Նյարդային բջիջները վերականգնվում ենԳիտնականները հայտարարում են, որ ուղեղը փոխվում է, վերականգնվում է և զարգանում է նաև մեծահասակների մոտ բազում գործոնների ազդեցությամբ Գիտությունն ապացուցել է, որ նյարդային բջիջները վերականգնվում են: Վերջապես նրանցից հանվել է կենսաբանորեն խտրական «մեղադրանքը» վերականգնվելու անկարողության մասին: Գիտնականները պարզել են, որ մարդու ուղեղը, ինչպես նաև կենդանիներինը, անընդհատ զարգացման մեջ է և չի սահմանափակվում մանկության և պատանեկության տարիներով: 2 դեկտեմբերի 2015 PanARMENIAN.Net - Գիտնականները հայտարարում են, որ ուղեղը փոխվում է, վերականգնվում է և զարգանում է նաև մեծահասակների մոտ բազում գործոնների ազդեցությամբ: Հակառակ դեպքում մարդիկ չէին կարողանա մինչև խորը ծերություն պահպանել մտավոր կարողությունները: Սաղմի զարգացող ուղեղում նեյրոնների մեծ «պաշար» է առաջանում, որի 70 տոկոսը մեռնում է դեռ մինչև երեխայի ծնունդը: Ուղեղը շարունակում է նյարդային բջիջներ կորցնել նաև ծնունդից հետո, սակայն դա գենետիկորեն ծրագրված գործընթաց է, որի ժամանակ մեռնում են ոչ միայն նեյրոնները, այլ նաև օրգանիզմի մյուս բջիջները: Նյարդային համակարգի բջիջների մեծ քանակությունը հարկավոր է ուսուցման համար, ինչպես նաև մարդու գիտակցության զարգացման անվերջ վարիացիների ապահովման համար: Վերականգնման գործընթացն առավել ակտիվ է ընթանում էպիթելում և արյունաստեղծ օրգաններում: Սակայն նյարդային բջիջների տրոհումը գենետիկորեն արգելափակված է: Այսինքն նյարդային բջիջներ չեն առաջանում տրոհման միջոցով:
Նյարդային բջիջներն առաջանում են նեյրոգենեզի արդյունքում, որն առավել ակտիվ է ներարգանդային զագացման շրջանում: Նեյրոգենեզը սկսվում է նեյրոնների նախատիպերի` նեյրոնային ցողունային բջիջների տրոհմամբ, որոնք հետո միգրացիա են ենթարկվում, տարանջատվում են և կազմում են գործող նեյրոն: Հասուն կաթնասունների գլխուղեղում նեյրոգենեզը տեղի է ունենում երկու բաժնում, որոնք կապված են հիշողության (հիպոկամպ) և հոտառության (հոտառության սոխուկներ) հետ: Վերջին տարիների հետազոտությունները ցույց տվեցին, որ սեռական հասունացման շրջանում կաթնասունների գլխուղեղն ավելացնում է այդ բջիջների քանակը նաև նշագեղձում և դրա հետ կապված մասերում: Ընդ որում աճում է ոչ միայն նեյրոնների քանակը, այլ նաև նյարդային հյուսվածքի ուղեկից բջիջների` նեյրոգլիաների քանակը: Վերջին հետազոտությունները ցույց տվեցին, որ նոր նեյրոններ հասուն գլխուղեղում կարող են առաջանալ ոչ միայն նեյրոնալ ցողունային բջիջներից, այլ նաև արյան ցողունային բջիջներից: Սակայն վերջիններս չեն վերածվում նեյրոնների, այլ միանում են դրանց` կազմելով երկկորիզ ցողունային բջիջներ: Հետո նեյրոնի հին կորիզը փլուզվում է, և այն փոխարինվում է արյան ցողունային բջջի նոր կորիզով: Բացի այդ նյարդային համակարգը վերականգնվում է իր բացառիկ պլաստիկության շնորհիվ, երբ մեռած նյարդային բջիջների ֆունկցիաներն իրենց վրա են վերցնում գործող բջիջները` մեծանալով և նոր կապեր ձևավորելով, այդպիսով լրացնելով կորցրած ֆունկցիաները: Մեկ կենդանի նեյրոնը կարող է փոխարինել 9 մեռած նեյրոնի: Կարծրատիպ դարձած այն կարծիքը, թե սթրեսը վատ է ազդում բջիջների վրա, սխալ է: Հետազոտությունները ցույց տվեցին, որ նեյրոններն ընդհանրապես չեն կարող մեռնել գերծանրաբեռնվածությունից` նրանք ուղղակի դանդաղեցնում են իրենց գործունեությունն ու հանգստանում են: Նեյրոնները մեռնում են սննդարար նյութերի, հատկապես վիտամինների պակասից և հյուսվածքների արյան շրջանառության խախտման պատճառով, որի արդյունքում տեղի է ունենում թունավորում և հիպոքսիա, ինչպես նաև տարբեր դեղերի օգտագործման, թունդ թեյի և սուրճի, թմրանյութերի, ծխախոտի և ալկոհոլի չարաշահման, ֆիզիկական մեծ ծանրաբեռնվածության և ինֆեկցիոն հիվանդությունների հետևանքով: Նյարդային բջիջները պաշտպանելու և նրանց անկասելի զարգացումն ապահովելու համար միշտ պետք է ձգտել ինչ-որ նոր բան սովորելու, ինչպես նաև զարգացնել ինքնավստահությունն ու բաց լինել զգացմունքների համար: PanARMENIAN.Net / Tsets Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |