 Երևանում կայացավ «Էլեկտրոնային բիզնես» մագիստրոսական ծրագրի շնորհանդեսը 13 մայիսի 2011 - 17:27 AMT PanARMENIAN.Net - Այսօր Եվրասիա միջազգային համալսարանում կայացավ «Էլեկտրոնային բիզնես» մագիստրոսական ծրագրի շնորհանդեսը: Շնորհանդեսին ներկա էին կրթության և գիտության նախարար Արմեն Աշոտյանը, ՀՀ-ում Լիտվայի արտակարգ և լիազոր դեսպան Գեդրիուս Ապուոկասը, ՏՏ, բանկային և այլ ոլորտներ ներկայացնող կազմակերպությունների ղեկավարներ և ներկայացուցիչներ։ Արմեն Աշոտյանը ողջունեց և շնորհավորեց ԵՄՀ ռեկտոր Սուրեն Օհանյանին և բոլոր ներկաներին Հայաստանում «Էլեկտրոնային բիզնես» միջազգային մագիստրոսական ծրագրի մեկնարկի կապակցությամբ` կարևորելով տվյալ ոլորտի զարգացումը ՀՀ-ում: Գեդրիուս Ապուոկասը մատնանշեց մագիստրոսական ծրագրի կարևորությունը հայ-լիտվական հարաբերությունների զարգացման գործում: Դեսպանը նշեց, որ համանման կրթական համագործակցությունը երկու երկրների միջև աննախադեպ է: Microsoft ընկերության հայաստանյան ներկայացչության տնօրեն Գրիգոր Բարսեղյանը, Ձեռնարկությունների ինկուբատոր հիմնադրամի փոխտնօրեն Ժենյա Ազիզյանը, «Այքոն Քոմունիքեյշնս» ընկերության տնօրեն Րաֆֆի Քասարջյանը և այլ ընկերությունների ղեկավարներ պատրաստակամություն հայտնեցին մագիստրոսական ծրագրի իրականացման ընթացքում ցուցաբերել բազմակողմանի աջակցություն: ԵՄՀ ռեկտոր Սուրեն Օհանյանը խոսեց նաև մագիստրանտների գործնական և ձեռնարկատիրական հմտությունների զարգացման նպատակով ստեղծվող համալսարանական բիզնես ինկուբատորի մասին, ինչն առավել հանգամանալից քննարկվեց հանդիպման երկրորդ հատվածում: «Էլեկտրոնային բիզնես» մագիստրոսական ծրագիրն իրականացվում է Եվրասիա միջազգային համալսարանի (ԵՄՀ), Լիտվայի Միկոլաս Ռոմերիս համալսարանի, Բարսելոնում, Ժնեւում եւ Մյունխենում գործող Եվրոպական համալսարանի հետ համատեղ և Ինֆորմացիոն տեխնոլոգիաների ձեռնարկությունների միության (UITE) աջակցությամբ: Ծրագիրը նպատակ ունի լրացնել ՀՀ աշխատաշուկայում «Էլեկտրոնային բիզնես»-ի մասնագետների ներկայումս նկատվող պակասը, ընդլայնել գործող կազմակերպությունների ասպարեզը և խթանել էլեկտրոնային բիզնեսով զբաղվող նոր ընկերությունների ստեղծումը:  Ուշագրավ «Ոլորտի միասնական կառավարման մարմնի ստեղծումը կապահովի տեխնոլոգիական և ինովացիոն աննախադեպ նվաճումներ»,–նշված է հաղորդագրության մեջ Գործարքի մանրամասներին իրազեկ աղբյուրները նշում են, որ Yahoo! Inc. և Alibaba Group-ի գործարքը շահավետ է դարձնում IPO անցկացումը 2015թ. վերջում «Ելքը» նպատակ ունի Ֆեյսբուքի միջոցով Սփյուռքի, Ջավախքի, Արցախի մասնագիտական ընտրախավերին ևս ներառել շարժման մեջ Քննարկմանը ներկա էին ԻՏՁՄ անդամ ընկերությունների ներկայացուցիչներ, որոնք ներկայացրեցին իրենց խնդիրները   |  Բաժիններ թեմայով Վերջին լուրեր Հրատարակություն. Էհուդ Բարաքը հայտնել է, որ Թել Ավիվը համաձայն է Իրանում ուրանի հարստացմանը մինչև 3,5%  Իսրայելի իշխանությունները հայտնել են, որ պատրաստ են ճկունություն ցուցաբերել ԻԻՀ-ում ուրանի հարստացման ցածր մակարդակի առնչությամբԻրանը միջուկային վառելիքի երկու չափաբաժին Թեհրանի փորձառական շարժիչն է բեռնել Փետրվարին հաղորդվում էր, որ իրանցի մասնագետները Թեհրանում շարժիչի միջուկն են բեռնել սեփական արտադրության առաջին վառելիքային համալիրը«Վեցնյակից» ԵՄ երկրները Իրանին ռուսականից տարբերվող առաջարկների փաթեթ կներկայացնեն Դա վկայում է «վեցնյակի» անդամ երկրների միջև առկա տարաձայնությունների մասին, հայտնել է ԵՄ Գերագույն հանձնակատար Քեթրին Էշթոնի ներկայացուցիչ Մայքլ ՄաննըԵՄ հետ վիզային ռեժիմը ՌԴ քաղաքացիների համար կարող է վերանալ արդեն 2014 թվականին Դաշնության Խորհրդի խոսնակ Վալենտինա Մատվիենկոն հույս է հայտնել, որ, մասնավորապես, 2014-ին համապատասխան գլոբալ համաձայնագիր կստորագրվի |
