// IP Marketing video - START// IP Marketing video - END

Թբիլիսիի Խոջիվանքի գերեզմանատան տապանաքարերը հայտնվել են փողոցում

Թբիլիսիի Խոջիվանքի գերեզմանատան տապանաքարերը հայտնվել են փողոցում

PanARMENIAN.Net - Սեպտեմբերի 4-ին Թբիլիսիի այգիներից մեկում հայտնաբերվել են Խոջիվանքի գերեզմանատան տապանաքարերը, որոնք խորհրդային իշխանությունների օրոք ծառայել են որպես շինանյութ: Այդ մասին PanARMENIAN.Net ի թղթակցին պատմեց Հայ Առաքելական եկեղեցու Վիրահայոց թեմի «Հայարտուն» մշակույթի կենտրոնի ղեկավար Լևոն Չիդիլյանը:

Նրա խոսքով, այժմ նրանք քաղաքապետարանի հետ բանակցություններ են վարում, քարերը Խոջիվանքի տարածք տեղափոխելու նպատակով:

Խոջիվանքի տարածքը դարեր ի վեր պատկանել է Աշխարբեկ Բեյբութովի նախնիներին, և ծառայել է որպես տոհմական գերեզմանոց:

1655 թ-ին նա կառուցեց Սուրբ Աստվածածին եկեղեցին, որը ժողովուրդը սկսեց անվանել Խոջիվանք: Արդյունքում գերեզմանոցի ողջ տարածքը կոչվեց «Խոջիվանք»: Ժամանակի ընթացքում այն դուրս եկավ տոհմական գերեզմանոցի սահմանից և դարձան հայկական ամենամեծ գերեզմանոցը:

20 դ-ի 20-ական թթ-ից այնտեղ այլևս թաղումներ չէին կատարվում: 1934 թ-ից Լավրենտի Բերիայի հրամանով գերեզմանոցը սկսեցին ակտիվորեն վերացնել: Տապանաքարերը գետնին հավասարվեցին, իսկ թանգարանային նշանակություն ունեցող տապանաքարերը դարձան շինանյութ: Փրկել հաջողվեց միայն Թումանյանի և Րաֆֆու գերեզմանաքարերը: Գերեզմանոցի տարածքը դարձավ «Բարեկամության» այգի, որտեղ հայերը ծառերի տակ մոմեր էին վառում` ի հիշատակ իրենց նախնիների:

 Ուշագրավ
Այն կպայքարի մրցանակի համար «Լավագույն օտարալեզու ֆիլմ» անվանակարգում
«Ազնավուրը բացարձակ արտիստ է, նա երգեր է գրել նաև ֆիլմերի համար, նաև մեծ դերասան է, սցենարներ է գրել»,-ասել է «Սեզարի» նախագահ Ալեն Թերզյանը
Ցուցահանդեսը մեկտեղում է ժամանակակից կերպարվեստը, քանդակագործությունը, լուսանկարչությունը, տեսանյութեր
Կարճ սերիալի համար մրցանակին է արժանացել «Ջանի Վերսաչեի սպանությունը»