Ճարտարապետ. Փակ շուկայից հետո հաջորդը, երևի, Մատենադարանն ու Օպերան են քանդելու

PanARMENIAN.Net -

Ճարտարապետ Արսեն Կարապետյանը PanARMENIAN.Net ի թղթակցի հետ զրույցում ասաց, որ իր համար Փակ շուկայի` ճարտարապետական արժեք ներկայացնելը քննարկելու խնդիր չէ, քանի որ այն արդեն գրանցված է որպես այդպիսին. «Եթե այն մտնում է հանրապետական նշանակության հուշարձանների ցուցակի մեջ, ապա իրենից հաստատ արժեք ներկայացնում է. այս դեպքում ոչ հարևանների, ոչ էլ ուրիշների կարծիքը հարցնելու անհրաժեշտություն չկա քանդել կամ չքանդելու համար»։

Կարապետյանը, անդրադառնալով այն հարցին, թե արդյոք հնարավոր է վերականգնել շուկայի նախկին ճարտարապետական տեսքը, ասաց. «Ցանկացած կառույց միասնական է ներսից և դրսից, միայն ճակատային հատվածը չի շենքը, շուկայի հիմնական արժեքը հենց իր ներքին տարածությունն է: Եթե լիներ նախագիծ, որով պետք էր ամրացնել, ուժեղացնել, կարգի բերել շուկան, կարելի էր քննարկել, թե ինչ մեթոդով կարելի է կամարը քանդել և նորից վերականգնել»։

Արսեն Կարապետյանն այն կարծիքին է, որ ճարտարապետական արժեք ներկայացնող շինությունների քանդման միտումը ոչ թե նոր է, այլ արդեն 15 տարի կա. «Որոշ ժամանակ առաջ անհնար էր պատկերացնել, որ կքանդեն Փակ շուկան, հաջորդը, երևի, Մատենադարանն ու Օպերան են լինելու»:

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---