Հովհաննիսյանը՝ Վենետիկի հանձնաժողովի նիստում. Սահմանվել են ՄԻՊ-ի՝ կանխարգելման ազգային մեխանիզմները10 դեկտեմբերի 2016 - 11:48 AMT PanARMENIAN.Net - ՀՀ արդարադատության նախարար Արփինե Հովհաննիսյանը Վենետիկի հանձնաժողովի 109-րդ լիագումար նիստում ներկայացրել է «Մարդու իրավունքների պաշտպանի մասին» ՀՀ սահմանադրական օրենքի նախագիծը: Այս նստաշրջանում հաստատվելու է Վենետիկի հանձնաժողովի կարծիքը՝ «Մարդու իրավունքների պաշտպանի մասին» ՀՀ սահմանադրական օրենքի նախագծի վերաբերյալ: Արդարադատության նախարարը, ներկայացնելով հիմնական նորամուծությունները, նշել է, որ նախագծով լրացվել է գործող օրենքի բացը և սահմանվել են Պաշտպանի` որպես կանխարգելման ազգային մեխանիզմի լիազորությունները: Նախագծով ամրագրվել է նաև անկախ մասնագետներ և հասարակական կազմակերպությունների ներկայացուցիչներ ներգրավելու պաշտպանի լիազորությունը: «Մենք նախատեսել ենք նաև մարդու իրավունքներին և ազատություններին վերաբերող օրենքների և այլ իրավական ակտերի նախագծերը մարդու իրավունքների պաշտպանի կարծիքին ուղարկելու պարտադիր պայմանը, որը միտված է ապահովելու պաշտպանի պատշաճ դերակատարությանը՝ ոլորտային օրենսդրության մշակման փուլում»,- ասել է Հովհաննիսյանը: Նախարարն անդրադարձել է նաև այն փոփոխություններին, որոնք կատարվել են նախագծում՝ հիմք ընդունելով Վենետիկի հանձնաժողովի ներկայացուցիչների հետ հանդիպման ընթացքում քննարկված հարցերը, ինչպես նաև նախագծի՝ խորհրդարանական քննարկումների ընթացքում պատգամավորների կողմից ներկայացված առաջարկությունները: Մասնավորապես, նախագծում հստակեցվել են Պաշտպանի՝ որպես Օմբուդսմենի, և Պաշտպանի՝ որպես կանխարգելման ազգային մեխանիզմի հատուկ գործառույթները, ավելացվել է թափանցիկության սկզբունքը, ինչպես նաև համապատասխան երաշխիքներ են սահմանվել պաշտպանի ֆինանսական անկախության հարցում: Ելույթի ավարտին նախարարը համոզմունք է հայտնել, որ սահմանադրական այս օրենքի ընդունմամբ մեր երկրում Մարդու իրավունքների պաշտպանը կունենա առավել լավ և արդյունավետ գործիքներ սահմանադրական իր առաքելությունը լավագույնս իրականացնելու համար: Նոյեմբերի 28-ին ՀՀ ազգային ժողովի արտահերթ նիստում քննարկվել է «Մարդու իրավունքների պաշտպանի մասին» ՀՀ սահմանադրական օրենքի նախագիծը և հարակից նախագծերի փաթեթը: Նախագծում ամրագրվել են մարդու իրավունքների պաշտպանի լիազորությունների ընդլայնմանն ուղղված նոր սահմանադրական պահանջները: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |