ՀՅԴ Երիտասարդականի ներկայացուցիչը Ստոկհոլմում դատապարտել է փոքրամասնությունների նկատմամբ բռնության կիրառումը23 մայիսի 2012 - 19:13 AMT PanARMENIAN.Net - ՀՅԴ Բյուրոյի Երիտասարդական գրասենյակը մայիսի 18-20-ը մասնակցել է Եվրոպայի Երիտասարդ ընկերվարականների կազմակերպության (ECOSY) նախաձեռնությամբ Շվեդիայի մայրաքաղաք Ստոկհոլմում կազմակերպած «Պայքար աջ-ծայրահեղականության դեմ և գաղթականության ու համարկման խնդիրները» թեմայով սեմինարին: Սեմինարը հյուրընկալել է Շվեդիայի Ընկերավար-Ժողովրդավարական կուսակցության (SAP) երիտասարդական կազմակերպությունը (SSU): ՀՅԴ Երիտասարդականը ներկայացրել է «Նիկոլ Աղբալյան» ուսանողական միության անդամ և Բյուրոյի երիտասարդական գրասենյակի աշխատակից Անահիտ Հարությունյանը: Սեմինարին մասնակցել են նաև պատվիրակներ Չեխիայից, Բելգիայից, Գերմանիայից, Ավստրիայից, Շվեդիայից, Դանիայից, Նորվեգիայից և այլն: Սևծովյան տարածաշրջանի պետություններից սեմինարին մասնակցում էր միայն Հայաստանը: Դանիայի, Նորվեգիայի և Ավստրիայի ներկայացուցիչները ներկայացրել են եվրոպական երկրներում և մասնավորապես սկադինավյան երկրներում օր օրի զարգացող աջ-ծայրահեղական շարժումների դիրքը իշխանության մեջ և վտանգը, որը սպառնում է այս երկրների փոքրամասնություններին: Սեմինարի ընթացքում քննարկվել է ընկերվար-ժողովրդավարական կուսակցությունների դերը և կարևորությունը աջակողմյան ծայրահեղական և նեո-նացիստական շարժումների դեմ պայքարելու գործընթացում: ՀՅԴ Երիտասարդականի ներկայացուցիչը ներկայացնելով ՀՅԴ Երիտասարդականի տեսակետը այս խնդրի վերաբերյալ` դատապարտել է ցանկացած գործողություն ուղղված փոքրամասնությունների նկատմամբ բռնության կիրառմանը և ճնշման գործադրմանը, նշելով որ ցանկացած ժողովրդավարական պետություն պարտավոր է պաշտպանել իր քաղաքացիների իրավունքները, միաժամանակ ուշադրության կենտրոնում պահելով փոքրամասնությունների ազատ ինտեգրումը հասարակություն: Քննարկումների արդյունքում մասնակիցների կողմից հնչեցվեցել են առաջարկություններ, թե ինչպես ընկերվար-ժողովրդավարական կուսակցությունների երիտասարդական կազմակերպությունները միասնաբար պետք է պայքարեն ծայրահեղական շարժումների դեմ` հանուն մարդու իրավունքներ պաշտպանության և համերաշխության հաստատման: Քննարկումների հետ միաժամանակ, սեմինարի ընթացքում տեղի է ունեցել ԵԵԸԿ աշխատանքային խմբերի հանդիպումներ: Քննարկումներին մասնակցելուց բացի ՀՅԴ Երիտասարդականի ներկայացուցիչը հանդիպումներ է ունեցել տարբեր երկրների պատվիրակների հետ, որտեղ քննարկվել են երկուստեք համագործակցության եզրերը։ ԵԵԸԿ- Եվրոպայի Երիտասարդ Ընկերվարականների Կազմակերպությունը համախմբում է Եվրոմիության, Կենտրոնական և Արևելյան Եվրոպայի, ինչպես նաև միջերկրածովյան երկրների Ընկերվարական և Ընկերվար-Ժողովրդավարական երիտասարդական շարժումները: Այն հիմնադրվել է 1992թ.-ի նոյեմբերին Հագայում: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |