Ով է հայոց պատմության դասագրքերում օգտագործված նկարների հեղինակըԱվստրիացի նկարչի հայկական մոտիվները Հայոց պատմության դպրոցական կամ բուհական դասագրքերում (հատկապես հին հրատարակությունների) տարածված են հին հայկական պատմական և առասպելական դեմքերին պատկերող թեմատիկ նկարներ, որոնք ճանաչելի են բոլորի կողմից, բայց հայտնի չէ, թե ով և երբ է ստեղծել դրանք։ 4 մայիսի 2016 PanARMENIAN.Net - Նման նկարներից մի քանիսին՝ իտալացի նկարիչների կողմից հայոց պատմության առաջին ամբողջական պատկերագրությանը, PanARMENIAN.Net ն արդեն անդրադարձել է։ Այժմ ներկայացնում ենք ավելի քան 100-ամյա վաղեմության նման նկարներ, որոնց հեղինակը նկարիչ ու գրքի նկարազարդող Յոզեֆ Ռոտտերն է։
Ծագումով ավստրիացի Յ․ Ռոտտերի կենսագրության մասին քիչ բան է հայտնի։ Ապրել է 19-րդ դ․ երկրորդ կեսին-20-րդ դ․ սկզբին։ Հայտնի է, որ նախորդ դարի սկզբին բնակություն է հաստատել Թիֆլիսում, համագործակցել տեղի մի շարք ամսագրերի հետ՝ ծաղրանկարներ, թեմատիկ նկարներ ու նկարազարդումներ կատարելով։ Մեծ վաստակ ունի հատկապես հայ մանկագրության ստեղծագործությունների նկարազարդման գործում։
Հայկ և Բել Հայտնի են հատկապես հայ նշանավոր ազգագրագետ, պատմաբան Ստեփան Լիսիցյանի խմբագրությամբ լույս տեսած «Հասկեր» մանկական պատկերազարդ ամսագրի (1905-1917) և Ստ․ Լիսիսցյանի, Հովհ․ Թումանյանի և Լևոն Շանթի խմբագրած «Լուսաբեր» մայրենի լեզվի դպրոցական դասագրքի համար Ռոտտերի կատարած նկարազարդումներ։
Արա Գեղեցիկ և Շամիրամ Ներկայացվող նկարներն արվել են, ամենայն հավանականությամբ, հենց այդ դասագրքերի համար և Ստեփան Լիսիցյանի անմիջական նախաձեռնությամբ ու ղեկավարությամբ։
Վահագնի ծնունդը Ռոտտերի այդ նկարները առաջին անգամ մեկ ամբողջական ալբոմով հրատարակվել են 1939 թ․Երևանում «Սասնա ծռեր» էպոսի 1000-ամյակի առիթով։ «Հին հայկական վիպասանքից և առասպելներից» խորագրով մեծադիր ալբոմում ներկայացված է 12 նկար։ Դրանք բոլորը ներկայացնում են Մովսես Խորենացու «Պատմություն հայոց»-ի համապատասխան հատվածներում ներկայացված պատմական ու առասպելական հերոսների կերպարները՝ Հայկ և Արամ նահապետներից սկսած մինչև Արտաշես ու Սաթենիկ, Արտավազդ արքա։
Արտաշես և Սաթենիկ Յուրաքանչյուր նկարին կից բերված են հերոսին կամ պատկերված իրադրությանը վերաբերող Խորենացու նշանավոր գրքից համապատասխան հատվածներ՝ գրաբար և աշխարհաբար տարբերակներով։
Արամ և Նյուքար Մադես Այդ նկարները, իրենց պատկերագրական արժեքով լինելով եզակի ու տպավորիչ դպրոցականների համար, հետագայում ևս շարունակ վերատպվել են դասագրքերում՝ սակայն ոչ միշտ է նշվել հեղինակի անունը։ Սամսոն Հովհաննիսյան/PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով Բաժնի այլ նյութերը Ռոբոտներ Դալին ու Մալին, դասական արվեստն ու ամսագիրը թերթելու հաճույքը Dalma Garden Mall-ի ծրագրերն ու շոփինգի մշակույթը Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով Սկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |