Պուլիցերյան լուսանկարներ«Միայնակ հրեա կինը» Պուլիցերյան մրցանակն ամենահեղինակավորն է համարվում ԱՄՆ լրագրության ոլորտում, այն շնորհվում է պատմությունը եզակի ձևով ներկայացնելու և մարդկային զգացմունքները լրատվության մեջ արտացոլելու համար: PanARMENIAN.Net-ը պատմում է լուսանկարների մասին, որոնք չեն ստում: 3 մարտի 2017 PanARMENIAN.Net - «Միայնակ հրեա կինը» կոչվող լուսանկարն արվել է 2006թ. փետրվարի 1-ին Ամոնում՝ Իսրայելի բաժանարար պատնեշի մոտ: Հեղինակն է Associated Press գործակալության ֆոտոլրագրող Օդեդ Բալիլթին: 2006-ին Իսրայելի կառավարությունը որոշում էր կայացրել, որ Ամոնն ապօրինի վերաբնակների ճամբար է և անկախ նրանից, նրանք Իսրայելի քաղաքացիներ են, թե ոչ, պետք է վտարվեն ճամբարից: 10.000 ոստիկանի կարգադրվել էր մարդկանց բռնի տարհանել այնտեղից:
© Oded Balilty Հրեա կանանցից մեկը մարտահրավեր է նետել ոստիկանների բանակին, որոնց այդտեղ էին գործուղել բողոքները կասեցնելու համար: Լուսանկարում երևում է, որ ոստիկանները փորձում են մի կողմ հրել կնոջը ճանապարհից, նրա հետևում գտնվող տներում պայթուցիկներ տեղադրելու համար: Ոստիկաններին հաջողվել է հրել նրան, և կինը հազիվ է փրկվել ոտնատակ լինելուց: Բալիլթին խոստովանել է, որ հրեա կինը շարունակում էր պայքարել նաև դրանից հետո, նա ոստիկանների հասցեին նզովքներ էր տեղում եբրայերենով: Քչերին է հայտնի, որ ֆոտոլրագրող Բալիլթին շատ տարիներ է անցկացրել Իսրայելում և Պաղեստինի տարածքներում՝ լուսաբանելով գործակալության համար այնտեղ կատարվող իրադարձությունները: Սակայն, բախումներից ու հակամարտությունից բացի, նա փաստագրել է նաև Թել Ավիվի փողոցների ու արվարձանների կյանքի ավելի հանգիստ ու թաքնված կողմերը: 2012-ի հունվարից Բալիլթին սկսում է աշխատել լուսանկարների էսսեի վրա՝ նվիրված ծայրահեղ արմատական համայնքներին, լուսանկարների շարք է անում ավանդական հրեական հարսանիքի, հասիդ րաբբիի հուղարկավորության և Պեսախ տոնին պատրաստվելու մասին:
© Oded Balilty Օդեդ Բալիլթին ծնվել է 1979-ին Երուսաղեմում: Ֆոտոլրագրության հիմունքները նա յուրացրել է, երբ աշխատում էր Իսրայելի ԶՈւ ամսագրում: Ավարտելով զինվորական ծառայությունը՝ նա սկսում է համագործակցել ZOOM 77 գործակալության և Yedioth Ahronot օրաթերթի հետ: 2002-ին՝ պաղեստինյան ինտիֆադայի ամենաթեժ շրջանում, Associated Press-ը վարձում է Բալիլթիին որպես Իսրայելում իր հաստիքային հեղինակ: Դրանից բացի Օդեդը լուսանկարել է 2004-ի ընտրություններն Ուկրաինայում և դրան հաջորդած ցույցերը, ֆոտոշարք է լուսանկարել նվիրված Չերնոբիլի ԱԷԿ-ի վթարի 20-ամյակին: Բալիլթին այն 12 լուսանկարիչներից մեկն է, որոնց 2005-ին ընտրել էին Ամստերդամում հեղինակավոր World Press Photo Joop Swart Masterclass-ի վարպետության դասին մասնակցելու համար: Բալիլթին ոչ միայն 2007թ. Պուլիցերյան մրցանակի դափնեկիր է, նրա մրցանակների թվում են նաև՝ World Press Photo-ն, Pictures of the Year International-ը, Atlanta Photojournalism-ը և Headliner Awards-ը: Ընթերցեք նաև. Պուլիցերյան լուսանկարներ. Կադրեր, որոնք չեն ստում Հասմիկ Վանցյան/PanARMENIAN.Net Ամենաընթերցվողը բաժնում Ի՞նչ է պլանավորում անել Netflix-ը՝ բաժանորդներին վերադարձնելու համար «Երեք շիշ գինի»՝ նոր ձևաչափ առանց սահմանների Վանդալիզմի զոհ դարձած արվեստի ամենահայտնի գործերը Գագոսյանի ճանապարհը՝ հոլիվուդյան ֆիլմի մոտիվներով Բաժնի այլ նյութերը Ռոբոտներ Դալին ու Մալին, դասական արվեստն ու ամսագիրը թերթելու հաճույքը Dalma Garden Mall-ի ծրագրերն ու շոփինգի մշակույթը Դեգան, Սարյանն ու Ուրարտուն Մշակութային յուրացում՝ մեծերի թեթև ձեռքով Սկանդալն Օսկարի երկրորդ անունն է Կինոաշխարհի ամենաքննարկվող մրցանակաբաշխության դեպքերն ու դեմքերը | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |