  Ռամիլ Սաֆարովի գործով տուժող Հայկ Մակուչյանը դիմելու է եվրոպական ատյաններին 1 սեպտեմբերի 2012 - 12:55 AMT PanARMENIAN.Net - Հունգարիայի դատարանի կողմից Ռամիլ Սաֆարովի գործով տուժող ճանաչված Հայկ Մակուչյանն այժմ խորհրդակցում է իրավաբանների հետ, որպեսզի դիմի համապատասխան ատյաններին նաև իր խախտված իրավունքը վերականգնելու համար: «Սաֆարովին ազատ արձակելով խախտվել են նաև իմ իրավունքները: Ներկայումս ես ինտեսիվ խորհրդակցություններ եմ անցկացնում հետագա քայլերը հստակեցնելու համար»: Անդրադառնալով Հայաստանի իշխանությունների քայլերին, Մակուչյանն ասաց, որ Հունգարիայի իշխանությունները հայտարարել էին, որ չեն արտահանձնի Սաֆարովին, ամեն ինչ շատ անսպասելի էր և ինքը չի կարող որևէ գնահատական տալ Հայաստանի իշխանությունների քայլերին.«Գերատեսչություններին գնահատական տալը իմ գործը չէ, Սաֆարովը դատապարտվել էր ու պետք է կրեր պատիժը: Հայկական կողմը պետք է անընդհատ ձեռքը զարկերակին պահեր, ինչը և արվում էր, սակայն ամեն ինչ շատ անսպասելի եղավ»: Հիշեցնենք, որ Հայկ Մակուչյանը Գուրգեն Մարգարյանի ընկերն է ու զինակիցը: Նրանք Հունգարիայում միասին են մասնակցել ՆԱՏՕ-ի կազմակերպած անգլերեն լեզվի դասընթացներին: Սպանության գիշերը, Սաֆարովը նաև Հայկին է փնտրել, և միջանցքում գոռացել է, որ սպանելու է բոլոր հայերին: Մինչ ոստիկանների ժամանելը նա կացնով հարվածել է նրա սենյակի դռանը: Հունգարական դատարանը գտել է, որ դա մահափորձ է եղել և գործով տուժող է ճանաչել նաև Հայկ Մակուչյանին: Հայկ Մակուչյանի խոսքով` Ռամիլ Սաֆարովի ադրբեջանցի ընկերը, որը այդպես էլ ոչ մի անգամ չհարցաքննվեց, կարող էր շատ բան պատմել կատարվածի մասին, սակայն ադրբեջանցիներն ամեն ինչ արել են, որ նրան չհարցաքննեն:    Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»:  Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Թրյուդո․ Պետք է հիշենք և հարգենք Հայոց ցեղասպանության զոհերի հիշատակը  Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբԹուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին»Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |
