 Ռոբերտ Քոչարյանը Սաֆարովի արտահանձման հետ կապված հայտարարությամբ է հանդես եկել 4 սեպտեմբերի 2012 - 14:46 AMT PanARMENIAN.Net - ՀՀ երկրորդ նախագահ Ռոբերտ Քոչարյանի գրասենյակը Ռամիլ Սաֆարովի արտահանձնման և ներման հետ կապված հանդես է եկել հայտարարությամբ: «Ադրբեջանի իշխանությունների գործողությունները զարմանք չեն առաջացնում: Սա այդ երկրում վաղուց փայփայվող հայատյացության չկշռադատված դրսևորում է: Հիշենք Սումգայիթը, հայերի ջարդերը Բաքվում և «շահիդների պուրակը», որը հավերժացնում է ջարդարարների հիշատակը: Սրանում համոզվածությունն է ժամանակին ձևավորել ղարաբաղյան հակամարտության կարգավորման գործընթացում հայկական կողմի անփոփոխ դիրքորոշումը' որևէ ձևով Ադրբեջանի կազմում ԼՂՀ գոյության անհնարինությունը: Ադրբեջանում այնպիսի ատելությամբ են լցված հայերի նկատմամբ, որ մոռացել են բարոյականության սահմանների մասին: Մարդասպանին ներում շնորհելու հրամանագիրը ղարաբաղցիների՝ անկախություն ունենալու բոլոր հիմնավորումների լավագույն ապացույցն է: Ի դեպ, եթե հունգարական կողմի արձագանքից պարզվի, որ Ադրբեջանն իրոք խաբել է պաշտոնական Բուդապեշտին և հանցավոր համաձայնություն չի եղել, ապա հունգարացիների ամենաարժանի պատասխանը կարող է լինել Լեռնային Ղարաբաղի Հանրապետության ճանաչումը», -ասված է հայտարարության մեջ:   Գուրգեն Մարգարյան 2004 թ. փետրվարի 19-ին ադրբեջանցի սպա Ռամիլ Սաֆարովը գիշերը կացնահարում է Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի ,Գործընկերություն հանուն խաղաղությանե ծրագրի շրջանակներում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ես ափսոսում եմ, որ ոչ մի հայ մինչ այժմ չեմ սպանել...Բանակն ինձ գործուղեց այս դասընթացներին, եւ այստեղ ես իմացա, որ մեզ հետ դասընթացներում նաեւ երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարեւում էինք, այսինքն` նրանք էին բարեւում, սակայն ես չէի պատասխանում: Սպանության պատճառն այն է, որ նրանք անցան մեր մոտով եւ ժպտացին մեր երեսին: Այդ պահին ես որոշեցի սպանել նրանց, այսինքն լուսադեմին կտրել նրանց գլուխները»: Partner news  Ուշագրավ
Բաքուն պետք է բանակցություններ սկսի ԼՂՀ հետ իր կողմից սանձազերծված ագրեսիայի հետևանքների վերացման շուրջ` ներառյալ առկա ստատուս քվոն, ասել է նա Հանդիպման ընթացքում քննարկվեցին երկու երկրների միջև հարաբերությունների զարգացման հեռանկարները Ազատության հրապարակում մեկնարկած հանրահավաքին ելույթ են ունենում Նախախորհրդարանի անդամները Գրիգորի Այվազյանը պատրաստվում է իր թեկնածությունն առաջադրել Ադրբեջանում հոկտեմբերին կայանալիք նախագահական ընտրություններին   Partner news |  Վերջին լուրեր «Art Fest»-ի մրցանակակիրները հայտնի են, թյուրմացությունները` հարթված  Փառատոնի մրցութային փուլում ընգրկված էր 130 ստեղծագործություն արվեստի տարբեր բնագավառներիցԱրամ Խաչատրյանի անվան տրիոն հյուրախաղերով ՌԴ-ում է` կոմպոզիտորի ծննդյան 110-ամյակի առիթով Մարտի 30-ին Չինաստանի Շենժեն քաղաքում կայացած համերգով են մեկնարկել Արամ Խաչատրյանի անվան տրիոյի հյուրախաղերըՏրայան Հրիսթեան` Ադրբեջանի հակահայկանան հայտարարությունների մասին. ԵՄ-ը աչք չի փակում, բայց պատժել չի կարող Էստոնիայի արդարադատության նախարարը և ԵՄ պատվիրակության ղեկավարը պատասխանել են լրագրողների հարցերին«Հարսնաքարի գործ». Դատական նիստին ներկայացել և ցուցմունք է տվել Ռուբեն Հայրապետյանը Ռ. Հայրապետյանը նշել է, որ ամբաստանյալներին ճանաչում է մանկուց և նրանք նման բան չէին կարող անել |
