Ներելով Սաֆարովին՝ Բաքուն լուրջ փաստարկ տվեց հայկական կողմին Ղարաբաղի շուրջ բանակցություններուևմ 1 սեպտեմբերի 2012 - 14:31 AMT PanARMENIAN.Net - Ադրբեջանական իշխանությունները, ներում շնորհելով հայ սպայի մարդասպան Ռամիլ Սաֆարովին, լուրջ փաստարկ տվեցին հայկական կողմին Ղարաբաղի շուրջ բանակցություններում: Այդ մասին Երևանում կայացած մամլո ասուլիսում հայտարարել է «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը: Ըստ նրա, ինչպես էլ գործեն ՀՀ իշխանությունները, «այս դեպքը ծանր կշռաքար է հայկական կողմի նժարին Ղարաբաղի շուրջ բանակցություններում»: «Ահա ա՞յս պետությանն են մեզ առաջարկում փոխզիջումների գնալ: Ա՞յս պետությանն են առաջարկում Լեռնային Ղարաբաղին հանձնել իր քաղաքացիներին: Ա՞յս պետությունն է ինչ-որ ինքնավարության տեսակներ առաջարկում այն մարդկանց, որոնց, հավանաբար, մտադիր է սպանել»,-հայտարարել է քաղաքագետը: Ըստ նրա, Ադրբեջանի իշխանությունները, ազատ արձակելով Սաֆարովին, միանգամայն հակառակ արդյունքի հասան: «Չգիտեմ, թե ինչի էին նրանք ուզում հասնել, հավանաբար, վերջինը, ինչ կցանկանային, դա Ադրբեջանին վնասելն էր»,-ասել է Իսկանդարյանը: «Քնած մարդու զազրելի կենցաղային սպանության համար մեղադրվող, չապաշխարհած մարդասպանը, որը դատավարության ժամանակ պդնում էր, թե ափսոսում է, որ միայն մեկին հաջողվեց սպանել, հավանաբար, «փրկագնի» դիմաց, արտահանձնվում է Ադրբեջանին, և հակառակ բոլոր օրենսդրական նորմերին, ինչպես միջազգային, այնպես էլ բուն Ադրբեջանի, այդ մարդասպանն ազատ է արձակվում: Գործնականում նա հերոս է հռչակվում»,-ասել է Իսկանդարյանը: Ըստ փորձագետի, եթե մինչև երեկ այդ իրադարձությունը կարելի էր մեկնաբանել որպես երկու մարդկանց միջև տեղի ունեցած դեպք, ապա Սաֆարովին ազատ արձակելով ադրբեջանական պետությունը ստանձնում է այդ սպանության պատասխանատվությունը: «Ադրբեջանական պետությունը արդարացրեց մարդասպանին: Ադրբեջանի պաշտոնյաները, իշխող կուսակցության ներկայացուցիչները, արդարադատության ու ՊՆ ներկայացուցիչները մեկնաբանում են այդ սպանությունը որպես «արդարության ակտ»,-ասել է նա: Իսկանդարյանը նաև հավելել է, որ գիշերն ուսումնասիրել է ադրբեջանական ԶԼՄ-ների լրահոսը Սաֆարովի գործով և նշել է, որ «հասարակական կարծիքն այդ երկրում ուղղակի տարակուսանք է առաջացնում, առնվազն շատ մեծ ափսոսանք»: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Հայաստանի նախագահ Ռոբերտ Քոչարյանի հրամանագրով Գուրգեն Մարգարյանը 2005թ. փետրվարի 19-ին հետմահու պարգևատրվեց «Արիության համար» մեդալով՝ ծառայության ընթացքում դրսևորած արիության ու ինքնազոհողության համար: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին |