  Հայաստանը շահագրգռված է խորացնել հարաբերությունները Գերմանիայի հետ 19 հուլիսի 2012 - 16:02 AMT PanARMENIAN.Net - Նախագահ Սերժ Սարգսյանին իր հավատարմագրերն է հանձնել Հայաստանի Հանրապետությունում Գերմանիայի Դաշնային Հանրապետության նորանշանակ արտակարգ և լիազոր դեսպան Ռայներ Մորելը, հայտնում է նախագահի մամլո ծառայությունը: Նախագահը շնորհավորել է դեսպանին՝ մեր երկրում դիվանագիտական առաքելությունն սկսելու կապակցությամբ և մաղթել հաջողություններ: Սերժ Սարգսյանը բարձր է գնահատել Հայաստանի և Գերմանիայի միջև վերջին տարիներին զգալի առաջընթաց արձանագրած հարաբերությունները, ընդգծելով, որ հայկական կողմը շահագրգռված է այդ դինամիկան պահպանելու և ավելի խորացնելու հարցում: Դեսպան Մորելը նշել է, որ հայ-գերմանական հարաբերությունները զարգացման մեծ ներուժ ունեն և որպես դեսպան՝ կանի հնարավորը այդ ներուժը լիարժեք օգտագործելու, երկկողմ կապերն ավելի սերտացնելու համար: ԳԴՀ դեսպանի խոսքով, հարուստ մշակույթ և պատմություն ունեցող Հայաստանի հետ Գերմանիան կարող է լավագույնս համագործակցել նաև հումանիտար ոլորտում: Զրուցակիցներն անդրադարձել են Հայաստան-Եվրամիություն փոխգործակցությանը, ԵՄ Արևելյան գործընկերության ծրագրի շրջանակներում գործակցության զարգացմանն ու երկկողմ առևտրատնտեսական կապերի շարունակական զարգացմանը՝ նկատի առնելով, որ ԵՄ երկրներից Գերմանիան Հայաստանի առաջին առևտրային գործընկերն է: Նախագահ Սերժ Սարգսյանն ու դեսպան Ռայներ Մորելը մտքեր են փոխանակել նաև տարածաշրջանային խնդիրների շուրջ: Partner news  Ուշագրավ ԱԳ նախարարն ընդունել է ԵԱՀԿ Մինսկի խմբի համանախագահներին ՀՀԿ խմբակցության ղեկավարն ԱԺ ամբիոնից պատասխանեց այս օրերին ընդդիմության ներկայացուցիչների հնչեցրած քննադատություններին «Եթե իշխանությունների մեջ կան մարդիկ, ովքեր այդպես չեն անի, մենք նրանցից պետք է ձերբազատվենք»,- ասաց նա Քննարկմանը հրավիրված են ԱԺ պատգամավորները, վարչապետը, Էներգետիկայի և բնական պաշարների նախարարը, ՀԾԿՀ նախագահ Ռոբերտ Նազարյանը   Partner news Ամենաընթերցվողը բաժնում |  Վերջին լուրեր Մյունխենի «Բավարիան» հաղթեց Չեմպիոնների լիգայում  Արդեն 5-րդ անգամն է, որ «Բավարիան» ճանաչվում է Չեմպիոնների լիգայի հաղթող։Սևան Նիշանյան, ժամանակդ լրացել է․ Թուրք լրագրողին սպառնում են Twitter-ում Twitter-ի այլ թուրք օգտագերեր գրում են, որ գրությունը չի արտահայտում մեծամասնության կարծիքըԱ․Քեշիշի «Ադելի կյանքը» Կաննում ստացավ Կինոկրիտիկների միջազգային ասոցիացիայի մրցանակը Սովորույթի համաձայն, FIPRESCI մրցանակը շնորհվում է գլխավոր մրցանակաբաշխության նախօրեինԿարկտահարություն՝ Լոռու և Արմավիրի մարզերում Տեղացած կարկուտի հետևանքով վնասվել են Լոռու մարզի Ագարակ, Ամրակից և Լեջան գյուղերի պտղատու այգիներն ու ցանքատարածքները |
