  Երևանի կանգառների «էվոլյուցիան»` համասեռամոլներից մինչև էլեկտրոնային վահանակներԻնչպե՞ս լինել «հայեցի ու հայրենասեր», ինչպե՞ս պայքարել ՀՀՇ-ի ու համասեռամոլների դեմ. կարդացե՛ք Երևանի կանգառներում Երևանի քաղաքացիներն ու զբոսաշրջիկները, հայտնվելով անծանոթ փողոցի անծանոթ կանգառում, հաճախ չեն կարողանում հասկանալ՝ որ երթուղայիններն են այդ հատվածով անցնում և որն ուր է գնում։ Այնինչ քաղաքակիրթ երկրներում սա շատ վաղուց այլևս խնդիր չէ։Մի քանի տարի առաջ Երևանի կանգառներում տեղադրվեցին անցնող երթուղայինների համարներով ցուցանակներ։ Սակայն տեղադրումից մի քանի շաբաթ անց ցուցանակներն ամբողջովին պատված էին անհասկանալի, հաճախ անհեթեթ հայտարարություններով։ Կանգառներում մարդիկ ավելի շուտ կարող են իմանալ՝ որտեղ ինչ բնակարան է վաճառվում, ինչպես լինել «հայեցի ու հայրենասեր», ինչպես պայքարել ՀՀՇ-ի ու համասեռամոլների դեմ՝ մոռանալով ցուցանակի սկզբնական դերի մասին։ Այսքանից հետո բնական է, որ ամենուր ականատես ենք լինում շատ ծանոթ մի երևույթի, երբ մոտենում ու հարցնում են՝ «Ապեր, 82 համարը ստեղով անցնո՞ւմ ա» կամ «Հոպար, Ավան հասնո՞ւմ ես»։   19 սեպտեմբերի 2011PanARMENIAN.Net - Իսկ քաղաքապետարանը երևույթի դեմ պայքարում չունի լծակներ, քանի որ կանգառասրահներում կամ կանգառանշանների վրա հայտարարություններ փակցնելու համար որևէ տույժ կամ տուգանք չի նախատեսվում, իսկ նրանց սարքին լինելու և մաքրության համար պատասխանատվությունը կրում է «Երևանտրանս» ՓԲԸ-ն։ Հուրախություն բոլորի, իրավիճակը սկսել է կամաց-կամաց շտկվել։ Վերջին մի քանի օրերի ընթացքում մաքրել են Կենտրոն վարչական շրջանի կանգառանշանները։ Հուսանք, որ հերթը ծայրամասերին էլ կհասնի։ Բացի այդ, Երևանի քաղաքապետարանը սկսել է կանգառասրահներում էլեկտրոնային վահանակներ տեղադրելու պիլոտային փուլը։ Դրանք կապվելու են ավտոբուսներում տեղադրված GPS համակարգին՝ կատարելով երթուղու շարժակազմի ժամանմանը մնացած րոպեների մոտավոր հաշվարկ, որը տեսանելի կլինի վահանակի վրա երեք տողով՝ յուրաքանչյուրում մեկական երթուղի։ Էլեկտրոնային վահանակների տեղադրման ծրագիրն իրականացնող «Երևան քաղաքի կառավարման տեխնոլոգիաների կենտրոն»-ի ծրագրերի ներդրման և սպասարկման մասնագետ Էդգար Հարությունյանը տեղեկացրել է PanARMENIAN.Net ի թղթակցին, որ հաջող արդյունքների դեպքում ծրագիրը նախատեսվում է ներդնել Երևանի բոլոր 300-ից ավելի կանգառասրահներում։ Նախատեսված է նաև վահանակների անվտանգության ապահովումը. վահանակները տեղադրվելու են մարդու հասակից բարձր և հսկվելու են կանգառասրահներում տեղադրված տեսախցիկներով։ Դեռևս հստակ ժամկետներ չկան, թե երբ կավարտվի պիլոտային փուլը և երբ կսկսվի ծրագրի ամբողջական իրականացումը, ինչը կապված է նոյեմբերին մայրաքաղաք ներկրվող նոր ավտոբուսների առաջին խմբաքանակի՝ 66 ավտոբուսի հետ։ Առայժմ ծրագիրը միայն ավտոբուսների համար է նախատեսված, սակայն, հավանաբար, ամբողջական իրականացման ժամանակ երթուղայինները նույնպես կներառվեն։ Ըստ Էդգար Հարությունյանի՝ կա մեկ այլ գաղափար՝ կանգառներում երթուղայինների մասին եվրոպական չափորոշիչներին համապատասխան երթուղիների մասին տեղեկատվությամբ ցանկերի տեղադրում։ Սակայն սա միայն գաղափար է, և առայժմ գործնական քայլեր չեն արվում։ Գաղափարի իրականացումը, եթե իհարկե իրականացվի, կօգնի կողմնորոշվել թե զբոսաշրջիկներին, թե երևանցիներին։ Քաղաքապետարանը նախատեսում է 50 տոկոսով կրճատել շահագործվող միկրոավտոբուսների թիվը Քրիստինե Քյուրքլյան, Լուսինե Պառավյան / PanARMENIAN News  Ամենաընթերցվողը բաժնում Մաս I. Ինչու և ինչպես որոշվեց կառուցել Եղեռնի զոհերին նվիրված հուշահամալիրը Մաս II. Եղեռնի զոհերին նվիրված հուշահամալիրի կառուցումն ու բացումը Կամա, թե ակամա հարց է ծագում՝ արդյո՞ք այս երկու սպանությունները կապված չեն միմյանց հետ Ի՞նչ է պահանջում լրագրողական էթիկան, և, ի վերջո, ի՞նչ են մտածում հենց իրենք՝ առաջադրվող լրագրողները    Ուշադրության կենտրոնում Բաժնի այլ նյութերըԿովկասյան Միներալնիե Վոդի՝ «հայկական կղզյակ» Հյուսիսային Կովկասում  Պյատիգորսկի, Կիսլովոդսկի հայ համայնքներն ամենառաջիններից են Ռուսաստանի հարավում՝ սկսելով ձևավորվելով դեռ 20-րդ դարի 80-ականների վերջինԵրևանի բոլոր բակերը մաքուր կլինեն միայն մարտի կեսերի՞ն Համատիրություններն ու վարչական շրջանների կոմունալ ծառայությունները միահամուռ պնդում են՝ «աշխատում ենք մեզ չխնայելով»Թեղուտ՝ հայացք մյուս կողմից Մի կողմից, իհարկե, ափսոս է Թեղուտը, մյուս կողմից հասկանում ես, որ «Վալեքս գրուփ» ընկերությունն իր կողմից ճիշտ է և գործում է օրենքին համաձայն |  Այլ հոդվածներ Վերջին լուրեր Կաննի կինոփառատոն, 6-րդ օր. Տրանս, սիրառատ ֆավորիտներ և երեք Աննաներ Համաձայն Le Film francais ամսագրի նոր վարկանիշի, ֆրանսիացի կինոռեժիսոր Ժակ Օդիարի «Ժանգ և ոսկոր» ֆիլմը առաջին հորիզոնականը զիջել է ավստրիացի Միյխաել Հաննեքի «Սեր» ֆիլմինՈստիկանությունը ցրեց «Բազմազանության» շքերթի հակառակորդներին Փոխարենը DIY-ի պաշտպանների դեմ է դուրս եկել մի բնակչուհի«Բազմազանության» շքերթի հակառակորդները փակել են DIY-ի մուտքը, և կոտրում են մնացած շշերը Ակտիվիստների խոսքով սա պատասխան ակցիա է«Բազմազանության» շքերթինԹբիլիսին հերքում է տեղեկություններն այն մասին, որ Վրաստանն ու ԱՄՆ բանակցում են իրանական պատժամիջոցների վերաբերյալ Վրաստանի ԱԳ փոխնախարարի խոսքով, Վրաստանն, ընդհանուր առմամբ, կողմ է ՄԱԿ-ի կողմից ընդունված բանձևին, և հետևողականորեն իրականացնում է այն |
