  Պաշտպանության նախարարն ընդունել է Հայաստան ժամանած շուրջ 70 սփյուռքահայ երիտասարդների 12 հուլիսի 2012 - 20:11 AMT PanARMENIAN.Net - Հուլիսի 12-ին ՀՀ ՊՆ վարչական համալիրում կայացել է պաշտպանության նախարար Սեյրան Օհանյանի հանդիպումը Հայկական բարեգործական ընդհանուր միության և «Դեպի Հայք» հիմնադրամի օժանդակությամբ Հայաստան ժամանած երիտասարդների հետ, հաղորդում է ՀՀ ՊՆ մամլո ծառայությունը: Պաշտպանության նախարարը, ողջունելով ԱՄՆ-ից, Սիրիայից, Մեծ Բրիտանիայից, Ուրուգվայից, Ֆրանսիայից, ՌԴ-ից և Կանադայից Հայաստան ժամանած շուրջ 70 սփյուռքահայ երիտասարդներին և կարևորելով ՀՀ-ում նմանատիպ միջոցառման անցկացումը՝ նշել է, որ ամեն տարի Հայաստան այցելող պատանիները միշտ էլ ցանակալի հյուր են եղել պաշտպանության նախարարությունում: Իր խոսքում Սեյրան Օհանյանը մասնավորապես ասել է. «Հայրենաճանաչողական, կրթական ու մշակութային ասպարեզներում աշխատանքների ծավալումն անծանոթ չէ Հայաստանի պաշտպանական գերատեսչությանը: Պաշտպանության նախարարությունը, բացի իր բուն՝ զինվորական խնդիրների կատարումից, այսօր մեծածավալ ծրագրեր է իրականացնում կրթության և գիտության նախարարության ու նրա տարածքային կառույցների, սփյուռքի նախարարության, մշակույթի նախարարության, Հայաստանում գործող մի քանի տասնյակ հասարակական, երիտասարդկան և ուսանողական կազմակերպությունների ամենատարբեր հիմնադրամների հետ»: Այնուհետև պաշտպանության նախարարը պատասխանել է երիտասարդների հարցերին, որոնք հիմնականում վերաբերում էին աշխարհաքաղաքական խնդիրներին, ինչպես նաև ԼՂ հակամարտության կարգավորման գործընթացին, Ադրբեջանի կողմից հնչող ռազմատենչ հայտարարություններին, ՀՀ զինված ուժերի պատրաստությանը: Հանդիպման ավարտին հիմնադրամի անդամները Սեյրան Օհանյանին շնորհակալություն են հայտնել ջերմ ընդունելության համար՝ հույս հայտնելով, որ նմանատիպ միջոցառումները շարունակական բնույթ կկրեն: Հանդիպումից հետո երիտասարդները մեկնել են Վազգեն Սարգսյանի անվան ռազմական ինստիտուտ, ծանոթացել ուսումնական հաստատության առօրյային:   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց  Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նաՎենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններԱլիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |
