 Թուրքիայի ներխուժումն Իրաք և Ադրբեջանի տեսած հնարավորությունն Արցախի և ՀՀ դեմԾրագրում են հայերին ահաբեկիչ ներկայացնել Թուրքիայի նոր ներխուժումն Իրաքի տարածք, որն արտասովոր չէ, նույնիսկ սովորական է ու պարբերական, իրարանցում է առաջացրել Ադրբեջանում։ Նախագահ Իլհամ Ալիևի վերահսկողությամբ գործող քաղաքագետներն ու լրագրողները բացեիբաց հայտարարում են, որ Թուրքիայի նախագահ Ռեջեփ Թայիփ Էրդողանի ներխուժումը կարելի է դարձնել նախադեպ և նույնն անել Հայաստանի տարածքի դեմ:  21 ապրիլի 2022PanARMENIAN.Net - Ադրբեջանի պետական հեռուստատեսության խմբագիր Ալիբեյլի Ազիզը, որը ֆեյսբուքում պարբերաբար գրառումներ է անում՝ մեկնաբանելով Հայաստանի դեմ Ալիևի այս ու այն քայլը, գրել է․ «Ապագայում մենք կկարողանանք Թուրքիայի հիմնավորումն օգտագործել Հայաստանի տարածքի ներսում գործողությունների համար»։ Թուրքիան իր ներխուժումը հիմնավորում է՝ այն անվանելով հակաահաբեկչական գործողություն։ Ալիևի ոգևորված լրագրողները հայտարարում են, թե պետք է սկսել Արցախից։ Պաշտպանության բանակը մինչև այս անվանում էին անօրինական զինված կազմավորում, հիմա նույնիսկ ընդդիմադիր Մուսավաթ թերթը փոխում է ձևարեկպումը՝ ՊԲ-ն անվանելով ահաբեկչական խմբավորում․ «Հյուսիսային Իրաքում ահաբեկիչների և Ղարաբաղի անօրինական զինված խմբավորումների միջև տարբերություն չկա»: Ալիևի վերլուծաբանները հայտարարում են, թե Ադրբեջանի խաղաղության առաջարկը միշտ չի մնալու սեղանին և Թուրքիայի ներխուժումն օրինակ է, թե ինչպես պետք է խոսել միջազգային հանրության հետ, երբ գա ուժ կիրառելու ժամանակը: Կանեն ինչ ցանկանում են՝ անունը դնելով հակաահաբեկչական գործողություն: Ալիևի կուսակցությունից մեջլիսի պատգամավոր Հիքմեթ Մամադովը համադրում է Հայաստանի ներքաղաքական զարգացումները և հայկական վերահսկողության տակ մնացած Արցախի դեմ Բաքվի ծրագրերը․ «Հայ ահաբեկիչներին և անջատողականներին ավելի արմատական դառնալ մղում է այն, որ Ղարաբաղում հակաահաբեկչական գործողությունները միանգամայն հնարավոր են»: Ադրբեջանի վերլուծական իշխանամետ շրջանակներն ավելի հեռուն գնացող հայտարարություններ էլ են անում: Քաղաքագետ-լրագրող ներկայացող Ռուսլան Բեշիրլին Ալիևների վերահսկողությամբ գործող մեդիահարթակի եթերում ամբողջ պատասխանատվությամբ հայտարարել է, թե պետք է տարբերակել քրդերին ու Քրդական աշխատավորական կուսակցությունը (PKK), որի դեմ Թուրքիան հիմա պայքարում է: Ահաբեկչական հայտարարված այդ կուսակցությունը, ըստ Բեշիրլիի, հայկական պրոյեկտ է․ «Դրա ներսում շատ լուրջ հայկական գործոն կա։ Դրա մասին պետք է խոսենք։ Նրանց բոլորը քուրդ են ասում, բայց իրականում հայ են»։ Սովորական ապատեկեղակտվություն լինելուց բացի խեղաթյուրված այսպիսի տեղեկությունները Հայաստանի համար ստեղծում են թուրք-ադրբեջանական լրացուցիչ ռիսկեր: Անի Ավետյան  Ամենաընթերցվողը բաժնում Հայեր և Հայաստան Դադիվանքի նոր աղոթողների անցյալը Ռուբինյանը և Քըլըչը բանակցել են 3.5 ժամ «Հայաստանը և Իրանը Ադրբեջանի տարածք են»    Ուշադրության կենտրոնում Բաժնի այլ նյութերըԷլ չենք տեսնի Արցախում  Պատմամշակութային վայրեր, որոնք անցնում են Ադրբեջանի հսկողության տակԸնթերցասերները՝ հանուն Ղարաբաղի Ինչպես են Մոսկվայի հայերը վաճառում իրենց գրքերը՝ օգնելու արցախցիներինԵրբ Արցախում տանկերն են թխում Թիկունքի կամավորների փորձն ու գործը |  Այլ հոդվածներ Վերջին լուրեր Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման»Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրովԱդրբեջանում ևս մեկ լրագրող է ձերբակալվել Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանըCFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականին |
