«Փյունիկն» երկրորդ տարին անընդմեջ դառնում է Հայաստանի ֆուտբոլի գավաթակիրը

PanARMENIAN.Net - Երկրորդ խաղակեսում «Փյունիկը» վաստակեց ևս մեկ գոլ, կրկնակի գոլի հեղինակ դարձավ Գևորգ Ղազարյանը: «Փյունիկը» երկրորդ տարին շարունակ դարձավ Հայաստանի գավաթակիր: Իսկ հաղթողների մարզիչ Վարդան Մինասյանը կարծում է, որ խաղը հեշտ չէր: «Չնայած նրան, որ մենք առաջատար էինք, մինչև խաղի վերջ շատ լարված էինք: Այսօր մեզ մոտ ամեն ինչ ստացվեց, և ես շնորհավորում են բոլոր ֆուտբոլիստներին և երկրպագուներին»,- ավելացրել է Մինասյանը: «Փյունիկի» պաշտպան Վահագն Մինասյանը կարծում է, որ 2010-ի եզրափակիչը տարբերվում էր նախկիններից, քանի որ ինտրիգները և հետաքրքրությունները շատ էին. «Մենք շատ լավ էինք պատրաստվել, ջանասիրաբար մարզվել և հասանք ցանկալի արդյունքի»: Հայաստանի հավաքականի գլխավոր մարզիչը մայիսի 20-ին Էստոնիայում կհետևի ՀՀ երիտասարդական հավաքականի խաղին, որը տեղի կունենա 2011թ.Եվրոպայի առաջնության ընտրական խաղերի շրջանակներում: «Ես կընտրեմ մի քանի երիտասարդ ֆուտբոլիստի, որոնք մայիսի 25-ին Երևանում կխաղան Ուզբեկստանի հավաքականի հետ ընկերական խաղում»,-ասել է Մինասյանը: Հայաստանի երիտասարդական հավաքականը կանցկացնի ուսումնամարզական հավաք, որի ընթացքում կնախապատրաստվի Էստոնիայի հավաքականի հետ Եվրոպայի երիտասարդական առաջնության ընտրական հանդիպմանը: Հայաստանի հավաքականի մարզչական շտաբը` Ֆլեմինգ Սերիցլևը հրապարակեց հավաքականի կազմը: Դոնեցկի «Մետալուրգի> գլխավոր մարզիչ Ն.Կոստովը PanARMENIAN.Net ի թղթակցի հետ զրույցում ասել է, որ թիմի կազմում հանդես եկող հայ ֆուտբոլիստներ Հենրիկ Մխիթարյանն ու Արտակ Դաշյանը լավ խաղ ցույց տվեցին: «Հենրիկի մոտ լավ է ստացվում թիմային խաղը: Արտակը ևս արդեն մերվել է թիմի հետ: Վերջին խաղում նա ևս լավ դրսևորեց իրեն>,-ասել է Կոստովը: Թենիս. Հունաստանում շարունակվում է Դևիսի գավաթի եվրոաֆրիկյան գոտու 3-րդ ենթախմբի տղամարդկանց թիմային առաջնությունը: Հայ թենիսիստներն անցկացրել են 2 խաղ: Առաջինում պարտվել են Չերնոգորիայի հավաքականին 0:3 հաշվով, այնուհետև հաղթել Սան-Մարինոյի հավաքականին նույն հաշվով:

Հարություն Սոֆյանը հաղթեց Ալբերտո Բրիգիին (6:4, 6:2), իսկ Աշոտ Գևորգյանը` Դիեգո Զոնզինիին (6:2, 5:7, 6:2): Իսկ զուգախաղում Սոֆյանն ու Խաչատուր Խաչատրյանը 7:5, 7:6 հաշվով հաղթեցին Բրիգի-Զոնզինի խմբին:

Իսկ Դավիթ Նալբանդյանը չի մասնակցի Mutua Madrilena Madrid Open-2010 մրացաշարին ոտքի վնասվածքի պատճառով:

Բռնցքամարտ. Ի սկզբանե օգոստոսի 21-ին նշանակված Արթուր Աբրահամի (Գերմանիա) և բրիտանացի Կառլ Ֆրոչի միջև «Super Six Boxing Classic» մրցաշարի մենամարտը տեղափոխվել է սեպտեմբեր: Մարտը տեղափոխվել է Ֆրոչի աչքի և ականջի վնասվածքների պատճառով, որոնք նա ստացել է Միկկել Քեսլերի հետ մենամարտում (Դանիա): Աբրահամի և Ֆրոչի միջև տարաձայնություններ կան մարտն անցկացնելու վայրի շուրջ: Ֆրոչը պնդում է, որ մարտը տեղի կունենա Նոթինգհեմի ֆուտբոլային մարզադաշտում, իսկ Աբրահամը ցանկանում է բրիտանացու հետ հանդիպել Գերմանիայում: Աբրահամի կողմն առաջարկել էր, որպեսզի մարտը տեղի ունենա չեզոք տարածքում` Շվեյցարիայում, սակայն քիչ հավանական է, որ Ֆրոչը համաձայնվի դրան: Առաջին գերթեթև քաշային կարգույմ WBC և WBA վարկածներով աշխարհի չեմպիոն, հայ բռնցքամարտիկ Վիկ Դարչինյանը մայիսի 20-ին իր հերթական մենամարտը կանցկացնի, նրա մրցակիցն է ֆիլիպինցի Էրիկ Բարսելոնան, իսկ մենամարտը կանցնի Պարամատտայում: Մինչ մենամարտը տեղի կունենա IBO վարկածով աշխարհի չեմպիոնի թափուր գոտու համար մենամարտը: Նախկինում արդեն հացորդվել է, որ Դարչինյանի մրցակիցն է Ռիչարդ Գարսիան և մենամարտը կայանալու է Սիդնեյում, կրկին մայիսի 20-ին: Երևանի օլիմպիական հերթափոխի քոլեջում մայիսի 13-ին մեկնարկեց Հայաստանի բռնցքամարտի պատանեկան առաջնությունը, որին մասնկցում է 170 մարզիկ Հայաստանի բոլոր մարզերից: Մայիսի 16-ին տեղի կունենան առաջնության եզրափակիչ մենամարտերը: «Առաջնությունից հետո կձևավորվի հավաքականը, որին կանդամակցեն ուժեղագույն բռնցքամարտիկներ: Հուլիսի 19-25 հավաքականը Յամբուրգում կմասնակցի Եվրոպայի առաջնությանը»,-ասել է ՀՀ բռնցքամարտի պատանեկան հավաքականի ավագ մարզիչ Արման Հարությունյանը PanARMENIAN.Net ի թղթակցին:

Շախմատ.Մայիսի 7-ին Նալչիկում ավարտվել է կանանց Գրան պրիի երրորդ փուլը, որին մասնակցում էին 12 շախմատիստուհիներ: Հայաստանը ներկայացնող Լիլիթ Մկրտչյանը և Էլինա Դանիելյանը վերջին տուրում անհաջող են հանդես եկել: Երկու շախմատիստուհիներն էլ 11 –րդ տուրում զիջել են ռուս շախմատիստուհիներին. Մկրտչյանը պարտվել է Տատյանա Կոսինցևային, իսկ Դանիելյանը` Բաիրա Կովանովային: Մկրտչյանը Գրան պրիում զբաղեցնում է 9-րդ, իսկ Դանիելյանը` 12-րդ տեղը: Մրցաշարի հաղթողն է Տատյանա Կոսինցևան: Աստրախանում (ՌԴ) մայիսի 13-ին տեղի ունեցավ տղամարդկանց Գրան պրիի վերջին փուլի 4-րդ տուրը: Հայ գրոսմայստեր Վլադիմիր Հակոբյանը 3-րդ տուրում սպիտակներով ոչ ոքի խաղաց Պյոտր Սվիդլերի հետ: Հայ շախմատիստը 11-րդ տեղում է 1 միավորով:

Գրոսմայստերներ Վարուժան Հակոբյանը, Մելիքսեթ Խաչիյանը և միջազգային վարպետ Լևոն Ալթունյանը մայիսի 14-25-ին Սենտ Լուիսում կմասնակցի ԱՄՆ շախմատի առաջնությանը: «Հայաստան» Հ. Մ. կենտրոնի նախաձեռնությամբ, կենտրոնի սրահում, մայիսի 4-ին և 6-ին անցկացվեց Շուշիի ազատագրման 16-րդ ամյակին նվիրված շախմատային մրցաշար: Հետաքրքիր և լարված մթնոլորտում անցած հանդիպումների արդյունքում հաղթող ճանանչվեցին Կյուլումյան Գևորգը, Թումանյան Հակոբը, Թիֆթիկչյան Գրիգորն ու Աճեմյան Վահեն: Օգոստոսի 15-26-ը Սինգապուրում անցկացվելիք պատանեկան օլիմպիական առաջին խաղերի հայաստանցի մասնակիցների թիվն ավելացավ ևս մեկով: Հրաձգության միջազգային ֆեդերացիան տեղ է հատկացրել երևանցի 18-ամյա Ռոմիկ Վարդումյանին (ատրճանակ): Նա մրցումային որոշակի փորձ ունի, մասնակցել է աշխարհի, Եվրոպայի պատանեկան և երիտասարդական առաջնություններին և տեղ է զբաղեցրել մրցաշարային աղյուսակների միջին հորիզոնականներում: Հիշեցնենք,որ Սինգապուր կմեկնեն նաև երկու ծանրորդ, մեկական ձյուդոիստ և մարմնամարզիկ: