Հայաստանում զբոսաշրջության ոլորտում 2011-ի 10 ամիսների արդյունքով գրանցվել է 13,5 տոկոս աճ: Միաժամանակ սպասվում է, որ մինչև տարեվերջ այցելությունների քանակը կգերազանցի 800 հազար մարդը: Պետք է նշել, որ զբոսաշրջության ոլորտը Հայաստանի տնտեսության սակավաթիվ ոլորտներից է, որտեղ ճգնաժամի շրջանում չի արձանագրվել անկում: Ուստի այս տարի նկատվում են աճի կայուն տեմպեր դրական հիմքի վրա: Ավելին, երկրի իշխանություններն իրենց առջև խնդիր են դրել առաջիկա 2-3 տարիների ընթացքում հատել 1 մլն զբոսաշրջիկ խորհրդանշական շեմը: Ինչպես հավաստիացրել է այսօր Հայաստանի էկոնոմիկայի նախարար Տիգրան Դավթյանը, դրա համար երկրում ստեղծվում են բոլոր նախադրյալները, մասնավորապես, համապատասխան ենթակառուցվածքների ստեղծման գծով. դա Հայաստանում «Զվարթնոց» օդանավակայանի նոր տերմինալի ստեղծումն է, Հայաստանում համաշխարհային հյուրանոցային ապրանքանիշերի ներկայությունը և ևս երեքին ներգրավելու աշխատանքները, վերանորոգվող ճանապարհները, ծառայությունների որակի բարձրացումը և այլ միջոցառումներ:

Հայաստանում կոշիկի արտադրության և իրացման ոլորտը գտնվում է պետական վերահսկողությունից դուրս: Կոշիկի շուկայում արտադրանքի մեծ մասը ներկրված է, իսկ տեղի կոշիկ արտադրողները հիմնականում աշխատում են ընդհատակյա, առանց գրանցման: Ամեն օր Հայաստան են ներկրվում կոշիկի չինական, թուրքական, կորեական արտադրության հսկայական ծավալներ, և սահմանին ոչ ոք չի ստուգում, թե ինչ կաշվից է կարված կոշիկը՝ բնական, թե արհեստական: Ներկրողները կարող են բերել թունավոր նյութերից կարված կոշիկ՝ ուղղակի չիմանալով այդ մասին և անարգել վաճառել այն Հայաստանում:

Այս շաբաթը բավական պասիվ սկսվեց, ինչպես անցյալ շաբաթվա երկրորդ կեսը: Կարևոր տվյալների բացակայության պատճառով, շուկայի ուղղությունը հիմնականում սահմանվում էր եվրոպական երկրների նորություններով, ասվում է Forex Club-ի վերլուծական հոդվածում:

Տնտեսագետների մտավախությունները, կապված համաշխարհային ճգնաժամի երկրորդ ալիքի հայտնվելու հետ, ավելի են շատանում: Եվրոպայում վրա հասած ճգնաժամը, անկասկած, շատ լուրջ է, և դրա հաղթահարման համար բացարձակ լուծումներ չկան: 2012-ն այնքան էլ բարենպաստ տարի չի լինի համաշխարհային տնտեսության զարգացման համար: Մտավախություններ կան Իտալիայի, Պորտուգալիայի և մի քանի այլ եվրոպական երկրների համար, որոնց սպառնում է Հունաստանի դեֆոլտի ճակատագիրը: Քաղաքական գործիչներն այս իրավիճակից դուրս գալու ուղիների որոնման մեջ են, սակայն համաշխարհային զարգացումներն անկանխատեսելի են, իսկ շուկաները՝ զգայուն:

Նոյեմբերի 1-ին Հայաստանի Ազգային Ժողովի հանձնաժողովների համատեղ նիստում տեղի ունեցավ 2012թ. պետբյուջեի նախագծի նախնական քննարկումը: Ներկայացնելով հանրապետության հիմնարար փաստաթուղթը` կառավարության ղեկավար Տիգրան Սարգսյանը նշել է, 2012-ի պետբյուջեի փաթեթը ենթադրում է անցում կայունացումից դեպի տնտեսական աճ։ Նախատեսվում է աջակցություն փոքր և միջին ձեռնարկատիրություններին, արտահանման խթանում, արդյունաբերության, գյուղատնտեսության, ինչպես նաև ենթակառուցվածքների զարգացում։

Վերջին տասնամյակում հայտնվել է «դասական» բնական գազի նոր մրցակից՝ թերթաքարային գազ, որի տնտեսական և քաղաքական հեռանկարների վերաբերյալ բանավեճերն արդի են նաև հիմա։

Եվրագոտու տնտեսության հոկտեմբերյան տվյալները մեծ ազդեցություն չթողեցին նրա ընհանուր իրավիճակի վրա: Համաշխարհային ֆինանսական շուկաների մասնակիցների ուշադրության կենտրոնում ոչ թե մակրոտնտեսական վիճակագրությունն էր, այլ Հունաստանի պարտքային խնդիրները և դրանց հնարավոր հետևանքները ֆինանսական սեկտորի կայունության վրա: Այս մասին ասվում է Forex Club-ի վերլուծության մեջ: Տվյալ խնդիրը ներկայումս որոշիչ դեր է խաղում տարածաշրջանի մակրոտնտեսական կայունության համար:

Առևտրի ազատ գոտու մասին պայմանագիրը կնպաստի ԱՊՀ երկրների հետ Հայաստանի ապրանքաշրջանառության ավելացմանը։ Պայմանագիրն, անկասկած, քայլ առաջ է ԱՊՀ երկրների համար, քանի որ առևտուրը կընթանա միասնական կանոններով, ԱՀԿ դրույթներով: Բուն պայմանագիրը հնարավորություն է տալիս ունենալ միասնական իրավապայմանագրային հարթակ առևտրի ոլորտում համագործակցելու համար։ Հայաստանի համար այդ պայմանագիրը ԱՊՀ երկրների հետ առևտուր անելու հնարավարությունների արձանագրում է՝ Հայաստանի ապրանքաշրջանառության 1/3-ը բաժին է ընկնում ԱՊՀ երկրներին:

Ընթացիկ առևտրային շաբաթվա ընթացքում միասնական եվրոպական արժույթը զգալիորեն ամրապնդեց իր դիրքերը: Միևնույն ժամանակ աճ գրանցվեց ԱՄՆ դոլարի այլ մրցակիցների` շվեյցարական ֆրանկի և բրիտանական ֆունտի մոտ, իսկ ճապոնական յենը, ինչպես և սպասվում էր, արժեզրկվեց «կանաչի» նկատմամբ: Այս մասին ասվում է Forex շուկայի շաբաթական վերլուծության մեջ:

2011-ի օգոստոսի դրությամբ Հայաստանում գյուղատնտեսության արտադրանքի համախառն արդյունքը կազմել է 131,5 մլրդ դրամ, ինչը 62 տոկոսով ավել է 2010-ի նույն շրջանից: Այդ մասին հաղորդել է Հայաստանի գյուղատնտեսության նախարար Սերգո Կարապետյանը: Ոլորտի ձեռքբերումների շարքում նախարարը հատուկ նշել է հացահատիկի արտադրությունը, ինչը գյուղնախարարության կողմից մշակված և կառավարության կողմից հավանության արժանացած 2010-2014թթ. երկրում սերմնաբուծության զարգացման ծրագրի իրագործման արդյունքն է: Նա հիշեցրել է, որ անցյալ տարի ՌԴ-ից Հայաստան է բերվել 950 տոննա ցորենի բարձրակարգ սերմ, իսկ 2011-ի սեպտեմբերիn` լրացուցիչ 1150 տոննա, որոնք արդեն բաժանվել են ֆերմերային տնտեսություններին: