Mobile World Congress-2016. Նոութբուքի վերածվող սմարթֆոններ, ռոբոտներ ու հիբրիդներՓետրվարի 22-25-ը Բարսելոնայում անցնում է աշխարհի մոբայլ ինդուստրիայի խոշորագույն Mobile World Congress-2016 ցուցահանդեսը: Միջոցառման շրջանակում ՏՏ ոլորտի խոշորագույն ընկերությունները, բջջային կապի օպերատորների ղեկավարները, աշխարհում այդ կոնտենտի վաճառողներն ու սեփականատերերը ներկայացնում են հանրությանը սեփական նորագույն մշակումները: Տարվա գլխավոր թրենդերն են ունիվերսալ հիբրիդային գաջեթները և վիրտուալ իրականության մեջ կիրառման համար նախատեսված սարքերը: 23 փետրվարի 2016 PanARMENIAN.Net - Շուկայի խոշորագույն ներկայացուցիչներն արդեն ցուցադրել են իրենց մշակումները և PanARMENIAN.Net ն անդրադառնում է առավել հետաքրքրականներին: Ավելի հզոր և ավելի արագ Հարավկորեական LG-ին ներկայացրել է իր առաջատար LG G5 սմարթֆոնը, մոդուլային տիպի կառուցվածքով, որը թույլ է տալիս օգտատերին ընդլայնել սարքի գործառույթները: Գաջեթն ունի 5,3-դյույմանոց դիսփլեյ 1440x2560 թողունակությամբ և Qualcomm Snapdragon 820 պրոցեսորով: Օպերատիվ հիշողության ծավալը 4 ԳԲ է, իսկ ֆլեշ հիշողության ծավալը` 32 ԳԲ, սակայն օգտատերը կարող է ընդլայնել հիշողությունը մինչև 2 Տբ ծավալով microSD քարտերի հաշվին: LG G5 մեջ ներկառուցված է երկու տեսախցիկ, որոնց մոդուլներն ունեն 16 Մպ և 8 Մպ թողունակություն: Հիմնական տեսախցիկն ունի կրկնակի լուսադիոդային բռնկում, լազերային ֆոկուս և պատկերի օպտիկական կայունացման համակարգ: Ֆրոնտալ տեսախցիկի թողունակությունը 8 Մպ է: LG G5-ը, որն աշխատում է Android 6.0.1 Marshmallow օպերացիոն համակարգի կառավարմամբ LG UX-ի ֆիրմային պատյանով, կթողարկվի կորպուսի արծաթագույն, տիտանի, ոսկեգույն և վարդագույն տարբերակներով:
Սակայն ամենահետաքրքիրը սմարթֆոնի մոդուլային կառուցվածքն է: LG G5-ի հետ միաժամանակ ներկայացվել է LG Friends մոդուլների մի ամբողջ շարք, որոնք միացվում են սմարթֆոնին` ընդլայնելով նրա գործառույթները: Առաջինը LG Cam Plus մոդուլն է, որն ունի հարմար ամրակցում և ֆիզիկական կոճակներ լուսանկարի, տեսանյութի և զումի համար: Այն նաև մարտկոցի ծավալը հասցնում է 4000 մԱ/ժ: երկրորդը` LG Hi-Fi Plus մոդուլն է, որը ստեղծվել է B&O Play մասնակցությամբ և նախատեսված է որակյալ երաժշտության սիրահարների համար:
Հետևելով նորաձևությանը` LG-ն ներկայացրել է նաև վիրտուալ իրականության LG 360 VR գարնիտուրան, LG 360 Cam էքշն-տեսախցիկը պանորամային նկարահանման համար և LG Smart Controller հեռակառավարման վահանակը, որոնք կառավարվելու են LG Friends Manager հավելվածով: Փոքր, բայց խիզախ LG G5 սմարթֆոնի անոնսի հետ միաժամանակ արտադրողը ներկայացրել է LG Rolling Bot սարքը: Դա գնդաձև ռոբոտ է, որը թույլ է տալիս տեսանկարահանումներ կատարել և լուսանկարել 8 Մպ թողունակությամբ: LG Rolling Bot-ը կարող է օգտագործվել որպես անվտանգության համակարգ տան համար և հեռահար դիտարկման համար ընտանի կենդանիների առկայության դեպքում LG G5 սմարթֆոնի միջոցով: LG G5-ի հավելվածը նաև թույլ է տալիս հեռակառավարել այդ ցամաքային դրոնը` ուղորղելով տան այն հատվածը, որը հարկավոր է: Տեղեկատվութայն փոխանցումն իրականացվում է Wi-Fi-ով: 8-մեգապիկսելանոց տեսախցիկից բացի LG Rolling Bot-ն ունի նաև լուսադիոդային լուսավորում, բարձրախոս, դինամիկ և մարտկոց:
Երկար սպասված յոթնյակը Հարավկորեական մյուս հսկան` Samsung-ը, ներկայացրել է Galaxy շարքի նոր առաջատար S7 և S7 edge սմարթֆոնները: Երկուսն էլ ունեն փոշուց և խոնավությունից պաշտպանող կորպուսներ, ինչպես նաև սլոթեր մինչև 200 ԳԲ microSD քարտերի համար: Galaxy S7-ն ունի Super AMOLED էկրան 2560х1440 թողունակությամբ և 5,1-դյույմ անկյունագիծ, S7 edge` 5,5 դյույմ: Նոր սմարթֆոնների էկրանների առանձնահատկությունն է Always On Display գործառույթը, որը ծանուցումները դուրս է բերում արդեն անջատված էկրանի վրա: Սարքերը հագեցած են Exynos 8890 կամ Snapdragon 8208-միջուկանի պրոցեսորներով, ինչպես նաև ունեն 4 ԳԲ օպերատիվ և 32 ԳԲ ներկառուցված հիշողություն: Սարքերն ունեն նաև սլոթ microSD քարտերի համար, սկաներ մատնահետքերի և NFC չիպեր գնումների և ծառայությունների հեռահար վճարման համար:
Samsung-ը ներկայացրել է նաև Gear 360 պանորամային տեսախցիկը, որը կարող է տեսանյութ նկարահանել 4К որակով վիրտուալ իրականության համար նախատեսված ստերեոձայնով, և իրական ժամանակով հեռարձակել այն սմարթֆոնի կամ համակարգչի վրա:
Սարքերի մասին պատմող բոլոր տեսահոլովակները ցուցադրվել են հյուրերին վիրտուալ իրականության ռեժիմով` Gear VR վիրտուալ իրականության ակնոցների միջոցով: Շնորհանդեսին մասնակցել է նաև Facebook-ի հիմնադիր և գլխավոր տնօրեն Մարկ Ցուկերբերգը, որը պատմել է սոցցանցի գործակցության մասին Samsung-ի հետ վիրտուալ իրականության ոլորտում: Մասնավորապես, Facebook-ին պատկանող Oculus-ի ամբողջ բովանդակությունը հասանելի կլինի Gear VR-ում: Նորից փոխեցին Ի տարբերություն կորեական ընկերությունների, ճապոնական Sony-ին ավելի պահպանողական գտնվեց և ուղղակի փոխարինել է Xperia Z առաջատար շարքը Xperia X-ով: Ընկերությունը չի սահմանափակվել մեկ առաջատար սարքով, այլ ներկայացրել է միանգամից 3-ը, նույն չափի դիսփլեյներով (5 դյույմ), սակայն տարբեր բնութագրերով` XA, X և X Performance, բոլորը Android 6.0 Marshmallow օպերացիոն համակարգի կառավարմամբ:
Ստանդարտ Xperia X սմարթֆոնը հագեցած է Snapdragon 650 պրոցեսորով, 3 ԳԲ օպերատիվ հիշողությամբ և 32 ԳԲ ներկառուցված հիշողությամբ: Դիսփլեյի թողունակությունը 1920х1080 է: Պրեմիում-տարբերակը` Xperia X Performance-ն աչքի է ընկնում ավելի հզոր Snapdragon 820 պրոցեսորով, ինչպես նաև փոշուց և խոնավությունից պաշտպանված կորպուսով: Սարքերի ֆոտոմոդուլները նույնն են` 23 մեգապիկսել թողունակությամբ հիմնական տեսախցիկ և 13-մեգապիկսելանոց ֆրոնտալ մատրիցա: Նկարահանումն իրականացվում է օպտիկական կայունացմամբ և պրեդիկատիվ ֆոկուսի համակարգով, ինչը թույլ է տալիս սարքին կանխատեսել օբյեկտների շարժումը կադրում: Xperia XA-ն առավել բյուջետային տարբերակն է` դիսփլյեի թողունակությունն է 1280х720, իսկ հիմնական և ֆրոնտալ տեսախցիկները` 13 և 8 մեգապիկսել:
Հիբրիդները Չինաստանից Չինական Huawei-ը ներկայացրել է MateBook պլանշետի հիբրիդային տեսակը, որը դիտարկվում է որպես Microsoft-ի Surface Pro 4-ի մրցակից: MateBook-ը «երկուսը մեկում» սարք է` պլանշետ և նոութբուք միաժամանակ: Էկրանի անկյունագիծը 12 դյույմ է, թողունակությունը 2160х1440, օգտագործվում են Intel Core m պրոցեսորներ` Intel Core m3-6Y30, Intel Core m5 և Intel Core m7-6Y75: Օպերատիվ հիշողության ծավալը 4-8 ԳԲ է, մշտական հիշողությունը` 128-512 Գբ, առավելագույնը` 1 Տբ: Սարքն աշխատում է Windows 10 Home կամ Windows 10 Pro օպերացիոն համակարգերի հիման վրա: Հատուկ MateDock դոկ-կայանի օգնությամբ կարող է վերածվել լիարժեք նոութբուքի, ունի նաև MatePen «գրիչ» լազերային ցուցափայտով և դիսփլեյի վրա սլայդերի փոփոխման համար նախատեսված կոճակներ:
Մեկ այլ չինական ընկերություն` Lenovo-ն ներկայացրել է MIIX 310 համակարգիչը, որը նույնպես «երկուսը մեկում» փոխակերպվող պլանշետ է հանովի ստեղնաշարով: Սարքն աշխատում է Cherry Trail սերնդի Intel Atom x5-Z8350 պրոցեսորով: ՉԻպը 4-միջուկանի է, ունի գրաֆիկական արագացուցիչ և DDR3L-RS 1600 հիշողության հսկիչ: Նոմինալ տակտային հաճախականությունը 1,44 ԳՀց է: Սարքը հագեցած է 10-դյույմանոց սենսորային դիսփլեյով: Թողունակությունը 1920 х 1080 է, ինչը համապատասխանում է Full HD ձևաչափին: Պլանշետն ունի 2-4 Գբ օպերատիվ հիշողություն և 64 Գբ տարողությամբ ֆլեշ-մոդուլ:
HP-ի վերափոխվող հրաշքը Ամերիկյան հսկան` HP-ն ներկայացրել է Elite X3 սմարթֆոնը, որն աշխատում է Windows 10 օպերացիոն համակարգի կառավարմամբ: Սակայն դա ուղղակի սմարթֆոն չէ, այլ սարք, որը կարող է վերածվել նոութբուքի, կամ լիարժեք անհտական համակարգչի: Այդ նպատակով ընկերությունը մշակել է հատուկ դոկ-կայան նոութբուքի տեսքով, որի էկրանի անկյունագիծը 12,5 դյույմ է: Սմարթֆոնը կարող է կատարել դասական x86-համատեղ հավելվածներ վիրտուալիզացիայի տեխնոլոգիաների միջոցով:
Elite X3-ը հիմնված է Qualcomm Snapdragon 820 պրոցեսորի վրա, հագեցած է LPDDR4 տիպի 4 Գբ օպերատիվ հիշողությամբ և 64 Գբ ներկառուցված պահոցով: 2560х1440 թողունակության էկրանն ունի 5.96 դյույմ անկյունագիծ, անկախ աշխատանքն ապահովում է 4150 մԱժ ծավալի մարտկոցը: Սմարթֆոնը աջակցում է Comtinuum գործառույթին և կարող է աշխատել ստեղնաշարի և մկնիկի հետ, որոնք միանում են USB 3.0 Type C միջոցով:
Սմարթֆոնների համար HP մշակել է նաև Desk Dock և Mobile Extender: Առաջինն ունի նոութբուքի տեսք, հագեցած է USB Type C-ով, microHDMI միացումով և ստերեոդինամիկներով: Desk Dock-ը կարղ է միանալ սմարթֆոնին կաբելի կամ Miracast ինտերֆեյսի միջոցով: Mobile Extender-ն առավել սովորական դոկ-կայան է, որն ընդլայնում է սմարթֆոնի հաղորդակցային հնարավորությունները: Արման Գասպարյան/ PanARMENIAN.Net Ամենաընթերցվողը բաժնում Ջեյմս Ուեբի աստղադիտարանը Տիեզերքի խորքային ուսումնասիրության ընթացքում խիստ անսովոր օբյեկտներ է գտնում Instigate Mobile-ը հանդես է գալիս նոր` zealous բրենդով Մեծ ադրոնային կոլայդերում սկսել են ռեկորդային էներգիայով մասնիկների բախումները Որոնք էին Summer Game Fest 2022-ի գլխավոր անոնսները Բաժնի այլ նյութերը Revolut-ը՝ ՀՀ-ում Արագ և անվճար դրամական փոխանցումներ՝ առանց «թաքնված» վճարների Վերջին սլոուփոքը Internet Explorer-ի «մահն» ու դրա հետևանքները Սոֆթը շատ, երկաթը՝ քիչ WWDC 2022-ին Apple-ի գլխավոր նորույթները | Համազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտում Տոնոյան․ Եթե երկրի ղեկավարը կախիչների որակը զննելու ժամանակ ունի, թող նաև հրթիռները «զննելու» ժամանակ գտնի Ըստ նրա, զննության արդյունքներով հօդս են ցնդել հրթիռներին տրված «անորակ», «անպիտան» և «ժամկետանց» որակումները Կիպրոսի Ներկայացուցիչների պալատը հարգել է Հայոց ցեղասպանության զոհերի հիշատակը Կուլիասը նշել է, որ ապրիլի 24-ին ոգեկոչվում է Հայոց ցեղասպանության «սև տարելիցը» Փաշինյանը ԵԱՀԿ ՄԽ Ֆրանսիայի համանախագահի հետ քննարկել է տարածաշրջանային հարցեր Քննարկվել են Հայաստան-Ֆրանսիա համագործակցության հետևողական զարգացմանը վերաբերող օրակարգային հարցեր |