«Խոստումի» դիտումն ամերիկյան կինոթատրոններում փորձում են տապալել

«Խոստումի» դիտումն ամերիկյան կինոթատրոններում փորձում են տապալել

PanARMENIAN.Net - ԱՄՆ-ում կինոթատրոնների այցելուները դժվարությունների են բախվում Հայոց ցեղասպանության մասին պատմող «Խոստումը» ֆիլմի տոմսերը գնել փորձելուց: Այդ մասին է հայտարարել ԱՄՆ Հայ դատի գրասենյակի գործադիր տնօրեն Արամ Համբարյանը:

Իր խոսքերով, որոշ կինոթատրոններում մեծ քանակությամբ տոմսերի նախնական գնում է տեղի ունենում, ինչից հետո՝ ցուցադրումից կարժ ժամանակ առաջ, դրանք հետ են վերադարձվում: Որպես հետևանք կինոթատրոնները չեն հասցնում վաճառել ազատված տոմսերն, ու դիտումն անցնում է կիսադատարկ դահլիճներում:

«Սա ցավալի է, սակայն ոչ զարմանալի, հաշվի առնելով ժխտողականության դառը փորձը Կապիտոլիումի բլուրից մինչև Հոլիվուդ», - նշել է Համբարյանը, ենթադրելով, որ մեքենայության հետևում թուրքական կողմն է կանգնած:

Ընթերցողներից մեկը պատմել է նրան, որ «Խոստման» լավագույն տոմսերը գնված էին դեռևս շաբաթներ առաջ, ինչի պատճառով նա ստիպված դահլիճում վատ տեղեր էր ամրագրել: Ցուցադրման ժամանակ նա ականատես է եղել կիսադատարկ դահլիճին, ու երբ բացատրություն է խնդրել կինոթատրոնի աշխատակիցներիս, վերջիններս պատմել են նկարագրված մեխանիզմի մասին:

«Խոստումը» Ֆիլմը ներկայացնում է սիրո պատմություն, որը տեղի է ունեցել Հայոց ցեղասպանության օրերին: Tracinda կորպորացիան, որը պատկանում էր ամերիկահայ Քըրք Քըրքորյանին, ստեղծել էր Survival Pictures անվանումով պրոդյուսերական կենտրոն, որի առաջին ձեռնարկը հենց այս ֆիլմն է եղել:«Խոստումի» պրեմիերան կայանալու է ապրիլի 21-ին` Ցեղասպանության 102-րդ տարելիցից առաջ։ Ֆիլմի հայաստանյան պրեմիերան կլինի ապրիլի 27-ին:

Կարդացեք նաև. Ջենիֆեր Լոպեսը միացել է «Խոստումը» ֆիլմի #KeepThePromise արշավին

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---