ՀԱՊԿ ԱԱՀՈւ զորավարժությունները Հայաստանում հետաձգվել են մինչև սեպտեմբերի 15-19

ՀԱՊԿ ԱԱՀՈւ զորավարժությունները Հայաստանում հետաձգվել են մինչև սեպտեմբերի 15-19

PanARMENIAN.Net - ՀԱՊԿ Արագ արձագանքման հավաքական ուժերի համատեղ «Համագործակցություն 2012» զորավարժությունը, որ կայանալու է Հայաստանում հայտարարված սեպտեմբերի 3-8-ի փոխարեն տեղի կունենա սեպտեմբերի 15-19: Ինչպես հայտնում է ՀԱՊԿ մամլո ծառայությունը, զորավարժությունները հետաձգվել են հայկական կողմի խնդրանքով տեխնիկական պատճառներով:

Ինչպես ասվում է հաղորդագրության մեջ, զորավարժությունների ժամանակ, որոնք կանցնեն «Բաղրամյան» զորավարժարանում, կմշակվի հավաքական անվտանգության ուժերի ու միջոցների կիրառումը Կովկասյան տարածաշրջանում: Զորավարժություններին կմասնակցեն Հայաստանի, Բելառուսի, Ղազախստանի, Ղրզստանի, Ռուսաստանի ու Տաջիկստանի զորամիավորումներն ու հատուկ նշանակության ուժերի ստորաբաժանումները, ինչպես նաև Միջազգային Կարմիր խաչի ներկայացուցիչները, ՄԱԿ, ԵԱՀԿ, ԱՊՀ միջազգային դիտորդները: Մասնակիցների ընդհանուր թիվը կհասնի 2000:

 Ուշագրավ
Վարչապետը հանդիպել է Պաշտպանության նախարարության և Զինված ուժերի ղեկավար կազմի հետ
Նալբանդյանն ավելի վաղ համաձայնել էր տեսակապով զրուցելուն
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար