Այլ աշխարհ. Անցնող տարվա համակարգչային խաղերի լավագույն հնգյակը

Համակարգչային խաղերի ինդուստրիան որակապես նոր մակարդակի է անցնում` կրնկակոխ հետևելով կինոարտադրությանն ու արվեստի մյուս ճյուղերին

17 դեկտեմբերի 2015
Այլ աշխարհ. Անցնող տարվա համակարգչային խաղերի լավագույն հնգյակը
Համակարգչային խաղերի աշխարհը շատ արագ է զարգանում` ամեն տարի հեղինակներին ու արտադրողներին միլիարդավոր դոլարների եկամուտ բերելով: Առաջարկվող ապրանքացանկի հսկայական բազմազանության մեջ շատ բարդ է ինչ-որ արժանի բան գտնելը: Չնայած դրան, աշխարհի տարբեր անկյուններում աշխատում են մշակողների տաղանդավոր խմբեր, որոնք ոչ թե ուղղակի խաղեր են ստեղծում, այլ արվեստի իսկական գործեր: Դրանք անհատական աշխատանքի արդյունք են և նման չեն մյուսներին, կարող են միլիոնավոր մարդկանց ուշադրությունը գրավել տևական ժամանակ: Հենց նրանց շնորհիվ է, որ համակարգչային խաղերի ինդուստրիան որակապես նոր մակարդակի է հասնում` կրնկակոխ հետևելով կինոյին ու արվեստի մյուս ճյուղերին:

Ծրագրավորման ուսուցման աշխարհի ամենամեծ հարթակ. Հեղինակները հայերն են

Ծրագրավորման մասին ոչ մի պատկերացում չունեցող օգտատերը կարող է զրոյից ծրագրավորում սովորել SoloLearn-ի օգնությամբ

14 դեկտեմբերի 2015
Ծրագրավորման ուսուցման աշխարհի ամենամեծ հարթակ. Հեղինակները հայերն են
Անցած շաբաթ հայ-ամերիկյան SoloLearn սկսնակ ընկերությունը ճանաչվել է Սիլիկոնյան հովտի մինչև $10 ֆինանսավորմամբ ամենաարագ զարգացող 10 ստարտափներից մեկը: Վարկանիշը կազմել է Mattermark ընկերությունը, որը զբաղվում է սկսնակ ընկերությունների ուսումնասիրությամբ: Ավելի վաղ SoloLearn-ը Հնդկաստանում ընդգրկվել էր 2015-ի լավագույն Android-հավելվածների ցանկում: Հաշվի առնելով հսկայական մրցակցությունը ծրագրավորման ուսուցման շուկայում, SoloLearn-ին հաջողվել է բավականին սեղմ ժամկետում գրեթե անհնարինի հասնել` իր ասպարեզում առաջատար դառնալով աշխարհում:

Հայկական թիմը նորարարական լուծումներ է առաջարկում ամպային տեխնոլոգիաների ոլորտում

«Իրերի ինտերնետի» ամբողջ բազմազանությունը պետք է աշխատի և փոխգործակցի ամպային ծառայությունների միջոցով

3 դեկտեմբերի 2015
Հայկական թիմը նորարարական լուծումներ է առաջարկում ամպային տեխնոլոգիաների ոլորտում
Նորարարության համաշխարհային շուկայում հսկայական տեմպերով է աճում «իրերի ինտերնետ» կոչվածը, որն իրար է կապում ամենատարբեր պրոֆիլների միլիարդավոր սարքեր: ԱՄՆ-ն ու Ճապոնիան ակնկալում են, որ 2020-ին յուրաքանչյուր սարք, սկսած բջջային հեռախոսից մինչև լվացքի մեքենա, միացած կլինի համացանցին` կառավարվելով շարժական սարքերի միջոցով: Հաշվի առնելով, որ յուրաքանչյուր մարդու բաժին է ընկնում 3-4 սարք, դրանց ընդհանուր քանակը 5 տարուց կարող է գերազանցել 7 մլրդ միավորը: «Իրերի ինտերնետի» ամբողջ բազմազանությունը պետք է աշխատի և փոխգործակցի ամպային ծառայությունների միջոցով: Այժմ գոյություն ունեցող սերվերային լուծումները, հավանաբար, թույլ չեն տա օպտիմալ կերպով օգտագործել ռեսուրսները նման քանակի սարքերի գործունեության համար: Ուստի ընկերություններից շատերը նոր լուծումներ են որոնում: Նրանց թվում է նաև հայկական Flaxton-ը, որն առաջարկում է նորարարական սերվերային լուծում «ամպում» աշխատելու համար:

Հայկական ընկերությունը մշակում է նվերների փոխանակման աշխարհում միակ ունիվերսալ հարթակը

1,5 տարի առաջ ստեղծված GiftsApp ընկերությունը մտադիր է դուրս գալ համաշխարհային շուկա 2016-ի առաջին եռամսյակում

25 նոյեմբերի 2015
Հայկական ընկերությունը մշակում է նվերների փոխանակման աշխարհում միակ ունիվերսալ հարթակը
Բոլորն են սիրում նվերներ մատուցել, և առավել ևս, նվերներ ստանալ: Սակայն, շատ հաճախ անցանկալի իրավիճակ է ստեղծվում, որն այս կամ այն կերպ բացասաբար է ազդում մարդու տրամադրության վրա: Օրինակ, երբ ցանկություն կա նվեր մատուցելու ոմն մեկին, սակայն հնարավորություն չկա իմանալու, թե նա ինչ կցանկանար ստանալ: Կամ ժամանակը չի բավարարում ինքնուրույն նվեր ընտրելու համար, կամ հարազատ մարդը հեռու է գտնվում և հնարավոր չէ իմանալ նրա հասցեն: Ոմանք սիրում են անակնկալներ մատուցել, նշանակում է` չէին ցանկանա հարցաքննել, թե ինչ նվեր կգերադասեր ստանալ տվյալ անձը: Նվերների բազմամիլիարդանոց շուկայում այս հարցը միշտ բաց է մնում և չունի ունիվերսալ լուծում: Հայկական GiftsApp սկսնակ ընկերությունը նպատակ է դրել ստեղծել նվերների փոխանակման ունիվերսալ հարթակ, որը միակը կլինի աշխարհում: Այդպես ձևավորվեց համանուն ծառայությունը:

Հաջողության գլխավոր գործոնը. Հայկական խաղը 78 երկրում «Apple խմբագրության ընտրությանն» է արժանացել

Սկզբից պետք է հանձն առնել սկզբունքորեն իրատեսական նախագծեր` չտրվելով անիրագործելի հավակնոտ մտքերին

24 նոյեմբերի 2015
Հաջողության գլխավոր գործոնը. Հայկական խաղը 78 երկրում «Apple խմբագրության ընտրությանն» է արժանացել
2015-ին մարտին ստեղծված և ընդամենը 3 ծրագրավորող ունեցող հայկական ArmNomads Games սկսնակ ընկերությունը կարողացավ ապացուցել բոլորին, և առաջին հերթին, ինքն իրեն, որ որակյալ ապրանք ստեղծելու համար միայն գիտելիք է հարկավոր, լավ գաղափար և ավյուն: Մեծ բյուջեներն ու հայտնի լինելը հաջողության գլխավոր գրավականը չեն: Թիմի ստեղծած բջջային Let's Twist խաղը շատ արագ հետաքրքրեց համաշխարհային հսկա Apple-ին: Նոյեմբերի 12-ին հայտնվելով App Store առցանց խանութում` խաղը «Apple խմբագրության ընտրությունը» կարգավիճակ ստացավ 78 երկրների շարքում և մեկ շաբաթվա ընթացքում գլոբալ առաջխաղացման իրավունք աշխարհի 135 երկրում:

Գյումրիից սթարթափը հաջողությամբ յուրացնում է ՏՏ ոլորտի ամենաբարդ ուղղություններից մեկը՝ 3D անիմացիան

Թիմը ստիպված է աշխատել ոչ միայն նախագծերի վրա, այլ նաև ուսուցանել անձնակազմի նոր անդամներին` հետագա ընդլայնման նպատակով

18 նոյեմբերի 2015
Գյումրիից սթարթափը հաջողությամբ  յուրացնում է ՏՏ ոլորտի ամենաբարդ ուղղություններից մեկը՝ 3D անիմացիան
Մի քանի տարի առաջ Գյումրիի տեխնոպարկի շրջանակում հիմնվեց Մուլտիմեդիա լաբորատորիան այն պահի համար բավականին հավակնոտ հեռանկարով` վերածել Հայաստանի երկրորդ քաղաքն ինդուստրիալ մուլտիմեդիային կենտրոնի: Այս հավակնությունները պահպանվել են, քանի որ թիմը, որն աշխատում է լաբորատորիայում, երկար ճանապարհ անցնելով, կարողացել է օգտագործել ստացած գիտելիքներն ու փորձը սեփական ստարտափ ընկերություն հիմնելու համար: Երիտասարդ Skyline Studio-ն զբաղվում է 3D և 2D անիմացիայով, անիմացիոն դիզայնով (Motion Graphics) և վիզուալ էֆեկտներով: Քանի որ այս ուղղությունները ամենաբարդերիցն են նորարարության ոլորտում, թիմը ստիպված է աշխատել ոչ միայն նախագծերի վրա, այլ նաև ուսուցանել անձնակազմի նոր անդամներին հետագա ընդլայնման նպատակով:

Հայկական ստարտափի մշակումը թույլ է տալիս ժամանակին հայտնաբերել տեսողական խնդիրները

Ծրագրային փաթեթը բաղկացած է հիմնական հավելվածից և արբանյակ հավելվածներից, որոնք ոչ մեծ լրացուցիչ թեստեր են և վարժություններ

13 նոյեմբերի 2015
Հայկական ստարտափի մշակումը թույլ է տալիս ժամանակին հայտնաբերել տեսողական խնդիրները
10 տարի առաջ հիմնված Sourcio տեխնոլոգիական ընկերությունը մեծ փորձառություն ունի ծրագրավորման, նոր տեխնոլոգիաների և մեթոդաբանության ոլորտներում: Ընկերությունը բարձրորակ նորարարական ծառայություններ է մատուցում և հաճախորդներ ունի Հայաստանում, Հյուսիսային և Հարվային Ամերիկայում, Եվրոպայում: Sourcio-ն մասնագիտանում է վեբ և բջջային հավելվածների մշակումների և տվյալների մեծ ծավալների հետ աշխատելու ոլորտներում: Սկսնակ ընկերություններին ևս հնարավորություն է տրվում աշխատել Sourcio-ի շրջանակում` կյանքի կոչելով սեփական գաղափարները: Նման ստարտափերից մեկը մշակել և հաջողությամբ առաջ է տանում մեր իրողության համար շատ օգտակար պրոդուկտ, որը թույլ է տալիս ժամանակին հայտնաբերել տեսողության հետ կապված խնդիրները և կանխել հետագա բարդությունները:

«Խելացի գրասենյակ» փոքր ու միջին բիզնեսի համար. Գյումրիի ստարտափը մշակում է ավտոմատացման մատչելի համակարգեր

Գոյություն ունեն բազմաթիվ նույնատիպ լուծումներ, որոնց արժեքը բարձր է, և չինական մատչելի պրոդուկտ, որի արտադրողը ոչ մի աջակցություն չի ապահովում

6 նոյեմբերի 2015
«Խելացի գրասենյակ» փոքր ու միջին բիզնեսի համար. Գյումրիի ստարտափը մշակում է ավտոմատացման մատչելի համակարգեր
Ներկա պայմաններում բիզնեսի հաջողության աստիճանը կախված է աշխատանքային գործընթացի կառավարման ժամանակակից միջոցների ներդրումից: Սակայն, նորարար լուծումների մեծ մասը հիմնականում կիրառվում է խոշոր ձեռնարկություններում և չի ներդրվում փոքրերում բարձր արժեքի պատճառով: Օգտվելով մատչելի միկրոհամակարգիչներից և ազատ ծրագրային ապահովումից` Գյումրիում գործող Brick Evolution սկսնակ ընկերությունը մշակում է ծրագրային ապարատային մի համակարգ, որը թույլ կտա փոքր ու միջին ձեռնարկություններին օգտվել նույնատիպ նորարար լուծումներից: Օգտվելով թիմի մշակած հարթակներից` կարելի է ստեղծել ավտոմատացման ամենատարբեր համակարգեր:

Ինչպես է IBM-ն աջակցում հայկական ստարտափների էկոհամակարգի զարգացմանը

Ստարտափների համար Հայաստանում ստեղծված են սեփական արտադրանքը զարգացնելու և այն միջազգային շուկայում ներկայացնելու բոլոր հնարավոր պայմանները

30 հոկտեմբերի 2015
Ինչպես է IBM-ն աջակցում հայկական ստարտափների էկոհամակարգի զարգացմանը
Նորարար տեխնոլոգիաների զարգացումը փոխում է բիզնես վարելու բուն էությունը: Փոփոխություններ են տեղի ունենում կյանքի բոլոր ոլորտներում` սկսած կրթություն ստանալուց մինչև աշխարհին ներկայանալու ձգտումը: Անցյալում բիզնեսակենտրոն շուկան այսօր կենտրոնանում է հաճախորդի վրա: «Ժամանակակից իրողության պայմաններում «խելացի բիզնես» վարելու համար անհրաժեշտ է կարողանալ վերլուծել մեկ կոնկրետ հաճախորդի բոլոր ցանկություններն ու տալ նրան համապատասխան շուկայական առաջարկը: IBM համաշխարհային հսկան տրամադրում է բոլոր գործիքներն ու լուծումները, որոնք թույլ են տալիս բիզնես գործընթացներն առավել հասկանալի և թափանցիկ դարձնել: Եվ այսօր բոլոր այդ լուծումները մատչելի են հայաստանյան սկսնակ ընկերություններին Նորարար լուծումների և տեխնոլոգիաների կենտրոնի օգնությամբ:

Գյումրիի ծրագրավորողները համակարգչի և մարդու փոխգործակցության նոր մեթոդ են մշակել

Improvis ստարտափը ներկայացնում է ավտորիզացիայի տեխնոլոգիա, որը չի ենթադրում ֆիզիկական շփում ստեղնաշարի կամ թաչսքրինի հետ

27 հոկտեմբերի 2015
Գյումրիի ծրագրավորողները համակարգչի և մարդու փոխգործակցության նոր մեթոդ են մշակել
Վավերացման և ավտորիզացիայի (լիազորման) դասական համակարգերի գլխավոր թերությունն այն է, որ օգտագործելով ստեղնաշարը կամ սենսորային էկրանը, մարդն ակամայից ի ցույց է դնում շրջապատի մարդկանց իր ծածկագրի որոշ տարրերը: Բացի այդ, գոյություն ունեն տարբեր հաքերային արձանագրություններ, որոնք թույլ են տալիս բացահայտել ծածկագիրը ստեղների սեղմման հաջորդականության գրանցման միջոցով: Հայկական Improvis ստարտափը նպատակ էր դրել վերացնել այդ թերությունը` բացառելով մարդու և սարքի ֆիզիկական կոնտակտը, օգտվելով վերջին 2 տարիների գիտական առաջադեմ մշակումներից: