Ովքեր են Փաշինյանի կառավարության նորանշանակ անդամներըՄաս 2 Նախագահ Արմեն Սարգսյանի համապատասխան հրամանագրերով մայիսի 12-ին նոր նախարարներ են նշանակվել՝ համալրելով Կառավարության կազմը, որոնցից ոմանց անունները կարող են շատերին անծանոթ լինել։ 12 մայիսի 2018 PanARMENIAN.Net - PanARMENIAN.Net ն արդեն պատմել է մինչև այս նշանակված պաշտոնյաների մասին ու այժմ ներկայացնում է նորանշանակ նախարարներից մի քանիսի կարճ կենսագրությունը։
Մշակույթի նորանշանակ նախարար Լիլիթ Մակունցը 34 տարեկան է, ծնվել է Երևանում: 2003-ին ավարտել է ԵՊՀ ռոմանագերմանական բանասիրության ֆակուլտետը՝ բակալավրի աստիճանով, այնուհետև՝ 2005-ին նույն ֆակուլտետի մագիստրատուրան: 2014-ին ստացել է բանասիրական գիտությունների թեկնածուի կոչում: 2015-ի ամռանն անցել է դիպլոմավորված դասընթաց Ամերիկայի Թաֆթս համալսարանի Ֆլետչերի ամառային դպրոցի շրջանակում: 2005-ից մինչ օրս դասավանդում է Հայ-Ռուսական (Սլավոնական) համալսարանում: 2016-ից պայմանագրային հիմունքով աշխատում է Ամերիկյան խաղաղության կորպուսում: 2018-ի փետրվարին զաղեցրել է Սլավոնականի միջազգային կապերի և գործակցության բաժնի ղեկավարի պաշտոնը:
Առողջապահության նորանշանակ նախարար Արսեն Թորոսյանը 36 տարեկան է, ծնվել է Երևանում: 1998-2004թթ. ավարտել է Հերացու անվան պետ․բժշկական համալսարանի բուժական ֆակուլտետը բուժական գործ մասնագիտությամբ: 2004-2006թթ. ավարտել է ՀՀ ԱՆ Ս.Ավդալբեկյանի անվան առողջապահության ազգային ինստիտուտը սոցիալական հիգիենա և առողջապահության կազմակերպում մասնագիտությամբ, որտեղ էլ 2006-2009թթ. ուսումը շարունակել է ասպիրանտուրայում հանրային առողջություն ու առողջապահության կազմակերպում մասնագիտությամբ: 2004-2005թթ. եղել է «Իրական աշխարհ, իրական մարդիկ» ՀԿ, սոցիալական աշխատողների խմբի ղեկավար։ 2005-2010թթ. աշխատել է որպես ընտանեկան բժշկության և բուժօգնության որակի համակարգող «Առողջության առաջնային պահպանման բարեփոխումների ծրագրում»։ 2010-2011թթ. ԱՆ տուբերկուլոզի դեմ պայքարի ազգային կենտրոնում զբաղեցրել է մոնիտորինգի և գնահատման բաժնի վարիչի պաշտոնը։ 2011-2015թթ., 2016-2018թթ. ՄԻԲՍ բժշկա-ախտորոշիչ կենտրոնի տնօրենն էր։ 2015-2016թթ. ծառայել է ՀՀ զինված ուժերում, ունի լեյտենանտի կոչում:
Գյուղատնտեսության նախարարի պաշտոնում նշանակված ՀՅԴ-ական Արթուր Խաչատրյանը մինչև այս Շիրակի մարզպետն էր, նա 46 տարեկան է, ծնվել է Երևանում: 1994-ին ավարտել է ԵՊՀ-ն ֆիզիկոսի որակավորմամբ: 1996թ. ավարտել է Հայաստանի ամերիկյան համալսարանը՝ գործարար կառավարման մագիստրոսի կոչմամբ։ Նույն որակավորումը ստացել է 2001-ին՝ Լոնդոնի Իմփերիալ Քոլեջում: Ֆիզիկամաթեմատիկական գիտությունների թեկնածու է: 2016-2017թթ. աշխատել է ՀՀ տարածքային կառավարման և զարգացման նախարարությունում՝ որպես նախարարի տեղակալ: ՀՅԴ անդամ է 1991 թվականից:
Սոցապ նախարար Մանե Թանդիլյանը 40 տարեկան է, ծնվել է Ալավերդիում։ 1999թ. ավարտել է ԵՊՄՀ պատմական ֆակուլտետը՝ մանկավարժի բակալավրիատը: 2002-ին Ավարտել է Հայաստանի ամերիկյան համալսարանի Բիզնեսի կառավարման բաժինը՝ բիզնեսի կառավարման մագիստրոսի աստիճանով: 2016-ից ACCA անդամ է։ 2003-2004 թթ․ աշխատել է որպես ֆինանսական վերլուծաբան «Գառնի Ինվեստմենթ ընդ Դիվելոփմենթ»-ում, 2004-ին՝ հաշվապահ «Արարատ Գոլդ Ռիքավորի Քոմփանի»-ում։ 2004-2006 թթ․ աշխատել է գլխավոր հաշվապահ «Հովնանյան Ինտերնեյշնլ»-ում։ 2006-2008 թթ․ աշխատել է գլխավոր հաշվապահ «Մենթոր Գրաֆիկս Դիվելոփմենթ Սերվիսիս»-ում։ 2009-ից առ այսօր՝ ֆինանսական տնօրենի տեղակալ գլխավոր հաշվապահ «Սինոփսիս Արմենիա»-ում։ 2017-ի ԱԺ ընտրություններում ռեյտինգային ընտրակարգով ընտրվել էր պատգամավոր, նաև ԱԺ Ֆինանսավարկային և բյուջետային հարցերի մշտական հանձնաժողովի փոխնախագահն էր։ Թանդիլյանը նաև «Լուսավոր Հայաստան» կուսակցության փոխնախագահն է։
Արդարադատության նորանշանակ նախարար Արտակ Զեյնալյանը մինչև այս ԱԺ ԵԼՔ խմբակցության պատգամավոր էր։ Նա 49 տարեկան է, ծնվել է Երևանում։ 1990-1997թթ կամավոր մասնակցել է Հայաստանի և Արցախի սահմանների պաշտպանությանը՝ Նիկոլ-Դուման երկրապահ կամավորական ջոկատի կազմում, 1992-ին վիրավորվել է՝ կորցնելով ոտքը: 1998-2001թթ աշխատել է ՀՀ առողջապահության նախարարի տեղակալ, 2000-2001թթ ղեկավարել է «Ժողովրդագրական-Առողջապահական Հետազոտություն» ծրագիրը։ 2001-ից «Տանիք» իրավապաշտպան հասարակական կազմակերպության ու «Մարդու իրավունքների և հիմնարար ազատությունների պաշտպանության հասարակական խորհրդի» անդամ է, 2003-ից «Իրավաբաններն ընդդեմ խոշտանգման» իրավապաշտման ՀԿ անդամ: 2001-ից «Հանրապետություն» կուսակցության հիմնադիր անդամ է, քաղխորհրդի անդամ, կենտրոնական գրասենյակի աշխատակազմի ղեկավար: 2004-ին ԱՄՆ Պետդեպի «Միջազգային այցելուների» ծրագրի շրջանակում մասնակցել է ԱՄՆ Նախագահական ընտրարշավին։ 2010-ին նշանակվել է ՀՀ փաստաբանների պալատի Գիտավերլուծական կենտրոնի Սահմանադրական արդարադատության հարցերի հանձնաժողովի նախագահ: 2010-ից դասավանդում է Փաստաբանների դպրոցում և Փաստաբանների պալատում: 2011-ից «Իրավունքի գերակայություն» իրավապաշտման ՀԿ հիմնադիր/նախագահն է: 2016-ից «Ադրբեջանի Հանրապետության կողմից ռազմական միջամտության հետևանքով Արցախի և Հայաստանի քաղաքացիների իրավունքների պաշտպանություն» ծրագրի համակարգող է:
Բնապահպանության նախարար Էրիկ Գրիգորյանը39 տարեկան է, ծնվել է Կապանում: 1995-2000թթ. սովորել է Երևանի պետական տնտեսագիտական ինստիտուտի ընդհանուր տնտեսագիտական ֆակուլտետում,2004-2005թթ.՝ Հունաստանի Էգեյան համալսարանի բնապահպանական գիտությունների ֆակուլտետում, 2007-ին՝ Դրեզդենի տեխնիկական համալսարանում։ 2008-2009թթ. Հունաստանի ԱՏԵԻ և Արիստոտելի համալսարանում դոկտորական ուսում է ստացել շրջակա միջավայրի տնտեսագիտություն մասնագիտությամբ։ 2002-2009թթ. եղել է ՀՀ բնապահպանության նախարարության բնապահպանության և բնօգտագործման էկոնոմիկայի բաժնի առաջատար մասնագետ, 2009-ին՝ կառույցի էկոնոմիկայի վարչության շրջակա միջավայրի կառավարման տնտեսական մեխանիզմների և գործիքների բաժնի գլխավոր մասնագետ, 2009-2011թթ.՝ դրա էկոնոմիկայի վարչության միջազգային ծրագրերի կառավարման բաժնի պետ։ 2011-ին եղել է «Հյուսիս-հարավ» ճանապարհային միջանցքի ներդրումային ծրագրի իրականացման կազմակերպություն» ՊՈԱԿ-ի վերաբնակեցման մասնագետ։ 2011-2014թթ.-ԱՄՆ ՄԶԳ կողմից ֆինանսավորվող «Մաքուր էներգիա և ջուր» ծրագրի տնտեսագետ էր, 2011-2014թթ․՝ Գերմանիայի զարգացման բանկի կողմից ֆինանսավորվող «Անդրսահմանային միացյալ քարտուղարություն» պահպանվող տարածքների աջակցման ծրագրի հայաստանյան համակարգողը։ 2014-ին ԵՄ կողմից ֆինանսավորվող և Կենտրոնական Ասիայի բնապահպանական տարածաշրջանային կենտրոնի կողմից իրականացվող էկոհամակարգային ծառայությունների ծրագրի միջազգային փորձագետ էր, 2014-2015թթ.՝ ԱՄՆ ՄԶԳ կողմից ֆինանսավորվող «Մաքուր էներգիա և ջուր» ծրագրի ազգային խորհրդատու։ 2014-ին աշխատել է որպես Հայաստանի ամերիկյան համալսարանի շրջակա միջավայրի տնտեսագիտության գծով փորձագետ 2014-2015թթ-ին եղել է ՄԱԶԾ ազգային փորձագետ բնապահպանական տնտեսագիտության գծով,2015-2016թթ. Համաշխարհային բանկի կողմից ֆինանսավորվող, ՀՀ բնապահպանության նախարարության կողմից իրականացվող Հանքարդյունաբերության թափանցիկության բարձրացման ծրագրի ազգային փորձագետ։ 2015-ին ՄԱԶԾ բնապահպանական սատելիտային հաշիվների ներդրման տնտեսական բաղարիչի գծով փորձագետ էր, ինչպես նաև Կովկասի բնության հիմնադրամի բնության հատուկ պահպանվող տարածքների կառավարման համակարգի կատարելագործման գծով ազգային փորձագետ։ 2017-ի փետրվարի 22-ից՝ ՀՀ վարչապետի օգնական էր։
Ֆինանսների նախարար նշանակվածԱտոմ Ջանջուղազյանը 47 տարեկան է, ծնվել է Երևանում։ 1992-ին ավարտել է Երևանի պոլիտեխնիկական ինստիտուտը, 1995-ին՝ ՀՊՃՀ ասպիրանտական դպրոցի մագիստրատուրան։ Տեխնիկական գիտությունների թեկնածու։ 1991-1992 թթ. աշխատել է էկոնոմիկայի նախարարության Պլանավորման և կառավարման ավտոմատացված համակարգերի հայկական գիտահետազոտական ինստիտուտում՝ որպես տեխնիկ, 1992-1993 թթ.՝ որպես ինժեներ-ծրագրավորող։ 1993-1995 թթ. եղել է նախարարության ինֆորմացիոն համակարգերի բաժնի առաջին կարգի մասնագետ, առաջատար մասնագետ, ապա՝ գլխավոր մասնագետ։ Նախագծել ու մշակել է կապիտալ շինարարության և սեփականաշնորհման օբյեկտների, ձեռնարկատիրական գործունեության, արտահանման համար տրամադրվող լիցենզիաների, ինչպես նաեւ մի շարք այլ խնդիրների հետ կապված գործառույթների կանոնակարգման նպատակով տվյալների բազաների կառավարման ավտոմատացված համակարգերի առանձին ենթահամակարգեր։ 1995-1996 թթ. ՀՀ ֆինանսների նախարարության համակարգչային վերլուծության բաժնի գլխավոր մասնագետ էր, 1996-ին՝ դրամարկղային կառավարման վարչության հանրապետական բյուջեի դրամարկղային կառավարման բաժնի պետ։ 1996-1999 թթ. ՀՀ ֆինանսների նախարարության հաշվապահության վարչության պետն էր, 1999-ին՝ կառույցի տնտեսական ծրագրերի գլխավոր վարչության պետը։ 1999-ին նշանակվել է ֆինանսների նախարարի տեղակալ-գլխավոր գանձապետ, 2000-ին ֆինանսների և էկոնոմիկայի նախարարի տեղակալ-գլխավոր գանձապետ՝ ազատվելով ՀՀ ֆինանսների նախարարի տեղակալ-գլխավոր գանձապետի պաշտոնից։ 2008 թ. մայիսի 19-ին նշանակվել է ՀՀ ֆինանսների նախարարի տեղակալ-գլխավոր գանձապետ՝ ազատվելով նախորդ պաշտոնից:
ՀՅԴ անդամ, տնտեսական զարգացման և ներդրումների նախարար Արծվիկ Մինասյանը 46 տարեկան է։ 1995-ին ավարտել է ԵՊՀ տնտեսագիտության ֆակուլտետը, 1998-ին՝ ԵՊՀ ասպիրանտուրան։ 1997-1998թթ․ կարճաժամկետ ծրագրերով ուսումը շարունակել է Մոսկվայում, Վաշինգտոնում և Նյու Յորքում՝ մասնակցելով անցումային շրջանի տնտեսական վերափոխումների հիմնախնդիրներին նվիրված դասընթացներին: 2007-ին ԱԺ 4-րդ գումարման պատգամավոր է ընտրվել ՀՅԴ համամասնական ընտրացուցակով, եղել էԱԺ ֆինանսավարկային և բյուջետային հարցերի մշտական հանձնաժողովի նախագահի տեղակալ։ 2007-ի մայիսի 6-ին ընտրվել է ԱԺ 5-րդ գումարման պատգամավոր ՀՅԴ համամասնական ընտրացուցակով։ 2012-ին վերընտրվել է ԱԺ ֆինանսավարկային և բյուջետային հարցերի մշտական հանձնաժողովի նախագահի տեղակալ։ Պետական-իրավական հարցերի մշտական հանձնաժողովի և Տարածքային կառավարման և տեղական ինքնակառավարման հարցերի մշտական հանձնաժողովի անդամ է եղել։ 2005-ին նշանակվել է ՀՀ աշխատանքի և սոցիալական հարցերի նախարարի տեղակալ: Որպես ՀՀԿ-ՀՅԴ կուսակցությունների կոալիցիոն համագործակցության արդյունք՝ Արծվիկ Մինասյանը 2016-ին նշանակվել է ՀՀ էկոնոմիկայի նախարար: Ապա, 2016-ի սեպտեմբերի 27-ին նշանակվել է բնապահպանության նախարար։ Սպորտի և երիտասարդության հարցերով նորանշանակ նախարար Լևոն Վահրադյանը պաշտոնում փոխարինում է Հրաչյա Ռոստոմյանին, որը կառույցը ղեկավարում էր 2016-ի սեպտեմբերից ու այժմ էլ նախագահի նոր հրամանագրով ղեկավարելու է արտակարգ իրավիճակների նախարարությունը: Վահրադյանը մինչև այս սպորտի նախարարության մասսայական սպորտի և ֆիզիկական դաստիարակության քաղաքականության վարչության պետն էր:
Հրաչյա Ռոստոմյանը, ի դեպ, մանկավարժական գիտությունների թեկնածու է, 37 տարեկան: 2006-2008թթ․ դասախոսել է ԵՊԲՀ-ում, 2006–2009 թթ.՝ ԵՊԲՀ ֆիզդաստիարակության ամբիոնի լաբորանտ է եղել։ 2008–2009 թթ.՝ Կենտրոն համայնքի ավագանու անդամ էր,2006-ի մարտի 12-ից՝ ՀՀ բասկետբոլի ֆեդերացիայի նախագահ, 2010-ից՝ ՀԱՕԿ-ի գլխավոր քարտուղար։ 2012-ի հունիսի 16-ին նշանակվել է ՀՀ սպորտի և երիտասարդության հարցերի նախարար։ Տրանսպորտի, կապի և տեղեկատվական տեխնոլոգիաների նորանշանակ Նախարա Աշոտ Հակոբյանի կենսագրական տվյալներ հոդվածի հրապարակման պահին համացանցում չկային։ Կառավարության նոր կազմի մյուս անդամների մասին կարդացեք այստեղ Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |