Քո կլասիկ ցավը տանեմ, Կուշտունիցա, մարդ ա վատացել

Քո կլասիկ ցավը տանեմ, Կուշտունիցա, մարդ ա վատացել

Ինչ մեմեր մեզ մնացին 2018-ից

2018-ն իրադարձություններով այնքան հարուստ տարի էր, որ, ինչպես գրել էինք վերջերս, 1 տարի առաջ կոմայում եղած հայն արթնանալուց և բոլոր փոփոխությունների մասին իմանալուց հետո նորից կընկներ կոմայի մեջ: Բնականաբար ՀՀ կյնաքում տեղի ունեցող բոլոր իրադարձությունները բուռն արձագանք էին գտնում ոչ միայն հանրության, այլև հայ պաշտոնյաների, պետական այրերի և այլ՝ հասարակական կարծիք ձևավորող անհատների շրջանում:

PanARMENIAN.Net - Ամփոփելով տարին՝ PanARMENIAN.Net –ը հավաքել է 2018-ի ընթացքում հնչած ամենահետաքրքիր ու փայլուն մտքերը, որոնք քննարկումների առարկա են դարձել համացանցում, «ծնել» բազմաթիվ մեմեր ու կատակներ և իրենց տեղը գտել մարդկանց բառապաշարում՝ ստանալով նոր իմաստներ:

Տարին սկսեց նախկին ԱԺ պատգամավոր, ՀՀԿ-ական Գալուստ Սահակյանը, ինչպես միշտ, իր անկեղծ ոճով պատմելով «կոմունիստների ժամանակներից» և որդիների «բիզնեսային երևույթներից»:

2018-ի սկզբին ՀՖՖ նախագահ Ռուբեն Հայրապետյանը դեռ չէր պատկերացնում, որ «երկրում իրավիճակ կփոխվի», և վստահորեն ասում էր, որ չի պատրաստվում հրաժարական տալ, ու շարունակելու է ղեկավարել կառույցը:

Տարվա ամենաքննարկված իրադարձություններից էր Երևանի ավագանու փետրվարի 13-ի նիստը, երբ «Հանրապետական կուսակցություն» և «Երկիր Ծիրանի» խմբակցությունների անդամների միջև քաշքշուկ տեղի ունեցավ այն բանից հետո, երբ «Երկիր Ծիրանիի» անդամները նիստի դահլիճում Նուբարաշեն ՔԿՀ-ի կոյուղու ջրերը լցրեցին: Այդ ժամանակ հատկապես քննարկվեց ՀՀԿ-ական Գոռ Վարդանյանի կողմից կոյուղաջուրը գետնին թափած Մարինա Խաչատրյանին դահլիճից դուրս շպրտելու փաստը: Չնայած ինքը՝ Վարդանյանը համարում էր, որ ջենթլմենական քայլ է արել՝ օգնելով Խաչատրյանին «դուրս գալ դահլիճից»:

Որոշ ժամանակ անց Գոռ Վարդանյանը նաև այլ պարզաբանումներ է արել դեպքի առնչությամբ.

Դեպքն այնքան արտառոց էր, որ արձագանքել էին նույնիսկ ամենաքիչ խոսող քաղգործիչները, մասնավորապես՝ ՀՀԿ-ական նախկին պատգամավոր Առաքել Մովսիսյանը:

Արտահայտվել էր նաև ԱԳ փոխնախարար Շավարշ Քոչարյանը:

Տարվա ամենաքննարկված ու նշանակալից իրադարձությունը թավշյա հեղափոխությունն էր, որից հայությանը մնաց ոչ միայն նոր կառավարություն, այլև բազմաթիվ զվարժալի պատմություններ, աֆորիզմներ ու մեմեր:

Այսպես, Հանրապետության հրապարակում տեղի ունեցող բազմահազարանոց հանրահավաքներին երբեմն շնչելու օդ չէր լինում, ինչի հետևանքով շատ հաճախ վատանում էր ամբոխի մեջ կանգնած մարդկանց ինքնազգացողությունը, և այդ մասին հայտնում էին Նիկոլ Փաշինյանին: Նա էլ, իր հերթին, հայտարարում էր այդ մասին: Այժմ այս արտահայտությունն օգտագործվում է տարբեր իրավիճակներում:

Այդ օրերի ԱԺ նիստերն ամենադիտվածն էին ՀՀ պատմության մեջ:

Ապրիլի 22-ին «Արմենիա Մարիոթ» հյուրանոցում ԶԼՄ-ների ներկայությամբ տեղի ունեցավ ՀՀ նորընտիր վարչապետ Սերժ Սարգսյանի և ԱԺ ԵԼՔ խմբակցության պատգամավոր Նիկոլ Փաշինյանի հանդիպումը, որն ավարտվեց շատ արագ, բայց Փաշինյանը հասցրեց իր միտքը տեղ հասցնել:

Իսկ դրա հաջորդ օրը տեղի ունեցավ մի անսպասելի, իսկ ոմանց համար՝ գուցե սպասելի իրադարձություն. ՀՀ երրորդ նախագահ և նորընտիր վարչապետ Սերժ Սարգսյանը հրաժարական տվեց:

Հանրահավաքներին մասնակցած մարդկանց քանակի և Հանրապետության հրապարակի տարողունակության մասին Գալուստ Սահակյանն ուներ իր պատկերացումները:

Կարճ՝ այն մասին, որ ԲՀԿ առաջնորդ Գագիկ Ծառուկյանին ընդհատել չի կարելի, նույնիսկ եթե դա անում է «Բարգավաճ Հայաստան» կուսակցության պատգամավոր Նաիրա Զոհրաբյանը:

Նիկոլ Փաշինյանի՝ վարչապետ ընտրվելուց հետո նշանակվեցին նախարարները, հասարակության լայն շերտերում շատերի հետաքրքրությունը շարժեց Լիլիթ Մակունցը, որին քչերն էին ճանաչում:

Գագիկ Ծառուկյանը՝ մենաշնորհի մասին.

Լքելու և հեռանալու մասին.

Իսկ որոշ ժամանակ անց ԱԱԾ-ն սկսեց խուզարկումներ անցկացնել մի քանի հայտնի քաղաքական գործիչների տներում՝ երբեմն ներխուժելով, բայց երբեք չմոռանալով քաղաքավարության մասին:

Իսկ «քաղաքավարի ներխուժումից» 4 օր անց Մովսիսյանը ցանկություն հայտնեց «օրինական կյանքով» ապրելու:

Այնուհետև եկավ հուլիսը, ՀՀ երկրորդ նախագահ Ռոբերտ Քոչարյանին «մարտի 1-ի» գործով սահմանադրական կարգը բռնությամբ տապալելու մեղադրանք առաջադրվեց:

Չուշացավ նաև ՀՀԿ-ական Արմեն Աշոտյանի արձագանքը:

Օգոստոսի 29-ին կրթության և գիտության նախարար Արայիկ Հարությունյանը Արաբկիրի թիվ 130 դպրոցի տնօրեն Արմինե Հովհաննիսյանի անգլերենի գիտելիքներն էր ստուգում՝ առաջարկելով նրան կրկնել հայերեն հնչեցրած հարցն օտար լեզվով:

Իսկ սա Երևանի ավագանու ընտրություններից առաջ նախկին դերասան և ներկա քաղաքապետ Հայկ Մարությանի կողմից՝ «սևերի և սպիտակների երանգների» մասին:

Այս տարի շատ քննարկվեց նաև ԼԳԲՏ թեման:

«Ասֆալտին փռելու» և դրանից հաճույք չստանալու մասին․

Ռոբերտ Քոչարյանը բազմաթիվ հարցազրույցներ է տվել վերջին ամիսների ընթացքում, մեծ մասը՝ արտասահմանյան լրատվականներին, հիմնականում՝ ռուսական: Հասցրել է նաև մի քիչ սպառնալ Նիկոլ Փաշինյանին:

Մի քիչ՝ Քոչարյանի և ՌԴ նախագահ Վլադիմիր Պուտինի միջևքիմիայի մասին:

ՔՊ վարչության նախագահ Սասուն Միքայելյանի համար թավշյա հեղափոխությունը շատ կարևոր էր:

ԱԺ արտահերթ ընտրությունների քարոզարշավը տարվա հաջորդ հետաքրքիր և մեմերով լեցուն իրադարձությունն էր: Հիշարժան է հատկապես Անգլիայից ժամանած լորդերի և լորդուհիների փաստը:

Մի քիչ «խառը բաների» մասին՝ Գագիկ Ծառուկյանի կողմից:

Իսկ տարվա ամենա-ամենա աֆորիզմ կարելի է հռչակել մեծ բանավեճի ընթացքում ԲՀԿ առաջնորդի կողմից Էդմոն Մարուքյանին արված արտահայտությունը:

Անկախ սոցցանցերում օգտատերերի բողոքներից Երևանում երթևեկության անմխիթար վիճակի մասին, ոստիկանությունից հայտնում են, որ «վերահսկում են իրավիճակը»:

Յուլիաննա Լալաբեկովա / PanARMENIAN.Net
 Ամենաընթերցվողը բաժնում
Քթի միջնապատի վիրահատությունից հետո վնասվել են երիտասարդի ձայնալարերը
Ինչ եղավ Հոկտեմբերի 27-ի օրերին առանցքային մի քանի գործչի հետ
Արդվիում նոր ձևաչափի հյուրանոց կստեղծվի
Ինչ են ուզում երևանցիները «Ակտիվ քաղաքացի» հարթակից
 Ուշադրության կենտրոնում
Ավագանու անդամը նիստի էր եկել նորածին փոքրիկի հետ

Ավագանու անդամը նիստի էր եկել նորածին փոքրիկի հետ «Մանկաբույժն էլ եկավ՝ Սերգեյ Գերասիմովիչը»,- կատակել է քաղաքապետը

 Բաժնի այլ նյութերը
Սատանա կա քաղաքում Վհուկաորսը միջնադարյան Եվրոպայից մինչև մերօրյա Հայաստան
Սպանդից առաջ, սպանդից հետո Հայկական մամուլի շապիկները հոկտեմբերի 27-ի ու 28-ի առավոտյան
Կրակոցներ պետության ճակատին Հոկտեմբերի 27-ի ահաբեկչական ակտի 20-րդ տարելիցն է