Ռիմա Վարժապետյան. Իսրայելի կողմից Հայոց ցեղասպանության ճանաչումը ժամանակի հարց է23 օգոստոսի 2012 - 15:16 AMT PanARMENIAN.Net - Իսրայելի կողմից Հայոց ցեղասպանության ճանաչումը ժամանակի հարց է: Այդ մասին այսօր Երևանում կայացած մամլո ասուլիսում հայտնեց Հայաստանում հրեական համայնքի ղեկավար Ռիմա Վարժապետյանը: «Այն, որ Հայաստանը ճանաչել է Հոլոքոստը, իսկ Իսրայելը Հայոց ցեղասպանությունը` ոչ, միանգամայն բացատրելի է: Հոլոքոստը ի սկզբանե հայտնի իրողություն էր ամբողջ աշխարհի համար, և հրեաներն ամեն ինչ արեցին, որպեսզի այն միջազգային ճանաչման արժանացնեն: Մինչդեռ Հայոց ցեղասպանությունն իրագործվելուց հետո երկար տարիներ կոծկվել է, դրա մասին չի խոսվել, Հայոց ցեղասպանության զոհերի հուշահամալիրը բացվեց միայն 50 տարի անց, և հայերը դեռ շատ անելիք ունեն Մեծ Եղեռնի միջազգային ճանաչմանը հասնելու համար»,- նշեց նա: Վարժապետյանը լրագրողների ուշադրությունը հրավիրեց այն փաստին, որ յուրաքանչյուր իրեն հարգող մեծահարուստ հրեա նվիրատվություն է կատարում Հոլոքոստի և ցեղասպանության հարցերով ինստիտուտին Երուսաղեմում: «Նույնը չենք կարող ասել հայ մեծահարուստների մասին: Եթե պահանջում ենք, որպեսզի օտար երկիրը ճանաչի Հայոց ցեղասպանությունը, ապա առաջին հերթին մենք ինքներս պետք է քայլեր ձեռնարկենք դրա համար: Այն ամենը, ինչ արվում է Հայոց ցեղասպանության միջազգային ճանաչման համար, շատ նեղ շրջանակների մեջ է կատարվում, դա բավական չէ»,- ասաց Հայաստանում հրեական համայնքի ղեկավարը: Կովկասում Իսրայելի հյուպատոս Ռոն Շեխտերն իր հերթին հավելեց, որ, այդուհանդերձ, Հայաստանի ու Իսրայելի միջև հարաբերությունները սառը չի համարում: «Դրանք ջերմ բարեկամական հարաբերություններ են: Իսկ ինչ վերաբերում է Իսրայելում Հայաստանի դեսպանատան բացմանը, ապա դա տեղի կունենա այն ժամանակ, երբ Հայաստանում բացվի Իսրայելի դեսպանատունը»,- նշեց նա Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին |