  «Ոսկե գլոբուս-2016». Հոլիվուդի արտասահմանյան մամուլի ասոցիացիան ընտրել է լավագույններինԿինոգետներից շատերն այս մրցանակը համարում են «Օսկարի» «գլխավոր փորձը», թեև, վերջերս, լրագրողների և կինոակադեմիկոսների կարծիքները չեն համընկնում Լոս Անջելեսի The Beverly Hilton հյուրանոցում տեղի է ունեցել Հոլիվուդի արտասահմանյան մամուլի ասոցիացիայի «Ոսկե գլոբուս» մրցանակաբաշխությունը: Ալեխանդրո Գոնսալես Ինյարիտուի «Վերապրածը» ֆիլմը Լեոնարդո դի Կապրիոյի գլխավոր դերակատարմամբ հաղթող է դարձել մի քանի անվանակարգերում: Կինոգետներից շատերն այս մրցանակը համարում են «Օսկարի» «գլխավոր փորձը», թեև, վերջերս, լրագրողների և կինոակադեմիկոսների կարծիքները չեն համընկնում:  11 հունվարի 2016PanARMENIAN.Net - PanARMENIAN.Net –ը ներկայացնում է «Ոսկե գլոբուսի» հաղթողներին կինոյի և հեռուստատեսային անվանակարգերում: Լավագույն կինոնկարը` դրամա Կինոքննադատներն ու լրագրողները գնահատեցին Ինյարիտուի ֆիլմը վայրի հյուսիս-արևմուտքում դաժան կյանքի մասին: Ոչ այնքան բարդ դրամատուրգիան փոխլրացվում է խստաշունչ իրողությամբ և հիանալի օպերատորական աշխատանքով, որի օգնությամբ ռեժիսորը բացահայտում է ոչ այնքան բովանդակությունը, որքան հիանալի ձևը: Լավագույն կինոնկար` կատակերգություն կամ մյուզիքլ «Մարսեցին» Էնդի Ուիրի համանուն բեսթսելերի էկրանավորումը Ռիդլի Սքոթի ղեկավարությամբ ավելի շուտ վեպի առանձին հատվածների վիզուալիզացիա է հիշեցնում, քան լիարժեք կինո: Այնուամենայնիվ, բավականին տարօրինակ է, որ գիտական ֆանտաստիկան ընդգրկվել է այս անվանակարգում և նույնիսկ հաղթել: Տղամարդու լավագույն դերակատարում` դրամա Լեոնարդո դի Կապրիո` «Վերապրածը» Դերասանն արդեն երրորդ անգամ է արժանանում «Ոսկե գլոբուսի»: Նախորդ մրցանակները շնորհվել են Մարտին Սկորսեզեի «Ավիատոր» և «Ուոլ սթրիթի գայլը» ֆիլմերի համար: Տղամարդու լավագույն դերակատարում` կատակերգություն կամ մյուզիքլ Մեթ Դեյմոն, «Մարսեցին» Վեց անգամ ներկայացվելուց հետո Դեյմոնը վերջապես արժանացավ մրցանակին Կարմիր մոլորակում լքված NASA-ի աստղագնաց Մարկ Ուոտնիի դերակատարման համար: Կնոջ լավագույն դերակատարում` դրամա Բրի Լարսոն` «Սենյակը» Լեոնարդ Աբրամսոնի իռլանդա-կանադական դրաման բարձր գնահատվեց կինոքննադատների կողմից: Ամերիկացի դերասանուհի և երգչուհի Բրի Լարսոնի փայլուն խաղն առաջին մրցանակը բերեց նրան կինոյի ասպարեզում: Կնոջ լավագույն դերակատարում` կատակերգություն կամ մյուզիքլ Ջենիֆեր Լոուրենս` «Ջոյ» «Քաղցած խաղերի» աստղ, օսկարակիր Ջենիֆեր Լոուրենսն էկրանին մարմնավորել է վունդերկինդ-գյուտարար Ջոյ Մանգանոյին, որն առաջին հերթին հայտնի է որպես Miracle Mop հրաշք հատակմաքրիչի հեղինակ: Լավագույն ռեժիսոր Ալեխանդրո Գոնսալես Ինյարիտու` «Վերապրածը» Անցյալ տարի հեղինակավոր մեքսիկացին արժանացել է «Օսկարի» հիանալի «Բերդմենի» համար: Հեղինակը երբեք չի թաքցրել, որ իր յուրաքանչյուր ֆիլմի նկարահանում փորձություն է նկարահանող խմբի համար: Հատկապես դա արդարացի է «Վերապրածի» դեպքում` նկարահանումները տեղի են ունեցել ուղղակի անմարդկային պայմաններում, առանց տաղավարների ու արհեստական լուսավորման: Լավագույն հեռուստասերիալ «Միստեր ռոբոտ» Սա երիտասարդ ծրագրավորող Էլիոթի պատմությունն է, որը տառապում է անձի դիսոնանսային խանգարմամբ, և որոշել է, որ մարդկանց հետ փոխգործակցելու իր համար ընդունելի միակ միջոցը հաքերի մասնագիտությունն է: Առաջին սեզոնը, որը բաղկացած էր 10 էպիզոդից, հեռարձակվել է USA Network ալիքով` 2015-ի հունիսի 24-ից: Այլ անվանակարգեր Տղամարդու երկրորդ պլանի լավագույն դերակատարում կինոնկարում Սիլվեստր Ստալոնե` «Քրիդ. Ռոքքիի ժառանգությունը» Կնոջ երկրորդ պլանի լավագույն դերակատարում կինոնկարում Քեյթ Ուինսլեթ` «Սթիվ Ջոբս» Լավագույն սցենար Ահարոն Սորկին` «Սթիվ Ջոբս» Լավագույն լիամետրաժ մուլտֆիլմ «Գլուխկոտրուկ» Լավագույն օտարալեզու ֆիլմ «Սաուլի որդին» Լավագույն օրիգինալ երաժշտություն Էնիո Մորիկոնե` «Ատելի ութնյակը» Լավագույն երգ «Writing's on the Wall»` «007. Սպեկտր» Լավագույն մինի-սերիալ կամ հեռուստատեսային ֆիլմ «Գայլերի սրահը» Տղամարդու լավագույն դերակատարում հեռուստասերիալում` դրամա Ջոն Հեմ` «Խենթերը» Կնոջ լավագույն դերակատարում հեռուստասերիալում` դրամա Թարաջի Պ. Հենսոն` «Կայսրություն» Արման Գասպարյան/ PanARMENIAN.Net  Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով    Ուշադրության կենտրոնում Բաժնի այլ նյութերըՌոբոտներ Դալին ու Մալին, դասական արվեստն ու ամսագիրը թերթելու հաճույքը  Dalma Garden Mall-ի ծրագրերն ու շոփինգի մշակույթըԴեգան, Սարյանն ու Ուրարտուն Մշակութային յուրացում՝ մեծերի թեթև ձեռքովՍկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը |  Այլ հոդվածներ Վերջին լուրեր Էրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նաFreedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը»Տասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբԳարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում |
