Հայաստանի պետական և մասնավոր հատվածները պատրաստ են եվրոպարտատոմսերի թողարկմանը 6 սեպտեմբերի 2012 - 15:09 AMT PanARMENIAN.Net - Հայաստանի համար հիմա ժամանակն է կազմակերպել եվրոպարտատոմսերի առաջին էմիսիան: Այդ մասին լրագրողների հետ զրույցում ասել է «Ամերիա» ընկերությունների խմբի ներդրումային և բանկային գործարքների բաժնի տնօրեն Առնո Մոսիկյանը: «Դա կդառնա ֆինանսավորման այլընտրանքային աղբյուր, քանի որ հիմա մենք կախված ենք միայն միջազգային կառույցների ֆինանսներից»,- ասել է նա: Նրա խոսքով, այդ արժեթղթերի էմիսիան պարտքի կառավարման արդյունավետ միջոց է և ընդհանուր առմամբ լավ գործիք մասնավոր ընկերությունների համար` իրենց հետագա պարտքի կառավարման համար: «Ամերիա» ընկերությունների խումբը «Տրոյկա Դիալոգի» իր գործընկերների հետ միասին և «Սբերբանկը» սեպտեմբերի 6-ին կազմակերպել են սեմինար-քննարկում եվրոպարտատոմսերի և դրանց շուկայի թեմայով, որին մասնակցել են Հայաստանի ֆինանսների նախարարության, ՀՀ Կենտրոնական բանկի, ֆոնդային բորսայի աշխատողներ, ինչպես նաև բանկի կորպորատիվ հաճախորդներ: Անդրադառնալով սեմինարին` մասնագետը նշել է, որ այն արդի է հենց նրանով, որ Հայաստանը դեռ եվրոպարտատոմսերի էմիսիայի փորձ չունի, իսկ ահա հարևան Վրաստանում արդեն իրականացվել է հինգ թողարկում: «Դա կարևոր է մասնավոր հատվածի զարգացման համար արտաքին շուկաներից լրացուցիչ կապիտալ ներգրավելու առումով»,- ասել է նա: Առնո Մոսիկյանն առաջին էմիսիան կապում է պետական պարտատոմսերի հետ, որի ծավալը կարող է կազմել 200-500 մլն դոլար, 5 տարի մարման ժամկետով: Դրա հետ կապված նա նշել է, որ Հայաստանի մասնավոր հատվածը` խոշոր ֆինանսական կազմակերպությունները, այդ թվում նաև պետությունը, լիովին պատրաստ են թողարկման: Մոսիկյանը հավելել է, որ «Ամերիա» ընկերությունների խմբի ղեկավարությունը յուրաքանչյուր պահի կարող է որոշում ընդունել եվրոպարտատոմսերի թողարկման մասին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |