FiberNet Communication Ինտերնետի մեծածախ փրովայդերն անցել է նորվեգական ADC Holding AS ընկերությանը 8 դեկտեմբերի 2010 - 19:49 AMT PanARMENIAN.Net - FiberNet Communication Ինտերնետի մեծածախ փրովայդերն անցել է նորվեգական ADC Holding AS ընկերությանը: Ինչպես PanARMENIAN.Net ին հաղորդեցին Հայաստանի Հանրային ծառայությունների կարգավորման հանձնաժողովից (ՀԾԿՀ), բաժնետոմսերի 100%-ի օտարման մասին հայտը հավանության է արժանացել դեկտեմբերի 8-ին ՀԾԿՀ նիստում: FiberNet Communication ընկերությունը պատկանում էր Հռիփսիմե Միքայելյանին (50%), Սերգեյ Դարբինյանին (25%) և Աննա Առաքելյանին (25%): FiberNet Communication ընկերությունը` Հայաստանի խոշորագույն հեռահաղորդակցական ընկերություններից մեկը, ստեղծվել է 2006 թվականին: Ընկերությունը տնօրինում է սեփական ժամանակակից հեռահաղորդակցության ցանցը և առաջարկում ծառայությունների լայն շրջանակ, ինչպիսին են տվյալների տարանցիկ փոխանցումը, միջազգային ալիքների վարձակալումը, մուտքը ինտերնետ և այլն: Արտասահմանյան ընկերությունների հետ համագործակցության հիմնական ուղղություններն են առկա ճանապարհների օպտիմիզացում, նոր մալուխային ցանցերի անցկացում, ինչպես նաև կապի առկա ալիքների անցումային հնարավորության մեծացում: FiberNet Communication-ը ելք ունի դեպի Ռուսաստանի և Եվրոպայի հիմնական օպերատորների ցանցեր: ADC Holding AS ընկերությունը 2006 թվականին հիմնադրված հայ-նորվեգական «Արմենիան Դեյթաքոմ Քոմփընի» (ADC) ՓԲԸ համատերն է: ADC-ն բարձր արագությամբ լայնաշերտ օպտիկա-մանրաթելային ինտերնետ-կապին միացման, ինչպես նաև տվյալների փոխանցման ծառայություններ է տրամադրում: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու ՌԴ ԱԳՆ–ում կարծում են՝ 102–րդ ռազմաբազան ՀՀ ինքնիշխանության միակ երաշախավորն է Նշվել է, որ Արևմուտքը փոխարենը ոչինչ չի առաջարկում |