Ինչն էր «փրկում» Հայաստանի արտահանումը   2015-ին

Ինչն էր «փրկում» Հայաստանի արտահանումը 2015-ին

Ազգային վիճակագրական ծառայությունը հրապարակել է 2015-ի հունվար-դեկտեմբերի ընթացքում ՀՀ-ի մակրոտնտեսական ցուցանիշները, որոնց հիմնական մասով անկում է գրանցվել: Մասնավորապես, կտրուկ նվազել է ՀՀ ներմուծումը՝ 26,5%-ով: Նման անկման ֆոնին երկրից արտահանման կրճատումը համեմատաբար փոքր է եղել, կազմելով՝ 3,9%:

12 ամսում ՀՀ-ից արտահանումը կազմել է մոտ $1 մլրդ 487 մլն: ՀՀ ներմուծումը կազմել է մոտ $ 3 մլրդ 254 մլն: Արտաքին առևտրային հաշվեկշռի բացասական սալդոն կազմել է $1 մլրդ 767 մլն:

PanARMENIAN.Net - ներկայացնում է, թե որ երկրներն ու ապրանքներն են «փրկել» ՀՀ տնտեսությունը, իսկ որոնք՝ նպաստել դրա անկմանը:

Արտահանումն ըստ երկրների ու ապրանքների

Արտահանումը կազմել է $1.487 մլրդ`2014-ի $1.547 մլրդ դիմաց (կրճատվել է $60 մլն-ով): Այդ թվում՝ ԱՊՀ երկրներ արտահանումը կրճատվել է ավելի քան $90 մլն-ով ( ընդ որում, դեպի ՌԴ արտահանումը կրճատվել է $82 մլն-ով): Դեպի ԵՄ արտահանումը նվազել է մոտ $24 մլն-ով: Հայկական արտադրության հիմնական սպառողներից $14 մլն-ով կրտճատվել է արտահանումը Բելգիա, $13.4 մլն-ով` արտահանումը Գերմանիա, $6.9 մլն-ով` ը Բուլղարիա, $27.1 մլն-ով` Նիդերլանդներ:

Նման ծավալների անկումը մասամբ կոմպենսացրել է արտահանման կտրուկ աճը Ռումինիա ($38,3 մլն` 2014-ի մոտ $54 հազարի համեմատ) և Իտալիա` $34.5 -ից մինչև $48 մլն:

2015-ին 40%-ով կրճատվել է արտահանումը ԱՄՆ, 9%-ով` Իրան, մոտ 4%-ով՝ Չինաստան:

Փոխարենը կտրուկ աճել է դեպի Շվեյցարիա, Վրաստան, կանադա ու Իրաք արտահանումը: Ավելի մանրամասն` ստորև բերված գծապատկերոում:

Արտահանվող հիմնական ապրանքները

2015-ի 12 ամսում արտահանման առավել զգալի ծավալներ են եղել հետևյալ ապրանքային խմբերում. անքահումքային արտադրանք` մոտ $462 մլն (19,9%-ի աճ), պատրաստի սննդամթերքի արտադրություն` $307մլն (8,9%-ի անկում) և «ոչ թանկարժեք մետաղներ և դրանցից պատրաստված իրեր` մոտ $229 մլն (24,1%-ի անկում), թանկարժեք և կիսաթանկարժեք քարեր, թանկարժեք մետաղներ և դրանցից իրեր` $206 մլն (10.6%-ի անկում)։ Մանածագործական իրերի արտահանումը կազմել է մոտ $82 մլն` ավելանալով 62.9%-ով:

Առավել մանրամասն՝ ստորև բերված գծապատկերներում:

Ապրանքաշրջանառություն

Հայաստանի արտաքին առևտրաշրջանառության ծավալը 2015-ին կազմել է $4 մլրդ 740.8 մլն` 2014-ի համեմատ կրճատվելով 20.6%-ով։ԱՊՀերկրների հետ ՀՀ արտաքին առևտրաշրջանառությունը հաշվետու ժամանակահատվածում կազմել է մոտ $1 մլրդ 377 մլն՝ 2014-ի համեմատ կրճատվելով 19,9%-ով: Այդ թվում, ՌԴ հետ՝ մոտ $1 մլրդ 173 մլն` կրճատվելով 18%-ով, Ղազախստանի հետ՝ $5 մլն` կրճատվելով 31.4%-ով։ ԱՊՀ երկրներից առևտրաշրջանառությունը աճել է միայն Թուրքմեստանի հետ՝ կազմելով մոտ $18 մլն (12.1Ջ-ի աճ):

ԵՄերկրների հետ առևտրաշրջանառությունը նվազել է 23,7%-ով՝ կազմելով մոտ $1 մլրդ 220 մլն: Այդ թվում, Գերմանիային բաժին է ընկել $347 մլն (21.5%-ի անկում), Բելգիային՝ $97 մլն (35.9%-ի անկում), Նիդերլանդներին՝ մոտ $76 մլն (37.8%-ի անկում)։ ՀՀ առևտրաշրջանառությունն 2015-ին աճել է ԵՄ մի քանի երկի հետ, այդ թվում՝ Դանիայի` կազմելով $8 մլն (29.6%-ի աճ), Ռումինիայի՝ մոտ $56 մլն (41.7%), Հունաստանի՝ մոտ $17 մլն (10.3%):

 Ամենաընթերցվողը բաժնում
Աշխարհի առաջնությունն ու ՀՀ տնտեսությունը
Գործարարն ու պետությունը՝ հեղափոխությունից հետո
Ով է ճիշտ՝ Գևորգյա՞նը, թե՝ Ծառուկյանը
 Ուշադրության կենտրոնում
Սպանդի գնի առավելագույն շեմ է սահմանվել

Սպանդի գնի առավելագույն շեմ է սահմանվել Խոշոր կենդանու մորթն առավելագույնը 10,000 դրամ կարժենա

 Բաժնի այլ նյութերը
ՀՀ ջերմոցներում արված ներդրումներն արդյունավետ են Տեղական արտադրանքի համար նոր շուկաներ են բացվում
100 օրվա տնտեսություն Ինչ հասցրեց ուղղել ու որտեղ «սայթաքեց» Փաշինյանի գործադիրը
Բյուջեն լցվում է խոշորների հաշվին Մյուսներից գանձվող հարկերը կտրուկ նվազել են