդ փուլը

Հայաստանի ազգային արժույթը՝ դրամը, նշում է 20-ամյա հոբելյանը: Հայաստանի Հանրապետության կենտրոնական բանկը թողարկել է ՀՀ ազգային դրամի 20-ամյակին նվիրված հուշադրամ։

PanARMENIAN.Net - Հուշադրամի դիմերեսին ՀՀ զինանշանն է և դրամի 20-ամյակի տարբերանշանը: ՀՀ զինանշանի ֆոնին ՀՀ թղթադրամների պաշտպանական հատկանիշները (գիլյոշ և պաշտպանական ներգիծ) նմանացնող պատկերներ են: Դրամի 20-ամյակի տարբերանշանից ձախ թողարկման տարեթիվն է` «2013», շրջագծով` «Հայաստանի Հանրապետություն» և «Republic of Armenia» մակագրությունները:

Հուշադրամի դարձերեսին ՀՀ կենտրոնական բանկի շենքն է և ՀՀ թղթադրամների պաշտպանական հատկանիշները (գիլյոշ և թափանցիկ պատկեր) նմանացնող պատկերներ են, շրջագծով` «Ազգային դրամի 20 տարին» և «20 Years Of National Currency» մակագրությունները:

Թողարկվել է ընդամենը 500 արծաթե հուշադրամ, 1000 դրամ անվանական արժեքով։ Հուշադրամները պատրաստվել են 9990 հարգի արծաթից, որակը` պրուֆ, 38,0 մմ տրամագծով և 31,1 գրամ քաշով։

Էսքիզների հեղինակն է Վարդան Վարդանյանը: Հուշադրամը հատվել է Նիդերլանդների արքայական դրամահատարանում:

«Էյչ-Էս-Բի-Սի Բանկ» Հայաստան ՓԲԸ գլխավոր գործադիր տնօրեն Թիես Քլեմենցը շնորհավորել է Կենտրոնական բանկին, կառավարությանը և Հայաստանի ժողովրդին հայկական դրամի 20-րդ տարեդարձի կապակցությամբ: «Շնորհավորում եմ Հայաստանի Հանրապետության Կենտրոնական բանկին և կառավարությանը հայկական դրամի 20-րդ տարեդարձի կապակցությամբ: Ակնհայտ է, որ վերջին 20 տարիների ընթացքում դրամը հանդիսացել է երկրի զարգացման համար անհրաժեշտ շարժիչ ուժը, և ես հույս եմ հայտնում և մաղթում, որ գալիք տարիների ընթացքում այն կշարունակի առաջ մղել Հայաստանի տնտեսությունը դեպի իր զարգացման հաջորդ փուլը»,- ասել է նա:

Նյութը նախապատրաստվել է Հայաստանի Կենտրոնական բանկի հետ համատեղ, ՀՀ ԿԲ դրամագետ Գևորգ Մուղալյանի մասնակցությամբ

Վիկտորիա Արարատյան / PanARMENIAN.Net
| Նախագծի գործընկեր
 Ամենաընթերցվողը բաժնում
Պարզ ճշմարտություններ քաղցկեղի բուժման մասին
Մխիթարյանը՝ հայ երեխաների, լավագույն գոլի և ՄՅՈւ մասին
Հայաստանի շաբաթվա սիմվոլիկ լրահոսային հավաքականը
Հայ բժիշկները վերադարձել են Հարավային Սուդանից
 Ուշադրության կենտրոնում
Անտառներում հրդեհների վտանգը մեծացել է. Մի շարք արգելանքներ են գործում

Անտառներում հրդեհների վտանգը մեծացել է. Մի շարք արգելանքներ են գործում Մթնոլորտային օդի պահպանության մասին» ՀՀ օրենքի համաձայն` արգելվում է այրել խոզանները

 Բաժնի այլ նյութերը
Սրտացավ վերաբերմունքը Ինչ արժե ստենտավորումը ՀՀ-ում ու Վրաստանում
Դանակը ոսկորին չհասած Ինչ արժե առողջության անհատական ապահովագրությունը
Հայաստան-2047 ԱԺ-ն քննարկում է «Ճշտի մասին» օրենքը