«ԲետԷլՏրանս» ընկերությունը քննարկում է Հարավկովկասյան երկաթուղու հետ համագործակցության հեռանկարները13 մարտի 2009 - 22:10 AMT PanARMENIAN.Net - Մարտի 13-ին, տեղի ունեցավ «Ռուսական երկաթուղիներ» ԲԲԸ դուստր ձեռնարկության «ԲետԷլՏրանս» ԲԲԸ ներկայացուցիչների այցը «Հարավկովկասյան երկաթուղի» ՓԲԸ` Անատոլի Պոպովի գլխավորությամբ: Ինչպես հաղորդում է «Հարավկովկասյան երկաթուղի» ՓԲԸ-ի մամլո ծառայությունը, հանդիպման ընթացքում քննարկվեցին երկու ընկերությունների միջեւ համագործակցության հիմնական ուղղությունները: «ԲետԷլՏրանս» ԲԲԸ մասնագիտանում է երկաթբետոնե կոճերի արտադրության մեջ, որոնց հիմնական սպառողը հանդիսանում է «Ռուսական երկաթուղիներ» ԲԲԸ: Ընկերությունների միջեւ քննարկվեց Ռուսաստանից` Հարավկովկասյան երկաթուղի երկաթբետոնե արտադրանքի /կոճեր, չորսուներ եւ այլն/ առաքման հարցը:Ընկերության գլխավոր տնօրեն Անատոլի Պոպովի խոսքերով` «Հայաստանում դեռ չկա երկաթբետոնե կոճերի արտադրության բավարար հզորություն: Կան կարիքներ, որոնք մենք ձգտում ենք լրացնել: Մենք պետք է ակտիվորեն զարգացնենք մեր համագործակցությունը»: «ԲետԷլՏրանս» ԲԲԸ ներկայացուցիչները նաեւ այցելեցին Հրազդանի ցեմենտի գործարան: «Մենք տեսնում ենք հայկական կողմի հետ համագործակցության եւս մեկ ուղղություն` Հայաստանից ցեմենտի առաքում մեր կովկասյան գործարան, որը գտնվում է Կրասնոդարում»,-ասել է Անատոլի Պոպովը: Նա նշեց, որ Հայաստանը ավանդաբար համարվում է բարձրորակ ցեմենտի արտադրող, որով շահագրգռված են շատ ընկերություններ, այդ թվում` «ԲետԷլՏրանս» ԲԲԸ: Ավելի վաղ «Ռուսական երկաթուղիներ» ԲԲԸ նախագահի կողմից հանձնարարվել է ստեղծել մոդել, որը թույլ կտա Հարավկովկասյան երկաթուղուն ավելացնել բեռնումը: Այդ ծրագրերի իրականացումը հնարավորություն կտա Հրազդանի ցեմենտի գործարանին` ավելացնել բեռնավորումը, իսկ Հարավկովկասյան երկաթուղու համար հնարավորություն կստեղծվի` բարձրացնել բարձման մակարդակը, որը դրականորեն կանդրադառնա Հայաստանի տնտեսության վրա»,-ավելացրել է Անատոլի Պոպովը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վարսեն Աղաբեկյանը` Պաղեստինի ԱԳ նախարար Պաղեստինի ղեկավար Մամուդ Աբասը վստահություն է հայտնել երկրի նոր կառավարությանը Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում Լավրով․ Պուտինին զարմացրել էր Արցախն Ադրբեջանի մաս ճանաչելու Փաշինյանի որոշումը Լավրովը մանրամասներ է ներկայացրել ՌԴ ղեկավարության հետ Փաշինյանի շփումներից Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները |