   .Հայ կանանց համարում եմ լավագույնը և ցանկանում եմ, որպեսզի նրանք սովորեն գնահատել իրենց 8 մարտի 2012 PanARMENIAN.Net - PanARMENIAN.Net-ը Կանանց միջազգային օրը` մարտի 8-ին մի շարք հարցազրույցներ է անցկացրել հայտնի կին քաղաքական գործիչների հետ: Նրանք պատմել են այն մասին, որոնք են մարտի 8-ին ստացած ամենահիշարժան նվերների մասին, կիսվել են քաղաքականությունում կանանց ներգրավվածության վերաբերյալ իրենց կարծիքով, ինչպես նաև շնորհավորել են հայ կանանց այս հրաշալի տոնի կապակցությամբ: Առաջինը հայ կանանց շնորհավորել է կոալիցիոն ԲՀԿ պատգամավոր Նաիրա Զոհրաբյանը: Ի՞նչ կցանկանայիք հայ կանանց այս տոնական օրը: Նախ մաղթում եմ երջանկություն, հավատ, հույս և սեր մեր կանանց: Ես շատ եմ ուզում, որ մեր կանայք իսկապես սկսեն գնահատել իրենց, քանի որ մեր կանայք շատ լավն են և արժանի են բարձր գնահատականի, քանի որ իսկապես լավն են: Աշխատանքի բերմամբ, ես շատ եմ լինում միջազգային կազմակերպություններում և երկրներում, և շփվելով տարբեր երկրների կանանց հետ, կարող եմ ասել, որ մեր կանայք անգնահատելի են: Նրանք շատ գեղեցիկ են, ինտելեկտուալ, շատ պատրաստված: Նրանց միայն մի փոքր պակասում է սեփական ինքնագնահատումը: Նախ դու պետք է գնահատես քեզ, հետո միայն գնահատանք պահանջես դիմացինից: Իսկ ես ցանկանում եմ, որ մեր հայ կանայք իսկապես իմանան իրենց գինը և նման վերաբերմունք ակնկալեն: Ո՞րն է մարտի 8-ին Ձեր ստացած ամենահիշարժան և օրիգինալ նվերը: Գիտեք, դա հատուկ մարտի 8-ի համար չէր արվել, պարզապես համընկել էր, Հրանտ Մաթևոսյանը ինձ նվիրել էր Եղիշե Չարենցի ստեղծագործությունների` իր կողմից խմբագրված գիրքը: Այն ունի նաև շատ թանկ մակագրություն` «քաջ և համարձակ աղջկան»: Սա այս տոնի հետ կապված ամենագեղեցիկ նվերն է: Մոտենում են խորհրդարանական ընտրությունները. Ձեր կարծիքը քաղաքականությանը` հայ կանանց ներգրավվածության մասին: Ցավոք, շատ փոքր է նրանց դերը, որը չի համապատասխանում այն պոտենցիալին, որն այժմ կա իրական հասարակական սեկտորում: Հայ կանայք շատ պատրաստված են, հասարակական և քաղաքական սեկտորում կան շատ ակտիվ կանայք, ովքեր կարող են իրապես ներգրավված լինել քաղաքական կյանքում: Ես հուսով եմ, որ նախընտրական պայքարում հանդես եկող կուսակցությունները հնարավորություն կընձեռեն, որ Ազգային ժողովում գրագետ և պատրաստված կանանց թիվը մեծանա: Ոչ միայն այն պատճառով, որ դա պահանջվում է օրենքով, իսկ համաձայն ԸՕ կանանց ներգրավվածությունը 20 տոկոսից պակաս չպետք է լինի, քանի որ կան քաղաքականապես գրագետ և պատրաստված այնպիսի կանայք, ովքեր կարող են լրջորեն մասնակցել քաղաքական գործընթացներին: Եվ ես հուսով եմ, որ այդ ներկայացվածությունը կլինի ոչ թե իմիտացիա, այլ իրական:Հայկ Խալաթյան / PanARMENIAN News   Ուշադրության կենտրոնում Հոդվածներ. Քաղաքականություն |  Այլ հարցազրույցներ Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
