Սեուլում ԱՄՆ նախագահ Բարաք Օբամայի և Թուրքիայի վարչապետ Ռեջեփ Թայիփ Էրդողանի հանդիպմանը միջուկային անվտանգության խնդիրներից բացի քննարկվել են նաև Սիրիայի ու Իրանի խնդիրները, այսօր լրագրողներին են հայտնել թուրքագետ Հակոբ Չաքրյանը և «Նորավանք» գիտակրթական կենտրոնի մասնագետ Արիստակես Սիմավորյանը: Այդ նույն հանդիպմանը Էրդողանը մի քանի հայտարարություն է արել այն մասին, որ ԵԱՀԿ Մինսկի խումբը սպառել է իրեն և փոփոխության կարիք ունի: Չնայած նրան, որ Թուրքիան փորձում է մասնակից դառնալ գործընթացին, մյուս բոլոր մասնակիցները դա թույլ չեն տա: Բանախոսները նշել են, որ հենց Թուրքիայի աջակցությունն է Բաքվի ռազմատենչ հռետորության ու ՄԽ շրջանակներում ղարաբաղյան կարգավորման ձգձգման պատճառը: