#ElectricYerevan. ԹվապատումՀունիսի 19-ից Երևանում մասշտաբային բողոքի ցույցեր են հոսանքի սակագնի բարձրացման դեմ: Չնայած վերջին օրերին «Էլեկրական Երևան» կամ #ElectricYerevan անունը ստացած բողոքի ինտենսիվությունն ընկել է, ցուցարարները շարունակում են փակ պահել Բաղրամյան պողոտան: PanARMENIAN.Net-ը պատմում է ակցիայի մասին՝ հակիրճ թվերով: 2 հուլիսի 2015 PanARMENIAN.Net - Բաղրամյան պողոտան փակվեց հունիսի 22-ին, երբ Ազատության հրապարակում արդեն 4 օր նստացույց անող ակտիվիստները մի քանի հազար ցուցարարների հետ շարժվեցին դեպի նախագահի նստավայր, սակայն ճանապարհին հանդիպեցին ոստիկանական պատնեշի: Ցուցարարները որոշեցին չնահանջել Ազատության հրապարակ ու շարունակել բողոքի ակցիան հենց Բաղրամյան պողոտայում: Հաջորդ առավոտ մոտավորապես ժամը 05:20 սահմաններում ցույցը ցրվեց տարբեր ստորաբաժանումների, նաև՝ քաղաքացիական հագուստով ոստիկանների, ու ջրցան մեքենայի միջոցով:
Բազմաթիվ ցուցարարներ ու լրագրողներ ծեծվեցին, ջարդվեցին մի քանի ԶԼՄ-ների տեսա- ու ֆոտոխցիկներ, 19 մարդ հոսպիտալացվեց: Դեպքերի առթիվ հարուցվեք քրգործ՝ խուլիգանության հատկանիշներով, բերման ենթարկվածները, սակայն, ներգրավվեցին որպես գործի վկա: Հաշված ժամեր անց մի քանի հազար մարդ դուրս եկավ փողոց՝ բողոքելու արդեն ոչ միայն էլեկտրաէներգիայի սակագնի բարձրացման, այլև ոստիկանության գործողությունների դեմ: Բաղրամյան պողոտան նորից փակվեց:
Աղբամանները հայտնվեցին Բաղրամյան պողոտայում հունիսի 23-ի երեկոյան: Ցուցարարները պնդում են, որ դրանք պիտի օգնեն նրանց պաշտպանվել ոստիկանական գործողության հնարավոր կրկնության դեպքում: Օրեր անց Երևանի աղբահանումը կազմակերպող Sanitek ընկերության բողոքի հիման վրա քրգործ հարուցվեց՝ գույքը փչացնելու հատկանիշներով:
#ElectricYerevan-ը «ծնվեց» հունիսի 22-ին՝ միանգամից դառնալով Twitter, Facebook և Instagram սոցցանցերում երևանյան բողոքի ցույցերի մասին գրառումների հիմնական հաշթեգը: Այլ քաղաքներում զուգահեռաբար ընթացող բողոքի ցույցերը Twitter-ում թրենդային չդարձան՝ անցած օրերի ընթացքում արվել է ընդամենը 100 #ElectricGyumri և 35 #ElectricVanadzor հաշթեգով գրառում, նաև՝ 2437 #ElectricArmenia և 1723 #ЭлектроМайдан հաշթեգով գրառում: Համեմատության համար՝ 2015 թվականի ապրիլի 24-ին Twitter-ում արվեց #ArmenianGenocide հաշթեգով 55.256 գրառում:
2013-2015 թվականներին էլեկտրաէներգիայի սակագինը բարձրացվել է 3 անգամ: 2013-ին 1 կՎտժ արժեքը բարձրացավ 30-ից մինչև 38 դրամ՝ ցերեկային, ու 20-ից՝ 28 դրամ՝ գիշերային սակագնի համար: 2014-ին էլեկտրաեներգիայի սակագինը բարձրացավ ևս 3.85 դրամով՝ մինչև համապատասխանաբար 41.85 ու 31.85 դրամ:
Եվ ահա՝ օգոստոսի 1-ից, ՀԾԿՀ որոշմամբ այն կբարձրանա ևս 6.93 դրամով (մոտ 16.7%)` մինչև 48.78 դրամ ցերեկայինն ու 38.78 դրամ գիշերայինը: Այսպիսով, երեք տարում աճը կկազմի 62% ցերեկային ու 94% գիշերային սակագնի դեպքում: Ընդ որում, ՀԷՑ-ն առաջարկում էր բարձրացնել սակագինը 17 դրամով:
Ռուսաստանից վարկի տրամադրման մասին հայտնի դարձավ հունիսի 26-ին՝ ՀՀ նախագահ Սերժ Սարգսյանի և ՌԴ տրանսպորտի և կապի նախարար, հայ-ռուսական միջկառավարական հանձնաժողովի համանախագար Մաքսիմ Սոկոլովի հանդիպումից հետո: Սերժ Սարգսյանը նշեց, որ $200 մլն չափով արտոնյալ արտահանման վարկ տրամադրելը թույլ կտա զգալիորեն ընդլայնել Հայաստանի զինված ուշերի զինանոցի ժամանակակից սպառազինման տեսականին:
Հաջորդ օրը՝ էներգետիկ հիմնահարցերին նվիրված խորհրդակցության ժամանակ հայտարարելով ՀԷՑ-ում աուդիտի անցկացման ընթացքում սակագնի հավելաճի սուբսիդավորման մասին, ՀՀ նախագահը նշեց. «մենք ընթացող ծրագրերին կամ սոցիալական ծախսերին չենք դիպչի, այլ գումարներ կգտնենք անվտանգության հետագա ամրապնդման համար նախատեսվող միջոցներից»: Վարչապետ Հովիկ Աբրահամյանը, իր հերթին, հայտարարեց, որ էլեկտրաէներգիայի սուբսիդավորումը տեղի կունենա արտաբյուջետային միջոցների հաշվին՝ չմանրամասնելով դրանց աղբյուրը:
Հունիսի 26-ին ցուցարարների քանակն այնքան մեծացավ, որ նրանց մի մասը ժամանակավորապես փակեց նաև Մաշտոցի պողոտան: Տարածքում լարված իրավիճակ ստեղծվեց հատկապես այն պահին, երբ մի խումբ ոստիկաններ մտան ցուցարարների մեջ և տարան նրանցից մեկին (ավելի ուշ ոստիկանությունը հաղորդագրություն տարածեց, որ ատրճանակով զինված երիտասարդ է բերման ենթարկվել): ՀՀ ոստիկանապետ Վլադիմիր Գասպարյանը՝ մոտենալով ցուցարարներին և նրանց ու ոստիկանների միջև կանգնած պատգամավորներին, էմոցիոնալ կերպով մի քանի անգամ սթափության կոչ արեց, խոստացավ, որ ոստիկանությունն ուժ չի կիրառի, սակայն պահանջեց չփակել Մաշտոցի պողոտան: Նիկոլայ Թորոսյան / PanARMENIAN.Net Ամենաընթերցվողը բաժնում Ինչպես միանալ ոլորտի առաջատար միջազգային ընկերությանը Ինչպես է աշխարհը լուծում օրգանների փոխպատվաստման խնդիրը Արևմուտքի սանկցիաները խփում են նաև ռուսական դեղարտադրությանը Մարտի 8-ին՝ սթափության լրացուցիչ չափաբաժին Բաժնի այլ նյութերը Հեպատիտի նոր ենթատեսակը տարածվում է երեխաների շրջանում Ինչ է այն ու ինչպես պայքարել` հայտնի չէ Հայրենիքը՝ հեծանիվի դիմաց Ինչ արժե պետությանը դավաճանելը Յոթ որդու Բավական քույրը Տարեկան քանի՞ աղջիկ չի ծնվում Հայաստանում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |