Հայ պատգամավորները նորմալ են համարում հանուն նախընտրական քարոզարշավի խորհրդարանի նիստերից «բացակայելը»13 ապրիլի 2012 - 20:02 AMT PanARMENIAN.Net - Այս շաբաթ չկայացավ Հայաստանի Ազգային ժողովի նիստերի հերթական քառօրյակը: Պատճառը չափազանց պարզունակ էր` քվորումի բացակայություն, ինչի հետևանքով խորհրդարանի ղեկավարությունը չորս օր շարունակ նիստերը չկայացած հայտարարեց: Հայրենակից խորհրդարանականները, ովքեր առանց այդ էլ սիրում են բաց թողնել Ազգային ժողովի նիստները, նախընտրական քարոզարշավի ժամանակ բոլորովին մոռացել են իրենց ուղղակի պարտականությունների` օրինաստեղծ գործունեության մասին: Ընդ որում, այս անգամ ավանդական «բացականերին» միացել են նաև նրանց կարգապահ գործընկերները: PanARMENIAN.Net ը փորձել է Ազգային ժողովի այսօրվա ավանդական ճեպազրույցում պարզել խորհրդարանականների վերաբերմունքը խորհրդարանի աշխատանքի հանդեպ փաստացի սաբոտաժին: Առաջինը հարցին պատասխանել է «Օրինաց երկիր» խորհրդարանական խմբակցության ղեկավար Հեղինե Բիշարյանը, ով ափսոսանք հայտնելով, որ քառօրյակը ձախողվել է, այնուամենայնիվ, կոչ է արել դրանում չմեղադրել պատգամավորներին: Որպես արդարացում նա նկատել է, որ անգամ իրենց եվրոպական գործընկերները նշում են, որ նախընտրական քարոզարշավի եռուն շրջանում նույնը կատարվում է նաև նրանց մոտ: Բիշարյանի կարծիքով` հարկավոր է ապագայում օրենսդրորեն չեղյալ հայտարարել խորհրդարանի նիստերը նախընտրական քարոզարշավի ժամանակ, որպեսզի այսուհետ նման դեպքեր տեղի չունենան: ՀՅ Դաշնակցությունից պատգամավոր Արծվիկ Մինասյանը նույնպես ոչ մի ամոթալի բան չի գտել նրանում, որ պատգամավորները բաց են թողել քառօրյակը: Ընդ որում PanARMENIAN.Net ի թղթակցի այն դիտողությանը, որ պատգամավորներն աշխատավարձ են ստանում իրենց օրինաստեղծ գործունեության համար, Մինասյանն ի պատասխան նշել է, որ աշխատավարձը պատգամավորի սահմանադրական իրավունքն է: Այդպես էլ անհասկանալի մնաց` արդյո՞ք Մինասյանը չհասկացավ հարցը, թե՞ կարծում է, որ պատգամավորի աշխատավարձի մեջ մտնում է նաև վճարը հանուն սեփական վերընտրման նրա քարոզչական աշխատանքի դիմաց: Ինչպես միշտ իր «յուրահատուկ հումորի զգացումով» փայլել է Հայաստանի Հանրապետական կուսակցության (ՀՀԿ) խորհրդարանական խմբակցության ղեկավար Գալուստ Սահակյանը: Նույն հարցին, որը տրվել է Մինասյանին, նա պատասխանել է, որ «պատգամավորները գումար են ստանում ամենակարևորի` ժողովրդի հետ հաղորդակցության համար»: Ըստ երևույթին, իրենց պատգամավորության ողջ ընթացքում նրանց ժամանակը չէր բավականացնում դրա համար և զգալով իրենց լիազորությունների ժամկետի սպառումը` նրանց մեջ արթնացել է սեփական ընտրողների, հասարակ ժողովրդի հետ հաղորդակցության հանդեպ յուրահատուկ մի ձգողականություն, որ անգամ Ազգային ժողովի կանոնադրությունն ու պատգամավորի սահմանադրական պարտականությունները չկարողացան խոչընդոտել դրան: Սակայն Գալուստ Սահակյանին չարժե առանձնապես մեղադրել բացակա պատգամավորների համար, չէ որ անգամ սովորական օրերին ՀՀԿ խմբակցությունն առանձնանում է խորհրդարանի նիստերը բաց թողնելու հանդեպ իր պատգամավորների «սիրով»: Ինչ վերաբերում է «Բարգավաճ Հայաստան» և «Ժառանգություն» խմբակցություններին, ապա դրանց ներկայացուցիչները ներկա չէին ճեպազրույցին: Հավանաբար, այդ կուսակցություններում տրամաբանորեն ենթադրել են, որ եթե նիստերին բացակայել են, ապա ճեպազրույցներին ներկա գտնվելը հարիր չէ: Վերջում կուզենայի միայն հիշեցնել մեր պատգամավորներին, որ նրանց ուղղակի պարտականությունը օրինաստեղծ գործունեությունն է, որի համար նրանք, ի դեպ, փոքր գումար չեն ստանում, որի մասին նրանց համաքաղաքացիների մեծ մասը կարող է միայն երազել: Եվ որ իրենց վերընտրվելը պետք է ապահովել ակտիվ աշխատանքով խորհրդարանում իրենց պատգամավորության 5 տարիների ընթացքում, այլ ոչ թե նախընտրական քարոզարշավի մեկ ամսում, վստահեցումներով և խոստումներով, որոնց նպատակը շատերի դեպքում մեկն է` ևս մեկ ժամկետով ապահովել Ազգային ժողովի նիստերին բացակայելու հնարավորությունը:
Հայկ Խալաթյան / PanARMENIAN News Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Գուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացին |